三星旗艦大舖劈價二千!512GB Note 系手機落價鬥華為,網友點揀?

2019-04-18 14:49
文章分享
唔知大家有無印象,四月初果陣版主同大家講過,某間大舖出現暗價,將三星舊代旗艦劈到 $4000 唔使。文章一出,就令到呢間大舖內部十分緊張,而佢哋嘅果份緊張,亦傳到我耳中,既然如此,版主就唔講佢,講下其他大舖的消息。近日三星旗艦在其他大舖都出現減價,你又會唔會去呢啲大舖入手呢?睇下文啦!

三星旗艦大舖劈價二千!512GB Note 系手機落價鬥華為,網友點揀?

老老實實,版主行場去到邊行到邊,誇張果句可以說無處不在,邊區都有機會出沒,要了解一下手機有乜優惠,一點不難。這就是我的職責,要將手機市場的行情,話畀網友知道,等網友知道邊度買,先至抵。當然,版主都係人,唔係神,我問到嘅嘢,網友應該都可以問到。相信任何一個客人,見到有間舖「明張目膽」豎個牌寫住有優惠,係有興趣嘅,應該都會問價吧~家陣係擺個牌出嚟但介意畀人知,咁不如收返埋個牌。

扯得遠咗少少,純粹吐一吐心聲,入返正題:最近行過衛訊,就見到三星 S9 同樣寫住「特價發售」,問及「特價」即係點,啊,原來而家都係賣緊 $3998。可能係某大舖暗價效應,所以衛訊都照跟吧。$3998 買上代 S9,話貴,又唔算貴,畢竟佢都係有 S845 處理器,同最新的 S10e 相差 $1300,個人覺得算係合理的,當然,如果真係畀得起錢,最好緊係直接上 S10 系列吧。至於 S9+,64GB、128GB、256GB 最新賣價則分別為 $4998、$5398、$5998。

三星旗艦大舖劈價二千!512GB Note 系手機落價鬥華為,網友點揀?

三星旗艦大舖劈價二千!512GB Note 系手機落價鬥華為,網友點揀?

另外,Galaxy Note 系列手機又如何?Galaxy Note9 128GB 現時最新大舖價為 $5998,而 512GB 最新大舖價則為 $7998。512GB 而家呢個價就同華為 P30 Pro 的 512GB 版差不多,網友又會揀佢定揀華為 P30 Pro 呢?

三星旗艦大舖劈價二千!512GB Note 系手機落價鬥華為,網友點揀?

三星 Galaxy S9 在文章發表時,大舖賣價為 $3998,按這裡有詳細規格及最新賣價
三星 Galaxy S9+ (64GB) 在文章發表時,大舖賣價為 $4998,按這裡有詳細規格及最新賣價
三星 Galaxy S9+ (128GB) 在文章發表時,大舖賣價為 $5398,按這裡有詳細規格及最新賣價
三星 Galaxy S9+ (256GB) 在文章發表時,大舖賣價為 $5998,按這裡有詳細規格及最新賣價
三星 Galaxy Note9 (128GB) 在文章發表時,大舖賣價為 $5998,按這裡有詳細規格及最新賣價
三星 Galaxy Note9 (512GB) 在文章發表時,大舖賣價為 $7998,按這裡有詳細規格及最新賣價
文章分享