三星、LG 中階手機齊劈價!二千蚊買到三鏡手機

2019-05-03 20:35
版主寫咁多手機減價資訊,但有無發現好多時我都係講旗艦機,中階機、入門機反而比較少提?一般有兩個原因,一係就版主自己都無乜興趣,連寫嘅意欲都沒有;但更重要原因係,中低階手機減價速度普遍都沒有旗艦機快。不過,可能 Samsung 推出咗一堆 A 系列中階新機,所以現有的中階手機都需要落價,當中除咗包括 Samsung 自己本身,仲有 LG。有邊部,賣幾錢,睇下文啦!

三星、LG 中階手機齊劈價!二千蚊買到三鏡手機

今個月起 Samsung、LG 的中階手機都有減價。先講 Samsung,今期減價的中階手機為 Galaxy A7,衛訊做緊中國建設銀行信用卡優惠,只要用中國建設銀行信用卡簽賬,就可以 $2098 的價錢,買到呢部 Samsung 三鏡手機。至於 LG 又係邊部?其實應該估得到,LG 而家根本就無乜手機,說的是 G7 Fit,原價 $2998,而家減多 $500,最新賣價為 $2498,網友又會唔會買呢?

三星、LG 中階手機齊劈價!二千蚊買到三鏡手機

三星、LG 中階手機齊劈價!二千蚊買到三鏡手機

規格部份,Samsung Galaxy A7 採用了 6 吋 1080p 芒,配備 Exynos 7885 處理器,內置 4GB RAM 以及 128GB ROM,支持 microSD 擴充,電量為 3300mAh。相機會有三鏡頭,分別為 24MP 標準 (F1.7)  + 5MP 景深 (F2.2) + 8MP 超廣角 (F2.4、120 度) 鏡頭,前置鏡頭為 24MP。

至於 LG G7 Fit,則採用了 6.1 吋芒,解像度為 3120 x 1440,配備 Qualcomm S821 處理器,呢粒處理器放在以前係旗艦 U,而家只屬中階級別,內置 4GB RAM 以及 64GB ROM,同樣支持 microSD 擴充,電量有 3000mAh。相機只有 16MP 單鏡頭,而前置鏡頭則為 8MP。其他功能和配置包括 32-bit Quad DAC、3.5mm 耳機輸出、IP68 防塵防水和 MIL-STD-810G 標準。

Samsung Galaxy A7 在文章發表時,大舖賣價為 $2098,按這裡有詳細規格及最新賣價
LG G7 Fit 在文章發表時,大舖賣價為 $2498,按這裡有詳細規格及最新賣價