係時候換新機！十個升級三星 Galaxy Note20 系列的理由

Samsung Galaxy Note 系列，係一向最受用家歡迎嘅三星手機系列。而 Note 每年暑假都會有更新，今年當然會有。咁到底今年嘅 Samsung Galaxy Note20 系列，一出兩部：Note20 及 Note20 Ultra，到底升唔升級好？我哋數到十個你應該升級理由。


 

001: 真 5G 手機

2020 年係香港 5G 元年，用得旗艦手機，無理由唔買部支援 5G 嘅手機。有睇過 ePrice 版主嘅分享，原來好多 5G 手機都係「5G 不全」：即係支援唔晒香港會用嘅 5G 頻段。而 Samsung Galaxy Note20 系列，係 5G 俱全，支援四個香港網絡商嘅 5G 頻段，由港島至九龍，就算係限制區，都會用到 5G！老實，唔係好多香港有得賣嘅 5G 手機，做到呢一點架咋。


▲ 除咗支援香港 5G 全部頻段，Note20 系列仲係雙卡雙待，插晒兩張 SIM，用來上網嗰邊都可以係 5G 連線。呢個功能，唔係部部有雙卡嘅 5G 手機都做到架。
 

002：新設計「霧光銅」好好睇

Samsung Galaxy Note20 系列總共有五款頻色選擇，其中「霧光銅」就兩個版本都有嘅顏色。「霧光銅」打破了近幾年好流行嘅「指紋芒」設計，加了「霧光」手指狂掂部機，都無指紋花痕嘅問題，真係好唔錯。


▲ 「霧光銅」色嘅 Samsung Galaxy Note20 Ultra
 

003：大電量兼快充充電

一部好嘅手機，就會日日咁用，時時咁用。想像大家買咗 Note20 系列都一樣。所以，電量係好重要㗎！Samsung Galaxy Note20 配備 4300mAh 電池，而 Note20 Ultra 有 4500mAh 都係大電池容量。都係好快用到無電？Note20 支援 25W 有線快充及 15W 無線快充，最快 30 分鐘就可以充滿 50% 電量。與此同時，Note20 系列支援反向充電，可以為 Galaxy buds  Live 或 Watch 3 等充電架。


▲ Note20 支援反而無線充電，可以為三星嘅 Galaxy Buds Live 及 Watch 3 充電。
 

004：護眼屏幕 

Samsung Galaxy Note20 配備 6.7 吋 Super AMOLED Plus 而 Note20 Ultra 用上 6.9 吋 Dynamic AMOLED 2X 屏幕，分別有 90Hz 及 120Hz 屏幕刷新率，十分適合打機時用，因為屏幕刷新率越高，畫面更順暢。另外，兩款型號都有降低有害藍光選項，保持圖像原有色彩之餘亦減低樣眼睛傷害。
 

005: 高質相機

Samsung Galaxy Note20 延續了三星旗艦手機影相好掂嘅傳統。兩款型號都有超廣角鏡頭、廣角鏡頭及遠攝鏡頭的三個後置鏡頭。當中 Galaxy Note20 Ultra 嘅廣角鏡頭，支援 1.08 億像素超高解像度拍攝，用上鐳射自動對焦感應器，對焦效果快速準確。而 Note20 Ultra 更支援 50 倍超高解像度變焦，用 Galaxy Note20 Ultra 影相，更易捕捉畫面細節。而 Galaxy Note20 遠攝鏡頭亦支援 6400 萬像素拍攝，及 3 倍混合式光學變焦。


▲ Galaxy Note20 Ultra 的三個後置鏡頭。
 

006：專業拍片

講完影相，其實 Samsung Galaxy Note20 系列，都加入了專業拍片模式。首先，拍片最高解像度，可以去到 Full HD 高 16 倍嘅 8K。此外，Note20 系列亦有電影院比例嘅 21：9 以及 24fps 影片拍攝模式。但最強嘅，就係有變焦速度控制功能，可以做出如電影一樣嘅自然 Zoom In Zoom Out 效果；而拍片時嘅錄音部份，手機會因應你拍片時鏡頭方向與 Zoom In Out 效果，調節收音方向，令影與聲都有專業嘅感覺。


▲​ 很自然的 Zoom In Zoom Out 效果。
 

007: 反應更好嘅 S Pen

三星 Note 系列少不了有 S Pen 應用，Galaxy Note20系列 嘅 S Pen 運用 A.I.人工智能技術，精準預測用戶的書寫路徑，而對應手機嘅陀螺儀感應器和加速感測器，令 S Pen 嘅時延減少近80%，令手寫感覺更似真工的筆與紙。

功能上，升級 S Pen 亦新增了五項 Anywhere actions 手勢操作，只需按著 S Pen 按鍵，在空中指向屏幕畫一個「>」符號，即可顯示最近使用嘅應用程式；畫一個「^」即返回手機主頁面；「<」返回上一項操作；「V」啟動Smart Select 等等。


▲ Galaxy Note20 嘅 S Pen 支援更多操控功能。

008：Samsung Notes 更加好用 
Samsung Galaxy Note20 系列內置 Galaxy Notes 應用程式，配合埋反應好咗嘅 S Pen 就更加好用。新一代 Samsung Notes 新增咗「語音書籤」功能，你可以一邊錄音、一邊加入筆記及標記重點，錄住音都可以寫 Notes。另外，Samsung Notes 今次支援將潦草嘅手寫筆記自動轉換為清晰易讀嘅文字，而斜向的手寫文字轉為水平方向，更方便閲讀。你亦可以用 Samsung Notes 編寫 PDF 内容或將筆記轉換為 Microsoft PowerPoint 檔案，唔駛用電腦都可以做 PDF 及 PowerPoint，好方便呀。


▲ 可以在 Samsung Note 內加入錄音，而檔案亦可以輸出成 PDF 檔。
 

009 : 與 Windows 電腦分享檔案

Samsung Galaxy Note20 系列亦有升級版嘅「Link to Windows」功能，簡單嚟講，用家做到 與 Windows 10 電腦互相共享檔案，而 Windows 電腦上亦可以使用 Android 手機應用程式，例如瀏覽手機圖片或編輯訊息等。


▲ 檔案可以在 Samsung Galaxy Note20 系列與 Windows 電腦之間互傳。
 

010: Samsung DeX 支援無線連接顯示裝置

Samsung Galaxy Note20 系列，有著全新嘅 Samsung DeX。呢個用來將手機屏幕投射至顯示裝置，例如 Smart TV 嘅功能，今次可透過無線連接，唔駛用 HDMI Cable，只要 Smart TV 支援 WiFi Miracast ，就可以讓手機畫面投射到 Smart TV，便可同步操控兩個屏幕，例如在 Smart TV 觀看電影時，用 Galaxy Note20 系列與朋友發送短訊討論影片内容等！


▲ 當連接 Smart TV 後，手機屏幕㐓變為 TrackPad 操控。


三星 Galaxy Note20 建議零售價為 $7398，而 Galaxy Note20 Ultra 則有 256GB 和 512GB 兩個選擇，建議零售價分別為 $9198 以及 $9998。在 9 月 10 日或之前經特約零售商或經銷商出機，即可免費獲贈 Galaxy Buds Live 無線降噪耳機一對。另外，出機亦可享 5 折買機套、4 個月 YouTube Premium 體驗以及指定遊戲遊戲禮包。

睇完呢十個升級原因，係咪好想立即出返部，按呢度了解更多啦

資料由三星提供