5G 通殺價！三星 Galaxy A42 上市，5G 俱全＋五千大電＋真雙卡

呢排我都想轉新 iPhone，但望一望，原來最平嗰款 iPhone 12 mini 都要上五千蚊。Sorry，我窮。我出到二千幾蚊 Budget 買手機。我知，用到 5G 嘅要貴少少，三千頭，我 OK 的。市面有無三千頭，甚至係二千尾嘅 5G 手機？有嘅！但全部「不全」，唔係 5G 不全 (唔支援香港三大 5G 頻普)，就係假雙卡 (用雙卡無 5G），所以三星突然宣佈推出 Samsung Galaxy A42 5G，我說，我可以！


 

小米華為都無嘅選擇

數一數，香港有邊一款三千幾，三千蚊左右，又係「5G 俱全」又有可以用到 5G 嘅雙卡雙待手機？得三款：華為 Nova  7 SE，同埋華為 Nova 7 5G。華為無 Google，我是 G Service 重度用家，HMS 係代替唔到。小米呢排好多 5G 手機，但無論由平都貴，都係「5G 不全」，香港三大 5G 頻譜，永遠都無 n79，唔齊料，Buy 唔落手。
 

5000  大電是賣點

呢部 Samsung Galaxy A42 5G 呢？先講下規格面: Qualcomm S750G CPU，8GB RAM + 128GB ROM，OK 夠用。720 x 1600 Pixel 解像度 SAMOLED 打窿芒，雖然無 Full HD，但有成 6.6 吋，係好大嘅。相機呢？ 四鏡頭後置，但實際你當有用嘅係 4800 萬像素 F1.8 光圈主鏡同埋 F2.2 八百萬像素嘅超廣角鏡頭啦。可以插 3.5mm 耳機，仲有 USB Type C + NFC (但不支援 Samsung Pay) ，夠晒用。當然，重點是 5000mAH 大電池，支援 15W 有線快速。

佢比起其他差唔多價位嘅小米、Realme 最大不同嘅係：真 5G + 4G 雙卡雙待，仲有支援香港 5G 頻段 n1, n78 跟 n79。
   
 
▲ 幾款平價 5G 手機賣價比拼。Click 入見更多規格比拼及個別手機介紹