新舊機都有!千元有找平價安心手機

2021-02-17 17:01
最近留意到,有唔少網友想平平地搵部後備手機,方便出街使用。呢類手機毋須好 specs,只要夠平,可以下載到 App,就好足夠。如果想搵部 $1000 都唔使嘅 Android 手機,又有無咩安心選擇呢?版主就嚴選幾部安心手機,睇下又係咪啱你心水。睇下文啦!

新舊機都有!千元有找平價安心手機
 

三星 Galaxy A01 Core

使用三星手機,用起上來我都相對安心一點,不過好多時候三星手機都唔係平,但無計,你要平就買小米、realme 好過。呢部 Galaxy A01 Core 香港並無推出,深水埗水貨賣緊約 $625,有 5.3 吋芒,配備 MTK MT6739 處理器,內置 2GB RAM 以及 32GB ROM,電池容量為 3000mAh。相機用上 8MP 單鏡頭,前置鏡頭則為 5MP。

新舊機都有!千元有找平價安心手機
 

Nokia 2.4

呢部 Nokia 2.4 香港都有推出,香港賣價 $1098,過咗 $1000,不過如果想 $1000 唔使買到 Nokia 2.4,細舖行貨而家賣價 $990,具有 6.5 吋芒,配備 MTK Helio P22 處理器,內置 3GB RAM 以及 64GB ROM,電池容量有 4500mAh。相機用上 13MP + 2MP 雙鏡頭,前置鏡頭則為 5MP。

Nokia 2.4 在文章發表時,大舖賣價為 $1098,按這裡有詳細規格及最新賣價

新舊機都有!千元有找平價安心手機
 

ASUS ZenFone Max Plus M1

呢部手機已經係 3 年前嘅手機,有興趣嘅話只能從水貨入手,見到某格價網有深水埗店舖報價顯示,呢部手機現時水貨價只需 $868,有 5.7 吋芒、MTK MT6750 處理器、4GB RAM + 64GB ROM、4130mAh 電池等規格,相機具有 16MP + 8MP 雙鏡頭,前置鏡頭則為 8MP。

ASUS ZenFone Max Plus M1 在文章發表時,大舖已經下市,按這裡有詳細規格

新舊機都有!千元有找平價安心手機
 

Nokia 8.1

呢部手機都出咗有 3 年,同上面 ASUS 一樣都係只能買水貨,現時賣價約 $990,用上 6.18 吋芒,配備 S710 處理器,內置 4GB RAM + 64GB ROM,電池容量為 3500mAh。相機部分 Nokia 8.1 主鏡頭為 12MP + 13MP 雙鏡頭組合,前置鏡頭則為 20MP。

Nokia 8.1 在文章發表時,大舖已經下市,按這裡有詳細規格

新舊機都有!千元有找平價安心手機
 
您可能也喜歡▼