真三卡、五千電:三星千元級 Galaxy A22 5G 港行實測

2021-06-26 13:25
千呼萬喚,三星最平的 5G 手機 Galaxy A22 5G 終於係香港開賣,見到版主的開賣情報係咪都 O 晒嘴呢? 建議零售價 1998 元就買得到一部三星出品的 5G 手機,更離譜係規格竟然咁鬼吸引:真三卡、五千電、三鏡頭、配合 LCD 90Hz 高刷新屏幕,本 YK 都不敢相信呢部三星手機係真實存在! 廢話少講,到底真機係咪好似賬面規格上咁厲害呢? 

真三卡、五千電:三星千元級 Galaxy A22 5G 港行實測

真機外觀
香港行貨推出的顏色都相當豐富,分別是灰、紫、淺綠、白四種顏色,係 6 月 25 日就已經開賣左。 本 YK 到手的是灰色,由於是提早到手的緣故,所以無箱可開,只有港行真機一部。

真三卡、五千電:三星千元級 Galaxy A22 5G 港行實測
▲ 機身採用 6.6 吋 FHD+ LCD 屏幕,支持 90Hz 流暢刷新率,碌網頁會覺得畫面更順暢。

真三卡、五千電:三星千元級 Galaxy A22 5G 港行實測
▲ 磨砂玻璃背蓋質感相當好,在光線照射下亦會顯現出不同的折射效果。

真三卡、五千電:三星千元級 Galaxy A22 5G 港行實測
▲ 磨砂設計亦可以儘量減少殘留指紋的痕跡;一部入門定價的手機黎講,A22 5G 的質感相當之高。

真三卡、五千電:三星千元級 Galaxy A22 5G 港行實測
▲ 三星安排的 3 鏡頭方案:主鏡頭是 f/1.8 大光圈 4800 萬像素,另配 500 萬像素超廣角鏡和 200 萬像素景深鏡頭;稍後會有實拍樣本。

真三卡、五千電:三星千元級 Galaxy A22 5G 港行實測
▲ 三星稱爲 Infinity-V 設計的水滴屏中,具有一顆 800 萬像素 f/2.0 光圈的前鏡頭。

真三卡、五千電:三星千元級 Galaxy A22 5G 港行實測
▲ 機身底部除了 USB-C 口外,亦保留 3.5mm 耳機口; 另備一個外放喇叭。

真三卡、五千電:三星千元級 Galaxy A22 5G 港行實測
▲ 機身右側有整合式指紋識別電源鍵、音量鍵。 按鍵感清晰、反饋亦相當明顯,更重要係整合式指紋識別器邊沿切割工整,並無出現其他手機刮手嚴重的問題。

真三卡、五千電:三星千元級 Galaxy A22 5G 港行實測
▲ 至於機身左側就是三卡槽,支持雙卡雙待外,亦支持最高 1TB 容量的 microSD 卡!


性能實測
三星出品呢部 Galaxy A22 5G,用料上都相當不錯:預載 Android 11 系統,並採用發哥 MTK 的天璣 700 MT6833V 八核心處理器,配 6GB RAM + 128GB ROM 儲存空間。 功能上加入 Dolby Atmos 音效,仲有埋 Dual Messenger 方便你一部機開兩個相同的即時通信軟件。 可惜係,雖然 A22 5G 提供 NFC 硬件,但就無下放高階型號的 Samsung Pay 功能。至於其他硬件例如 5GHz WiFi、藍牙 5.0、四定位系統等都有齊。

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 安兔兔性能測試獲得 307427 分,略高於其他同樣採用天璣 700 處理器的手機。

真三卡、五千電:三星千元級 Galaxy A22 5G 港行實測
▲ 在 Androbench 讀寫測試中,A22 5G 分別獲得 299MB/s 和 187MB/s 連續讀寫速度; 至於最能體驗日常操作流暢度的隨機讀寫項目,無法讀寫皆破百,分別是 109MB/s 和 70MB/s 速度; 但在一般操作中並無反應遲滯的情況,流暢度和反應速度都相當不錯。

真三卡、五千電:三星千元級 Galaxy A22 5G 港行實測
▲ 至於 Geekbench 5 測試中,單核心獲得 560 分、多核心獲得 1732 分;

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 處理器的性能實際上可匹敵高通 7 系處理器!

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 擁有 5000mAh 大電池的 A22 5G 續航力自然備受期待,係 Geekbench 4 續航測試中,獲得 9960 分(好多同樣電量的手機都只係得 6XXX - 8XXX 分咋)! 而且連續 16 小時的燒電測試中,完全沒有出現過任何負載不足! 證明 A22 5G 的續航力相當強橫,完全可以放心用成日機喇!


相機實拍
入門機本來就唔應該期待相機有超好的表現,但照樣配上 4800 萬像素鏡頭之餘,亦加入人像、夜景模式,甚至專業模式都加埋落去。 咁到底實際影出黎效果又係點呢? 

真三卡、五千電:三星千元級 Galaxy A22 5G 港行實測
▲ 呢張相瓶身綠色的還原度相當準;高像素鏡頭的好處係放大後,依然會見到綠色標籤中的暗紋。

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 但本 YK 發現,A22 5G 會出現偏色的情況,例如上述鍵盤場景,會刻意推白本身偏黃的鍵帽; 但 A22 5G 內置專業手動模式,支持「半 Check White」的玩法,就可以輕鬆還原現場肉眼所見的色彩。

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 同樣的場景下,超廣角模式的色準程度亦比主鏡頭高; 慶幸三星並無加入「雞肋」長焦距鏡組,手機一般拍攝的情況下,超廣角實用性會更大更常用。 但超廣角的成像就相當鬆散,畫面內線條的細膩度不足。

真三卡、五千電:三星千元級 Galaxy A22 5G 港行實測
真三卡、五千電:三星千元級 Galaxy A22 5G 港行實測
▲ 如果你中意濃郁的色彩,A22 5G 預設影出黎的色彩濃度相當高,搶先一步幫你自動 PS 左圖就可以上得 IG 見人喇 ~ 

真三卡、五千電:三星千元級 Galaxy A22 5G 港行實測真三卡、五千電:三星千元級 Galaxy A22 5G 港行實測
▲ 透過景深鏡頭生成的散景相,大家不妨放大張相睇睇,對比埋另一張主鏡頭拍攝的相片,A22 5G 的人像模式虛化過渡亦相當自然,睇唔到有明顯的區域分割痕跡。

真三卡、五千電:三星千元級 Galaxy A22 5G 港行實測
▲ 上圖是主鏡頭一般模式下拍攝的 Elmo 杯,肯定係雜訊多、油畫強架喇。 因爲現場係一個無開燈的廁所,單靠走廊黯淡的吸頂燈,根本無辦法睇得清楚。

真三卡、五千電:三星千元級 Galaxy A22 5G 港行實測
▲ 但個夜景模式...... 真係就唔好有太高期望。畫面亮度係提高不少,雜訊亦減少,長達 4 秒的數碼對焦算法亦明顯提高相片內物件的清晰度,但油畫化問題更加嚴重,夜景模式的驚喜感不足,差異之細出乎我意料之外。


結論
如果你等緊消費券第一期 2000 蚊到手買手機,三星 Galaxy A22 5G 剛剛好可以一炮過食晒佢。 本 YK 相當喜愛呢部平價 5G 新機,原因係佢優點缺點都相當明顯。 市場上要一部 5000mAh 電量 + 真三卡的手機已經寥寥可數,更何況 A22 5G 提供 90Hz LCD 屏幕和下放 Dual Messenger 功能。 要尋找一部國際大品牌的千元機工作用副機,你會發現 A22 5G 係「THE CHOSEN ONE」。

你可能話「A22 5G 相機表現好一般咋!」 朋友,你睇緊的是「千元級」手機,邊度有手機會係完美呢? 更何況 A22 5G 亦不失爲一部小朋友 / 長輩機之選,提供刪除 App Drawer 的選項,亦具備 「SOS 短信」求救功能等實用功能。 所以,呢部三星出部 A22 5G 真係殲滅中國品牌 Cheap 機的大殺器。 最起碼,我玩到愛不釋手先啦 ~
 
您可能也喜歡▼