Samsung i8000H OMNIA2 行貨實戰試用

2009-09-15 15:43
首先鳴謝三星香港今次沒有催還實測手機,令版主 Keith 可以有好多時間對住未發售的 OMNIA2 貨玩足幾天,呢部機行 Final 香港版軟件,穩定性好高,試玩後發覺一向用開 SE Xperia X1 的我,心思思想換機。OMNIA2 i8000H 有什麼可以打動到版主的,就在 OMNIA2 剛出行貨的日子,跟各位 ePrice 網友分享一下,若大家對此機有問題,而我又試到的話,大家可以在文章內發問,希望幫到大家吧。

Samsung i8000H OMNIA2 行貨實戰試用-0

Samsung i8000H OMNIA2 徹底被改的 Windows Mobile 手機

開場都要係咁意介紹一下 OMNIA2。它是 Samsung 最新推出的 Windows Mobile 系統智能手機,詳細的規格,你可以 Click Back ePrice 的手機介紹睇睇,簡單地說是一部支援 3.5G,打通 Wi-Fi、GPS、藍牙及有五百萬像素相機的智能手機。最大特色是有內置了 8GB 容量還支援外插記憶卡、一個 3.8 吋大芒達 WVGA 800 x 480 pixels 解像度。以版主玩機無數,覺得跟它有得比只有 iPhone 及 HTC Touch HD,前者是以先進及順暢的操作跟 OMNIA2 媲美,後者就是規格上的相似。當然,售價都反映了這個現實,$5680,真係超貴呀!


Samsung i8000H OMNIA2 行貨實戰試用-1

▲ Samsung i8000H OMNIA2 是 OMNIA i908 的第二代。上一代 i908 在介面及軟件上已做得不錯,但順暢度還是差一點,OMNIA2 連這點都改善了,實好驚喜。

Samsung i8000H OMNIA2 行貨實戰試用-2
▲ 行貨版除了 Anycall 字樣外,還把 8GB 印上機面。

Samsung i8000H OMNIA2 行貨實戰試用-3
▲ 版主 keith 用開 Xperia X1 (版主天天玩很多手機的, X1 是我認同的跟身型號之一), OMNIA2 真係太大份,當初揀得 X1 就係大少適合。但玩上 OMNIA2 又覺得大芒用上來係舒服一點,在這方面,各有各好吧。

Touch Wiz 依舊用
版主 Keith 由第一代 Pocket PC Phone 玩到今天,尤其當 iPhone 出現後,大家都要求 Windows Mobile 也要有一個好好用的 Touch 觸控介面,好用包括了速度、目錄安排的鑼輯等。以往 HTC 的 TouchFLO 是最成功,但用得耐會比較悶。SE Xperia 介面有創意,但還是用上 Windows Mobile 很多故有的介面,有點過時。OMNIA2 我覺得是很平衡之作。開機時會見到 TouchWiz 2.0 介面,香港三星叫它做 3 X TouchWiz 介面,即係有三頁,讓大家把 Samsung 自家的 Widget 放上去,令本來首頁也可以比較有用。TouchWiz 本身是 Samsung 得意之作,其實是一個 Flash Overlay,版主一向覺得是好睇,但唔好用。用在 OMNIA2 最大問題是慢。試了這機很多部份,最慢就是 TouchWiz ,你用手指推撥 TouchWiz 就會 Feel 到那種延緩,而部份 Widget 也要等一回才顯示。另一個缺點是 Widget 太大個了,加上左邊的 Sidebar,一頁只能夠放大約三個 Widget,以一部 WVGA 芒的機來算,好浪費位置呢。此外,真係有用的 Widget 不多,如 Google、Facebook 等 Widget 只不過是 URL link 一個,意思沒太大。


▲ 這段 Video 顯示了 TouchWiz 在 OMINA2 運行的速度。我聽了朋友說 OMNIA2 慢,原因是在街頭試機,多數用 TouchWiz 作示範,做壞成件事了。

Samsung i8000H OMNIA2 行貨實戰試用-4
▲ 這個 Widget 比較實用,但飛行模式的 Widget,需要這麼大嗎? 時間、日期是基本功,每頁 TouchWiz 也要放,也十分浪費位置吧。

Samsung i8000H OMNIA2 行貨實戰試用-5
▲ 天氣報告 Widget 是不錯,但沒有像 Nokia 找來香港天文台做幫手,Accuweather 的準確度,始終麻麻。Yahoo 財經比較有用,至少可以顯示港股報價資料。

Samsung i8000H OMNIA2 行貨實戰試用-6
▲ 功能捷徑的 Widget 也叫有用,但左撥右撥才見到它,不如直接進入目錄介面更快吧。

Samsung i8000H OMNIA2 行貨實戰試用-7
▲ Samsung OMNIA2 的 3 x TouchWiz 介面 (在手機內又叫做 WidgetPlus,幾百個名,Samsung 香港能否統一它嗎?) 可以把它關閉,我就用回自己的 Today Plugin,有大時鐘 Digital Clock、來自天文台資料庫的 HKWeather 及簡單 Easy Today Launcher ,全部也是 Freeware。你用開其他的 Windows Mobile 手機,也用得著。

Touch 介面可裝可拆
OMNIA2 另送「三星觸控介面」,一如 TouchWiz,你可以把它 OFF 了,但我沒有這樣做,因為這個大圖示與格仔介面,用起上來一點也不差,用手指左右推撥的速度不錯,雖然出機已為你把不同程式,但你亦可以把他們從新安放不同位置。若你想把手機裝滿不同軟件,目錄可達十頁之多,有排你揀。


▲ Video 示範 OMNIA2 格仔目錄的使用方法。

Samsung i8000H OMNIA2 行貨實戰試用-8Samsung i8000H OMNIA2 行貨實戰試用-9
▲ 有兩個主題你揀,一個是黑主題,另一個是七彩 Icon。

按鍵安排不俗
格仔目錄外,OMNIA2 在設計上,亦好方便操作。在大部份環境下,按收線鍵即返回 Today Screen (或跟機時的 TouchWiz 介面),短按中間的六角鍵進入格仔目錄,長按就是工作管理員,可看到有什麼程式是在背景執行,你亦可一次過或把不用的程式停止。而機右側亦有一個返回鍵,用開 Windows Mobile 的,就是 OK 鍵,用來返回功能層的,長按就是 Cube 介面了。

Samsung i8000H OMNIA2 行貨實戰試用-10


Samsung i8000H OMNIA2 行貨實戰試用-11
▲ 按鍵不算多,但安排好好,很方便操作。

Samsung i8000H OMNIA2 行貨實戰試用-12
▲ Cube 介面是用來打 LG 的 S-Class 介面 (本人認為啦),一個六面的正方體,代表了相簿、音樂、短片、遊戲及互聯網等多媒體功能,但對本人而言,大頭相電話簿才最有用,其他的也是多此一舉。


▲ Cube 介面的大頭相撥電使用好簡單,就是 HTC TouchFLO 中也有的,但速度及使用都比較便。看看 Video 示範就會知。

去 Windows 化 好成功
OMNIA2 的去 Windows Mobile 化做得好徹底,似乎Samsung 只想用 Windows Mobile 的 engine,如 WinCE 系心對 Outlook、Exchange Server 的支援、寵大的軟件庫、影音播放的先天優點等,其他不好的,也用自家的軟件覆蓋它,以下慢慢評一評好唔好用。

Samsung i8000H OMNIA2 行貨實戰試用-13Samsung i8000H OMNIA2 行貨實戰試用-14Samsung i8000H OMNIA2 行貨實戰試用-15
▲ 通訊錄變了三星 Style,文字及圖示都大了,也分為以字母、分類、快速撥號及接聽名單來分類,Windows Mobile 最出名的智能搜索 Smart Search 亦得到,找電話號碼特別快。

Samsung i8000H OMNIA2 行貨實戰試用-16Samsung i8000H OMNIA2 行貨實戰試用-17
▲ 時鐘變得好用了,有三個選擇,也有紀念日、世界時間、連計時表都有

Samsung i8000H OMNIA2 行貨實戰試用-18
▲ 小算盤多了科學計算機

Samsung i8000H OMNIA2 行貨實戰試用-19
▲ 智慧備忘錄是手繒記事,記事好方便。

Samsung i8000H OMNIA2 行貨實戰試用-20
▲ VoiceMemo 也是大圖化了

Samsung i8000H OMNIA2 行貨實戰試用-21
▲ 連檔案管理員也有自己一套!很細心呀。

Samsung i8000H OMNIA2 行貨實戰試用-22
▲ RSS Reader 方便用家讀取即時新聞

Samsung i8000H OMNIA2 行貨實戰試用-23
▲ Podcast 會為用家連在 Internet 找出不同的 Podcast 內容,香港就有 RTHK 的每日晨早新聞。

Samsung i8000H OMNIA2 行貨實戰試用-24Samsung i8000H OMNIA2 行貨實戰試用-25
▲ 電子郵件與 SMS 也是自家的,以大圖示為主

Samsung i8000H OMNIA2 行貨實戰試用-26
▲ 社群是幫用家連上 Facebook、MySpace 等網站的手機版本或直接把相片傳上 Account。

Samsung i8000H OMNIA2 行貨實戰試用-27
▲ Midomi 就像 SE 手機的 TrackID,只要讓軟件聽 15 秒音樂,就會由 internet 幫你找出歌曲資料。但似乎它的能力,比起其他,包括用在 Samsung Feature Phone 的同類功能都要差,測試時時常認錯歌。

Samsung i8000H OMNIA2 行貨實戰試用-28
▲ 最誇張是設定介面,Samsung 都要改,它是 Windows Mobile 手機嗎?

多媒體功能最掂
Samsung i8000H OMINIA2 最掂是多媒體功能,相機、音樂播放都有自家程式,用上來很就手,不用再外加軟件,方便好多。先說音樂,大部份 WM 手機都依靠 Windows Mobile Player,但三星有自家的觸控播放器。大圖示與按鈕設計,令手指操控特別容易,此播放器會把手機裡的音樂及影片為為五個類別,分別是「所有音樂」、「專輯」、「演出者」、「視訊」以及「播放清單」,音樂與影片會利用 本身的 ID3 tag 去做分類。點選任何一首歌曲,就會進入播放模式,播放介面中央可以看到很大的專輯圖片,下面則是前進、後退、暫停等音樂操作按鈕。

Samsung i8000H OMNIA2 行貨實戰試用-29
▲ 音樂介面很不錯

Samsung i8000H OMNIA2 行貨實戰試用-30
▲而且有趣的是,在音樂介面下,只要把手機轉 90 度打橫,畫面馬上會變成唱片封面的大會串,運用 3D 效果顯示,係咪好似 iPhone 呢。

Samsung i8000H OMNIA2 行貨實戰試用-31Samsung i8000H OMNIA2 行貨實戰試用-32
▲ 支援 SRS 及 DNS 音效選擇

影片播放,結果亦很好:當我們嘗試開啟專門給 Apple TV 播放的的 H.264 影片(解析度 640 x 480, 30fps)時,手機播放順暢,沒有任何延遲,相反,版主的 X1 無論用 Media Player、Core Player 或送上的 Media Panel 去播放都有室片延遲,令我這個 X1 用家很心碎。

Samsung i8000H OMNIA2 行貨實戰試用-33
▲ 橫向的有型顯示,在短片目錄中也用得到。




▲  這個短片示範了播片效果,大家係咪覺得好好呢?我還喜歡是他倒片、去片的操控,比 iPhone 更靈活,是試這麼多 Windows Mobile 手機中,最好的一部。

Samsung i8000H OMNIA2 行貨實戰試用-34
▲  要彈的話,就是你每入新歌、新片到手機,這個控播器也要重新搜索一次,十分麻煩。

影相快靚正
影相亦是 Samsung OMINA2 強項,五百萬相機支援自動對焦,介面跟 Samsung 新手機一樣,支援場景選擇、一笑即拍、ISO 選擇、人面對焦等,也有一顆光亮不錯的 LED 補光燈,最重要是啟動相機夠快,影相沒有 Lag Time,影 Snap Shot 是很愉快,但相片質素,版主 Keith 覺得未係好好, SE 的 X1 甚至是 iPhone 3Gs 也好好多。

Samsung i8000H OMNIA2 行貨實戰試用-35
▲ 相機介面跟一直 Samsung 手機一樣,沒有大驚喜。

Samsung i8000H OMNIA2 行貨實戰試用-36
▲ 原來人面對焦是很重要,在 OMNIA2 裡,會令相機測光更準確,相片更好睇。

Samsung i8000H OMNIA2 行貨實戰試用-37
▲ 實測相片示範 : 戶外拍攝

Samsung i8000H OMNIA2 行貨實戰試用-38
▲ 實測相片示範 : 戶外拍攝有背光

Samsung i8000H OMNIA2 行貨實戰試用-39
▲ 實測相片示範 : 室內加補光燈

Samsung i8000H OMNIA2 行貨實戰試用-40
▲ 實測相片示範 : 黃昏時拍攝

Samsung i8000H OMNIA2 行貨實戰試用-41
▲ 實測相片示範 : 夜景

Opera Mobile vs IE6
OMNIA2 是少有的 WM 6.1 手機內置 WM6.5 才有的 IE6 瀏覽器,但預設的也是大家很熟的 Opera Mobile。Opera Mobile 不用多介紹,配合 3G / Wi-Fi 上網,睇 HTML 網站是很不錯。IE6 本來是支援 Flash 播放,但去到 YouTube 網站,人家已寫明會 fade out IE6 支援,你最後也要用回手機版,而事實在IE6 看真正 FLV Video 也是很慢,忘記它吧。

Samsung i8000H OMNIA2 行貨實戰試用-42 Samsung i8000H OMNIA2 行貨實戰試用-43
▲  OMNIA2 中的 Opera Mobile 已支援 Flashlite 3.1 連 YouTube 短片也能直接播放,不過就會拖慢手機的運作。

手寫中文好過 iPhone
最後版主 keith 要一讚三星的輸入法設定。主打三星大鍵盤,包括了大大隻字的 QWERTY 英文 Keyboard 及中文輸入法,支援 XT9 估字,令入字更加快,另一個三星手寫輸入,是同時支援繁簡體中文手寫入,用手指或指尖都可以,認字率都很高。不過,倉頡及速成輸入就沒有了。

Samsung i8000H OMNIA2 行貨實戰試用-44Samsung i8000H OMNIA2 行貨實戰試用-45
▲  中文五筆及大大隻英文字輸入位置


▲  Video 示範手寫繁簡中文

快,多,正
三個字來形容,不是用大圍的 Qulacomm MSM7200A CPU,Samsung 自家的 800MHz 處理器,穩定性及兼容性好高,像用開的 Slingbox Player,流暢度好高,在版主的 X1 用也沒有如此感覺,睇片,上網操控也是很愉快的經驗,一改 Windows Mobile 手機慢吞吞的感覺。多是軟件夠多,跟本上不用再加什麼軟件了,應用的,都有了。正是大 Screen及 Touch 操控帶來的樂趣。貴,就是後評語,$5680..... 我還要忍手嗎?
多謝支持 ePrice.HK
發表於 2009-09-16 06:23
2 樓
 版主版主... 小弟現需換機....
價錢都叫做比到的... 不過就 sure 想要部最好最合理的啦
$3980 的 SE X1
多 $900, $4880 的 HTC Diamond2
再多 $800, $5688 文中的 Samsung i8000 Omnia2
加埋可以等下唔知幾錢的 SE X2

你會最 suggest 邊部係合理好機丫?
我都 mainly 係用黎講電話, 聽歌 (better sound is preferred), 影相 (no need very professional), 上網同埋 sms, 好少睇 video

同埋邊部如果賣返出去係最保值架??
(p.s.  之前部 LG KS-20 賣出去完全唔值錢的... )

其實都係想睇下現在叫做多人用 or 期待的幾部 WM 邊部好 d... 因為真係無咩機會試到晒幾部機
thx~~
發表於 2009-09-16 10:44
3 樓

個mon 的白色帶綠, 我個同事買左都有這情況.  而且機身speaker聲一般....
如果同星加波一樣賣hkd4000 都ok的.. 可惜香港又係最貴.. 要接近hkd6000... 

咁點買?!  係買.. 都去先達買水貨啦.. hkd4200 only.undefined
發表於 2009-09-16 11:26
4 樓

顏色問題我沒有發覺到,Speaker 好大聲的,只係要小心機底的speaker, 回聲不好,即係你把芒對天, speaker 向底,鈴聲會很細的,原因不明,因為其他廠 speaker 向底的都沒有這情況。但你播歌,睇片時,Speaker 還是很大聲的。
多謝支持 ePrice.HK
發表於 2009-09-16 20:47
5 樓

 speaker聲音是很大但只有高音部份,以那大的機身放置一個音質好的的喇叭應該不難的、但就沒有、太可惜了。
我對此過 HTC的 HD音質肯定比較好。這個決定 MP3鈴聲的較果,重耍的。

但運作速度一定比 HD 快,但Ul沒有 HTC LEO那麼華麗。
發表於 2009-09-16 21:38
6 樓
個mon既反應時間快jor wor(同我睇台灣eprice試機)...我都想問..水貨......但係冇gps software送,點算ar?undefined
同埋如果我想將我nokia(部機行s40)既電話簿放落去,可以點搬過其他手機度?
發表於 2009-09-16 22:42
7 樓
乖乖付鈔買一套PAPAGO

發表於 2009-09-16 23:27
8 樓
install pirate mapking 2007/ R12. you also use googlemap with data plan.
install outlook 2007 on your PC, install nokia pcsuite, sync nokia phonebook to outlook contact, uninstall nokia pcsuite, install active sync(XP) or mobile center(vista/win7), sync outlok contact to i8000.
發表於 2009-09-18 01:37
9 樓

你要既野即係大眾想要的....  所有WM 機無一部可以有靚聲聽歌的... 我都試過好多..
呢部i8000 我試左半日... 一般試 Head-Fi 習慣, 我用我個名費入耳式耳筒, 試宇多田光的歌...
高中低音都沒一方面出色的... 如果你對聽 MP3 有要求, 唔該你再等等... 如果你對之前部
KS20 都覺得OK, 就請你立即去買...

拍攝方面... 有一笑即拍, 有LED閃光燈, 有AF... 沒話說了.. 已經非常好了.

相對你用緊 KS20, 而咁平的 i8000, 我覺得你可以去馬... 唔係個個人好似我咁煩, 聽MP3 都要有 Head-Fi quality 的. undefined

發表於 2009-09-18 17:52
10 樓
係台灣買的 galaxy (android), 返到香港我又買左佢,可能耐無用 winmo 機,有D 地方係要時間適應,例如有 D 用開的 app 好似 shazam 咁,比 Midomi 準好多,下下 side by side ,shazam 搵到,佢就話無。而另一個煩野係,兩個 softkey 唔改得,例如「電話」,同按個 call key 一模一樣,我想改「電話」做其他野又唔得。我亦以為係我錯覺,相就真係麻麻,又無 touch focus 。打 sms 個 keyboard 又唔會因為 rotate 個電話而變 landscape ,好鬼低能。仲有好好細唔就手野,看來都係用返 galaxy ,起碼多好多 app 用,呢部就等 leo 出就 trade 左佢。
lh3.ggpht.com/_gRpzwlYr2e8/SrNc7XRuREI/AAAAAAAAOMc/a0uFRNS1JMM/s512/DSC00561.JPG