蔡司雙鏡頭=屈機？Nokia 8 相機實測 挑機 iPhone 7 Plus

上手玩 Nokia 8，初步感覺確實是很好，以四千一蚊來說係好超值，值得入手過買 OnePlus / 小米。但 Nokia 8 主打的相機部份，又是否真的如 Nokia 所說的，質素有咁好呢？剛才版主就同大家做了個簡單的開箱評測，講左 Nokia 8 的外型、手感、效能，而家就等版主針對 Nokia 8 的相機表現，比較一下我手上的 iPhone 7 Plus！即刻睇相啦！



Nokia 8 除左賣高性價比同品牌外，仲有一個好重要的賣點，就係佢果個支持光學防手震的蔡司認證雙鏡頭。市面上一般有靚相機的手機，都係講緊 1200 萬像素，但今次 Nokia 8 就居然在前、後置都用 1300 萬像素鏡頭，表現又係咪真係咁突出？以下的試相全部均以自動拍攝，而 Nokia 8 亦設定為開啟雙鏡拍攝 (一個負責彩色部份，一個負責黑白)。
 

主鏡頭拍攝

【左圖為 Nokia 8; 右圖為 iPhone 7 Plus】

  
▲ 在發佈會現場不算很光亮、四圍都是黃燈的環境下，可以見到 Nokia 8 顏色唔係好準確，在自動模式下，Nokia 8 自動把 ISO 推高了，導致顏色上有點怪怪的。(Nokia 8 ISO 250，而 iPhone 7 Plus 則保留 ISO 50)

  
▲ 可以見到 iPhone 7 Plus 的成像相比 Nokia 8 的亮度更光。

  
▲ 從上面三張圖都可以看出一個問題，就是 Nokia 8 成像顏色不夠 iPhone 7 Plus 準確。呢張算是稍為正常一點的一張。

  
▲ 不過放大來看，Nokia 8 的細緻度尚算不錯，留意左下方 The Corner 的字樣，發現比 iPhone 7 Plus 更加清晰。

  
▲ 都是老毛病，有點偏黃偏綠的感覺。

  
▲ 但呢張反而我又覺得，Nokia 8 影出黎好啲喎～你覺得呢？

  
▲ 從白紙部份可以清楚看出，Nokia 8 的色準問題。

  
▲ 在室外有太陽光的情況下，Nokia 8 表現跟 iPhone 7 Plus 不相伯仲。

  

  

  

  

  

  
▲ 呢張從天空中明顯見到偏綠的情況。
 

彩色、雙重、黑白三種模式比較

如剛才所說，Nokia 8 有雙鏡頭，一個係主攻彩色，一個係主攻黑白，你可以隨意開一個又得，或者好似上面啲試相咁，兩個鏡頭開哂用「雙重」模式。咁到底彩色、黑白、雙重三種模式，成像有甚麼分別呢？去相！


▲ 雙重。


▲ 彩色。


▲ 黑白。
 

前置鏡頭

Nokia 8 前置鏡頭都是 1300 萬像素，版主就唔比較了，就咁俾大家睇下 Model 姐姐的自拍照吧！

  
 

前後鏡頭同時拍攝

▲ 橫向示範，可以見到係將畫面一分為二，右邊果半係前置鏡頭，左邊果半係主鏡頭。


▲ 直向示範，上方是主鏡頭拍攝，下方是前置鏡頭拍攝。唔知大家覺得呢個功能有無用，但版主覺得個設計並不是咁好，影出來成個感覺好奇怪，雖然說這個功能可以應用在直播 / 影片攝錄上，但硬是覺得欠缺一些美觀感，如果可以做到，一張大相，配以另一張細相係角落，好似人哋做打機直播咁，相信咁樣會令呢個功能吸引得多。網友認同不？

睇完 Nokia 8 同 iPhone 7 Plus 的比較，你又覺得合唔合格呢？其實好老實，雖然 Nokia 8 在造工方面係交足貨，但試完相之後版主就覺得，在相機部份 Nokia 8 係輸俾 iPhone 7 Plus，但有時候諗一諗番起 Nokia 8 個價錢，又好自然地將呢個情況合理化。本來對 Nokia 8 有興趣的網友，睇完之後有無令你改變想法呢？留言討論下啦！

Nokia 8 在文章發表時，將於 9 月 14 日上市，賣價為 $4088，按這裡有詳細規格及最新賣價。