2017 年 11 月，Nokia 3310 (2017) 正式在香港上市，雖然香港上市版本係 3G 版，但大舖價錢一直企硬 $568，不少網友都喊「貴」！的確，除了收藏同打出打入，版主都諗唔到呢部彩芒版 Nokia 3310 (2017) 可以有乜用途。Facebook？其實都係網頁版的 Facebook，並沒有專用的 App 版；WhatsApp？咪玩啦，又係都無 App，何來用到 WhatsApp？連現今最基本的通訊軟件都用唔到，似乎沒有甚麼太大作用。版主之前都曾經寫過文，表達過個人對該手機的失望，有興趣的話，可以按這裡看昔日評測。
版主向各大舖店員問過，其實雖然話題性係好高，但實際上買機的人並不多。而也許是因為如此，有間大舖終於按捺不住不住，要將 Nokia 3310 (2017) 減價，谷銷量。講緊嘅係中原，近日版主行過時發現，Nokia 3310 (2017) 竟然有減價，由原價的 $568 減至 $499，因為原價都係得幾百蚊，所以雖然只係減果 $69，但實際已經有近 88 折優惠。當然，就算減咗都好，係咪真係會吸引到網友買呢？版主又覺得未必，純粹係同大家報告一下行情，同時當俾大家笑笑就算。對於 Nokia 未來手機的發展，網友又有無咩期待呢？留言討論下啦！
Nokia 3310 (2017) 在文章發表時，中原賣價為 $499，按這裡有詳細規格及最新賣價。