太貴無人吼?S710 中階手機 大舖逼減價

2018-12-29 17:19
以前版主對中階手機,絲毫也看不上眼,總是覺得性能不夠好,使用體驗會不順暢。但自從 S660 處理器出現,改變了我對中階手機一貫的看法,因為假如你不是要玩 PUBG 這類較高需求的遊戲,其實 S660 基本上已經夠大部份人使用。而家這粒處理器更已有下一代,就是 S710,目前香港有賣的 S710 手機,得兩部,不過其中一部就似乎定價過高,或者因為無人吼,所以大舖好快就將佢落價。呢個新低價,會唔會有返少少競爭力呢?睇下文啦!

太貴無人吼?S710 中階手機 大舖逼減價

現時香港行貨有賣的 S710 手機有兩部,分別為魅族 X8 以及 Nokia 8.1。魅族 X8 就肯定抵玩,二千有找已經買到 S710 U,性價比叫非常高,反觀 Nokia 8.1 一開波就賣到 $3388,相差咁遠價錢,難怪大舖都對佢無信心,開賣不久已將佢落價,減多 $200,最新賣價為 $3188,網友又會唔會揀佢呢?

太貴無人吼?S710 中階手機 大舖逼減價

不過咁,魅族 X8 同 Nokia 8.1 相比,我就覺得 Nokia 8.1 造工相當好,而且仲有 NFC,加上行 Android One,撇除價錢不說,絕對係一部不錯的手機。Nokia 8.1 用上 6.18 吋 FHD+ 屏幕,配備 S710 處理器,內置 4GB RAM 以及 64GB ROM,並且具有 12MP + 13MP 蔡司認證雙主鏡頭,電量 3500mAh 應足以夠一天使用。最重要就是,Nokia 8.1 支持 microSD 擴充,買機會送張 128GB microSD 卡,而且有 3.5mm 耳機孔,可以說是應有盡有。你又同唔同意呢?

Nokia 8.1 在文章發表時,大舖賣價為 $3188,按這裡有詳細規格及最新賣價