S765G 5G 手機大舖特價賣!最平一千中有交易好抵玩?

2021-05-04 17:30
5G 中階手機已經推出一段日子,用上 S765G 處理器嘅手機,亦相當常見。雖然後期多咗唔少用其他中階 U 嘅手機,好似乜乜 MTK 天璣 XXXX 處理器等,但相信以性能同穩定性嚟講,網友會傾向信得過 Qualcomm 多啲。S765G 手機而家賣幾錢?有平,有貴,但最抵一千中就買得到,呢個價錢網友又點睇呢?睇下文啦!

S765G 5G 手機大舖特價賣!最平一千中有交易好抵玩?-0

今次將 S765G 手機減價嘅大舖,係衛訊,而減價嘅 S765G 手機一共有兩部,一部係 Nokia 8.3 5G,而另一部則係 Realme X50 5G。先講咗貴啲嘅 Nokia 8.3 5G,其實呢部手機二月嘅時候,衛訊都曾經將佢減價,當時個價錢係 $3998,而三個月後嘅今日,衛訊就再將佢進一步減價,由建議零售價嘅 $4398 減至 $3398,減幅有 $1000。不過老實講,S765G 手機放到今時今日嚟睇,仲賣三字頭其實並不算抵玩。

講到真係抵玩,性價比高嘅 S765G 中階手機,絕對非 Realme X50 5G 莫屬,本身建議零售價 $2599 已經賣得平過人,而家仲要減到 $1699,呢個價錢對手唔多。雖然佢都係大陸手機,但如果小米同 Realme 畀我揀,我可能都會考慮 Realme。落到呢個價位,唔知網友又覺得吸唔吸引呢?留言討論一下啦!

優惠日期:2021 年 5 月 1 日至 6 月 30 日

S765G 5G 手機大舖特價賣!最平一千中有交易好抵玩?-1

Nokia 8.3 5G 在文章發表時,大舖賣價為 $3398,按這裡有詳細規格及最新賣價
Realme X50 5G 在文章發表時,大舖賣價為 $1699,按這裡有詳細規格及最新賣價
您可能也喜歡▼