點跌先會爛?! Nokia XR20 「硬淨」評測

2021-12-22 15:01
點跌先會爛?! Nokia XR20 「硬淨」評測-0
市面越嚟越多 5G 手機,但真正跌得又唔係好怕水嘅型號,似乎只得 Nokia XR20 呢個選擇。「硬淨」嘅 5G 手機,都要係好用先得架,我哋今次嚟個極端測試,掉佢落地,睇下係咪真係咁「硬淨」已經係小事;今次仲要學外國玩 Tik Tok 嚟過 Throw Your Phone Up 影相試玩,玩完一輪後,呢部 Nokia XR20 會攪成點?
 

生活化軍規「硬淨」5G 手機

去到手機舖,第一眼望到 Nokia XR20 你已經 Feel 到佢嘅「硬淨」。灰黑色機身感覺粗礦。事實上,機身外殼符合 MIL-STD-810H 軍事標準。呢個標準,由美國國防部開發,專為軍事裝備環境設計,測試當中的耐用性。根據 Nokia 官網,XR20 手機,可抵禦攝氏零下 20 度至攝氏 55度溫度,無論是炎夏沙灘或冰天雪地都可輕鬆應付。同時,Nokia XR20 更通過 1.8 米高墜落測試及可浸在1.5m水深的淡水長達一小時。即使手機有污跡亦可用番梘同埋清水作清潔。可見雖然是軍規式硬淨,但跟日常生活也有好大關係。屏幕部份,其 6.67 吋 20:9 大屏幕,亦用上文章刊出嗰陣最新嘅屏幕Corning Gorilla Glass Victus 技術,令 XR20 手機芒都有不錯嘅硬度。
   

極端測試

講到有 MIL-STD-810H 軍事標準「硬淨」,睇文字 Feel 唔到,不如用片。我哋分咗幾個 Level 同 Nokia XR20 做測試。包括咗 Drop Test。由身咁高掉落哋,再到天橋上面掉落地。睇下部機有無事。但終極玩法,係學外國 Tik Tok 玩家,玩 Throw Your Phone ,訂部手機上天打轉拍片。Nokia XR20 難免跌落地,仲要打筋斗,碌幾個圈先著地,Nokia XR20 係咪真係咁「硬淨」一睇就知!去片! (第一條片是 Drop Test、第二條係 Throw Your Phone 拍片示範。


 




用到 2025 年

Nokia XR20 真正「硬淨」,但若果只係一年貨仔,好浪費架喎。做得 Nokia 手機系常更新是常識。Nokia 為 XR20 提供長達 2 年手機原廠保養、3 年系統升級和 4 年每月安全更新,家陣買去到 2025 年都能保持最新狀態!Nokia XR20 用上新一代 Qualcomm Snapdragon 480 5G Mobile Platform,手機效能等同中上級數手機,加上支援 5G 網絡及 WiFi6 (802.1ax) 點上網都特別快。

睇番跑分,由電量嘅 Geekbench 4、到記億體運行速度嘅 Androbench Randon Write / Read,仲有 AnTuTu,睇番我哋之前測試近期嘅 Nokia 手機,成績跟 X10、X20 相約,可見 XR20 沒有因為加了「硬淨」嘅身價已犧牲效能。事實上,Nokia XR20 採用嘅 S480 處理器,跟「7」系係 AnTuTu 跑分相約,簡單嚟講,Nokia XR20 唔係有最勁效能嘅手機,但都係中價貨,日常使用,唔打機十分適合。
   

4800 萬像素蔡司認證主鏡頭

Nokia XR20 有 4800萬像素蔡司光學認證主鏡頭,拍攝人像風景同樣出色,當中也有一啲特別拍片功能,如 SpeedWarp 模式以蒙太奇方式記錄冒險經歷。Action Cam 模式幫你拍運動影片。Nokia XR20 也支援 Nokia 獨有嘅 OZO Spatial Audio 降風噪功能屏除一切雜訊,拍片都有良好收音效果。Nokia XR20 也有雙立體聲 Speaker, 並支援 OZO Playback 播歌睇片聲音都好夠大。
   

小結:硬淨夠晒分

若講硬淨度,Nokia XR20 夠分有餘,日常「粗」用都唔會咁易整爛部手機。採用中等規格硬件,再配合同樣「乾淨」Android One 系統,令 Nokia XR20 運作亦好順。影相部份,以拍片比較好玩,只係影相效果,在夜晚不及其他旗艦佳,但以這個規格來講已合格及夠用有餘。

資料由客戶提供
快加入會員賺 EP!累積點數、免費換優質商品