【購機情報】諾記 Lumia 820 平六舊!Lumia 1020 九月到港?

2013-08-15 17:10
之前版主 Keith 同大家報過 Nokia 前一代的夜拍機皇 Lumia 920 跌破 $4,000,大家有沒有趁平入手一部,定係仲等緊 4100 萬像素 PureView 相機既 Lumia 1020 呢?估唔到新機未上場,又有舊機減價。原來入門級的 Lumia 625 以「逆天」的規格上場,大大挑戰了 Lumia 820 的地位,令行貨再跌 $600 ,唔知大家覺得呢個價買唔買得過呢?

【購機情報】諾記 Lumia 820 平六舊!Lumia  1020 九月到港?
 

Lumia 820 平賣 $2,680!性價比不及同門 Lumia 625?

講起 Nokia  Lumia 820 ,其實以 Windows Phone 8 手機的規格來說它算是旗艦級的,因為採用了 Qualcomm 1.5GHz 雙核處理器配合 1GB RAM 是支援絕大部份的 Apps ,不會出現 512MB RAM 機種的支援性問題,而 4.3 吋的  屏幕解像度有 800 x 480 ,可惜就是網友們不太喜歡的 AMOLED 材質了,而且它同樣是支援 4G LTE 網絡的。比較可惜的時它的電池量只有 1650mAh ,容量也只有 8GB,但可以換電和外置插卡可以稍稍彌補這一點吧。雖然大鋪仍然做價 $3,298 ,不過版主留意到旺角永成(沒錯,是賣相機那間)用 $2,680 的價錢清貨,大家會考慮入手嗎?

其實今次 Lumia 820 大減價,某程度上是入門級的 Lumia 625 推出而造成的。以 $2,588 的價錢可以買到 4.7 吋 WVGA 屏幕、支援 4G LTE 的手機,已經是不錯的性價比,雖然 Lumia 625 的鏡頭只有 500 萬像素,亦只採用 512MB RAM ,但唔少網友都話會選擇佢而唔考慮同價錢的 Lumia 720 ,睇黎大家都係相當注重 4G LTE 的支援性吧。

【購機情報】諾記 Lumia 820 平六舊!Lumia  1020 九月到港?
▲在先達場內 Lumia 系列的手機其實一早賣到原價的一半左右了icon,不過遇然都見到有 2 手的 808 PureView (內地已經開賣 Lumia 1020 ,相信好快都會有水貨,但預計最平都 7K……
 

Lumia 1020 內地開賣破 $7,000 ! 9 月登陸香港?

在舊機減價之外, Nokia 新機亦好快要上場。版主 Eddie 在行場的時侯留意到,衛訊的雜誌《 Phone Show》上面已經有 Lumia 1020 的完整介紹,根據以往的慣例這部機亦很快會登陸香港。當然版主亦有問過店同埋 Nokia 的 Promoter ,他們都說要等到下個月,亦未知確實價錢。不過號稱「拍攝之王」的 Lumia 1020 在內地開賣的定價是 $5,999 人民幣,仲貴過唔少入門單反同埋 無反相機,如果香港用類近價錢賣機,版主深信都好難吸引到大家吧。(版主跟朋友們談過,認為 Lumia 1020 的價錢還是有機會破六的icon

【購機情報】諾記 Lumia 820 平六舊!Lumia  1020 九月到港?
▲在衛訊 Phone Show 裡面已經有 Nokia Lumia 1020 的介紹了,版主問過 Nokia Promoter 佢地都話等下個月,不過就說沒有確實的日子和價錢,希望可以早日玩到吧!

在文章刊出的時侯, Nokia Lumia 820 在大型連鎖店的定價是 $3,298 ,按此看詳細規格和最新賣價。
在文章刊出的時侯, Nokia Lumia 625 在大型連鎖店的定價是 $2,598 ,按此看詳細規格和最新賣價。
在文章刊出的時侯, Nokia Lumia 1020 的定價和開售日期仍然未知,按此看詳細規格和最新賣價。
您可能也喜歡▼