Nexus 5X 終於有得買了! Nexus 6P 就仲要等下先......

2015-11-02 16:08
之前版主們都有同大家介紹過分別由 LG 以及 Huawei 代工嘅 Nexus 5X 以及 Nexus 6P,呢兩部機自 9 月 29 日發佈到而家已經 1 個月了,有關呢兩部機嘅規格以及評測結果已經不是一個祕密,相信如果大家對呢兩部機有興趣嘅話,最想知嘅應該係佢地幾時喺香港有得買。而家版主就話你知,Nexus 5X 終於可以開始訂購了,不過 Nexus 6P 就仲要等等,相信好快就會正式在香港開售。

Nexus 5X 終於有得買了! Nexus 6P 就仲要等下先......-0

如果你有留意到 Google 商店嘅話,你會發現由 LG 負責生產嘅 Nexus 5X 已經開始接受預訂,16GB 版本嘅售價為 HK $3398,而32GB 版本售價則為 HK $3898。顏色方面,Nexus 5x 將會有碳灰色、石英色以及冰晶色三種顏色。如果你今日訂購嘅話,將會在 1 星期內出貨。

Nexus 5X 終於有得買了! Nexus 6P 就仲要等下先......-1
▲ 可以見到 Nexus 5X 正式可以訂購,並將於 11 月 9 日前出貨,按圖可立即進入訂購頁面。

至於由華為負責生產嘅 Nexus 6P,目前黎講就仲未有消息,我地可以見到喺 Google 商店 Nexus 6P 嘅頁面度,仍然寫住「即將推出」的字眼。

Nexus 5X 終於有得買了! Nexus 6P 就仲要等下先......-2
▲ Nexus 6P 就仲未有得訂。

另外配件方面,Google 商店上亦為 Nexus 5X 以及 Nexus 6P 推出了一款通用型 15W USB Type-C 充電器,能夠讓使用 USB Type-C 嘅手機、平板快速充電,售價只需 HK $200,相對外面嘅充電器黎講較為便宜。

Nexus 5X 終於有得買了! Nexus 6P 就仲要等下先......-3

不過既然而家 Nexus 5X 都開始有得訂,相信 Nexus 6P 應該都好快黎到香港! 大家對呢兩部機邊一部嘅期望大啲呢? 你地又會唔會買 Nexus 5X? 留言講下啦!
您可能也喜歡▼