實測:LG G5 港版上手!跑分 + 手感

2016-03-22 11:38
喺上個月 2016年 MWC 大會上, LG 同 Samsung 喺一日內各自發佈左自家旗艦機,而 Samsung 更加今個月月頭喺香港發佈 Samsung Galaxy S7/ S7edge,而 LG G5 都喺今日 (22/3) 於香港發佈左,其實 LG 都有創新嘅設計,除左後鏡頭採用雙鏡頭外,換電就好似 HTC Legend 咁打開一個蓋仔就換到電。而小弟就有幸玩到手機,既然玩得嘅就為大家帶黎第一手上手試。

按呢到有 LG G5 香港版跑分及手感實測

實測:LG G5 港版上手!跑分 + 手感
 

先談手感

第一手拎起部手機,第一個感覺就係好「界」手,好多機用金屬邊框都有呢個特點,不過我相信日後習慣左後都唔會有咩問題。其次嘅係都算輕嘅,相對本身我用 LG V10 黎講,而且只有 5.3 吋下,部機細左,拎上手都可以拎得實過 LG V10,單手打字都得添。今次 LG G5 嘅機身打破左 LG G2, G3, G4 嘅傳統設計,雖然個 Power 制仲喺機身嘅背面,音量鍵就在機身嘅左邊,不過我對佢咁嘅做法對於右手揸機嘅人係有點怪怪,因為揸機嗰陣如果要調校音量鍵就要伸長隻食指或用中指,相反放喺機身右則就可以用姆指輕輕一禁就可以調校到,當然呢個係我個人嘅習慣,可能各網友都同我有D唔同,個個人都有唔同嘅睇法。同時打開機底嘅模組個制就在機身左下邊位置。

實測:LG G5 港版上手!跑分 + 手感
▲此外,機身嘅背面有兩個位凸左,一個係鏡頭模組,內有 2 個唔同光圈嘅鏡頭、補光燈同埋雷射對焦,另一個凸出嘅係Power鍵,而佢同 LG V10 一樣,都係一個指模感應器。


實測:LG G5 港版上手!跑分 + 手感
▲ SIM 卡同 SD卡 插槽則在機身右下方,而且同 Samsung Galaxy 7/ s7 edge 一樣都係用左「 SIM 卡同 SD 卡」共用設計,同埋係唔 support Android 6.0 的 Adoptable Storage 功能,呢個有點可惜。

實測:LG G5 港版上手!跑分 + 手感
▲機頂就有耳機孔,此外仲有個小小紅外線發射器同埋收音咪。

實測:LG G5 港版上手!跑分 + 手感
▲喇叭則在機底位置,而且叉電口有別其他廠,今次 LG G5 係用 USB - Type C 線,而在叉電方面支援 Quick Charge 3.0 快充技術。

實測:LG G5 港版上手!跑分 + 手感
▲ 要換電嘅就要打開手機嘅底嘅模組,打開就可以換到電,而且都可以更換其他模組,例如LG CAM Plus 同 LG Hi-Fi Plus 配件。
 

系統

今次 LG G5 採用了 Android 6.0 系統,而且用左新嘅 launcher,而呢個 launcher 無左個 App Drawer,無左個 App Drawer 意味住就好似 iPhone 咁所有 Apps 一個又一個排喺第一版(當然可以落 Widget啦),同過往大陸機感覺差唔多,對我黎講係有 D 唔方便,過往習慣係手機嘅桌面係當用嘅 Apps ( Facebook, whatsapp, telegram 等等)而另一頁就係日曆表,要用apps 就禁入個 Menu 到入去拎,家陣無左個 App Drawer 就有點亂吧,點都好都俾大家去睇下系統一D大家會睇嘅資料。

實測:LG G5 港版上手!跑分 + 手感
▲開機就係咁嘅介面,係咪諗起另一D牌子呢 ? 無錯呀我開機就覺得好似小米呀,當然個介面轉頁係順左好多,真係好多,拍得上 iPhone。開機後,大約用左 1.7GB Ram,而約有 2.1GB 可用嘅RAM,相信做唔同嘅野都係輕鬆地搞掂。Notification bar 都有改變,喺 LG V10 係唔可以改到 notification bar 上嘅快速設定,不過黎到 LG G5 終於可以改到啦,而且大致上大家用開嘅野呢到已經可以直接改到。咁開機有幾多記憶體淨呢 ? 答案係 23.36GB,系統連預載 Apps 就食左成 8.44GB,唔算大食,可惜嘅係 LG G5 係唔 Support Adoptable Storage 功能,如果有呢個功能就更好啦。


實測:LG G5 港版上手!跑分 + 手感
▲相機介面就係咁,同上一代無咩特別,只係頂部多左個快速轉換制,轉換正常視角定廣角,而到底日拍夜拍係點 ,之後我會光速為大家去試。
 

跑分

LG G5 使用 Qualcomm Snapdragon 820 處理器,而配有4GB RAM 以及 32GB ROM,終於唔係好似上一代咁用次一級嘅處理器,到底 Qualcomm Snapdragon 820 個表現係點 ? 先喺跑分上反映俾大家睇下 Qualcomm Snapdragon 820 嘅能力。

實測:LG G5 港版上手!跑分 + 手感
▲安免免跑出 121998分,在排名只是負於小米5 及 Samsung Galaxy s7 Edge,最大得分項目係涉及 GPU多嘅 3D效能。

實測:LG G5 港版上手!跑分 + 手感
▲Vellamo 瀏覽器分數為3657分,分數反而弱過上一代配備Qualcomm Snapdragon 810嘅 LG G Flex 2同埋配備Qualcomm Snapdragon 808 嘅 LG G4。▲Geekbench 3 嘅跑分,單核有 2277分,多核心有 5466分。

實測:LG G5 港版上手!跑分 + 手感
▲Basemark 就有 57.02fps,呢個成績反映左 LG G5 拎黎打機都係一件輕鬆的事。

按呢到有 LG G5 香港版跑分及手感實測

在文章發佈時, LG G5 於 4 月 6 日上市,定價為 $5698,按此看手機詳細規格及最新賣價
您可能也喜歡▼