千元手機評測! LG X Screen 有雙芒,係咪咁好用

2016-05-21 13:08
在早前 LG 在 香港推出 LG X Screen 手機,到底呢部只係賣 $1898 (版主 Keith 按:實際更加平,文章刊登時,$1498 買得到) 嘅雙芒手機有咩特別呢 ? 呢部機用左 LG V10 其中一個特色,有個 1.76 吋的副屏幕,同 LG V10 一樣可以設定為「Always-On」模式,咁就唔洗喺開主屏幕之下就可以睇到時間或快速開啟WiFi、電筒等等。好用嗎?今次我試俾大家睇。

千元手機評測!  LG X Screen 有雙芒,係咪咁好用-0
 

先睇外型

LG X Screen 擁有 4.93吋 嘅 HD 720p 解像度主屏幕,而在正面右上角都有個 1.76 吋副屏幕,就好似 LG V10 咁,拎部 LG X Screen 上手,感覺就係一部更玩具嘅 Samsung Galaxy S6 Edge,雖然手機嘅 Size 我可能單手拎上手,不過設計有點不貼手。你可以感覺緊你揸緊嘅手機嗰兩隻角頂住隻手。我用 LG X Screen 同 Samsung s6 Edge 做對比,大家可以睇到嘅係兩部機嘅背面其實有點相似,而大家都可以睇到兩部機切邊都可以直接從背面到睇到,意味住真係會頂住兩隻手。LG X Screen 背面只有簡單嘅嘅相機鏡頭同單色補光燈,無其他野啦。

千元手機評測!  LG X Screen 有雙芒,係咪咁好用-1
▲  LG X Screen 其實係一部塑膠材質嘅手機。

千元手機評測!  LG X Screen 有雙芒,係咪咁好用-2
▲ 左面為 LG X Screen,右面為 Samsung Galaxy S6 Edge。

千元手機評測!  LG X Screen 有雙芒,係咪咁好用-3 千元手機評測!  LG X Screen 有雙芒,係咪咁好用-4
▲ 先睇機身側邊,睇個樣就好似三文治咁,上下兩面膠夾住中間舊鐵,但摸上手根本唔係三文治咁,中間灰色嘅野唔係金屬黎,係膠黎咋。電源鍵同 SIM 卡 SD 卡槽在機嘅右上側,而音量鍵就在機嘅左側。

千元手機評測!  LG X Screen 有雙芒,係咪咁好用-5 千元手機評測!  LG X Screen 有雙芒,係咪咁好用-6
▲ 耳機插頭、Micro USB插頭、全機唯一一個喇叭都設在機底,而且都可以見到機頂同機底各有一個收音咪。

跑分及耗電
LG X Screen 在規格上,同價位嘅機款中未必係用最快嘅 CPU,只係用 Qualcomm Snapdragon S410 1.2 GHz 四核心處理器,用 2GB RAM,如果唔係拎黎處理 3D 遊戲,其實都係好足夠去使用,不過都係要拎數字去說明一下呢部手機嘅效能去到邊個位。

千元手機評測!  LG X Screen 有雙芒,係咪咁好用-7
在安免免只有 28041分,喺排行榜只係榜尾嘅位置,而喺分數嘅分佈上可見 LG X Screen 嘅 GPU 性能真係麻麻,只有 200 多分。

千元手機評測!  LG X Screen 有雙芒,係咪咁好用-8 千元手機評測!  LG X Screen 有雙芒,係咪咁好用-9
Vellamo 嘅瀏覽器分數只有 1766分,可是已經俾唔同手機遠遠拋離,例如 Nexus 5 等。LG X Screen 只有 2300mAh 電池,配上一個 4.93 吋 HD 屏幕及 1.76 吋的副屏幕,今次測試都會開個副屏幕(你熄左個副屏幕黎用不如買其他機啦)GeekBench 3 模擬手機以 CPU 80% 負載下不停運作,我地會用 Flight Mode 情況下,把手機由 100% 電量去到關機。留意一下 LG X Screen 會在 1% 電量下已會關機。最終得出約 6 個小時 33 分鐘成績。係 2300mAh 電池配 Android 6.0 嘅手機,電量叫做合理。跟據 ePrice 用開嘅指標,中用量大約可連續用 10 小時左右。
 

介面

LG X Screen雖然係一部中低階機,不過用嘅係 Android 6.0 系統及 LG 最新嘅 UX5.0 UI,軟件上都係用左最新嘅軟件,雖然大家睇到上面嘅跑分係跑得好低,好似會好慢咁,我可以講嘅到今我用部手機係好順,無論喺上網、IM 及使用工具 Apps 都係好暢順,可能基於 Android 6.0 嘅關係,各方面嘅表現有所改善,但對小弟黎講我都係對 UX5.0 無咩好感,一黎係 Apps Drawer 要自己 Download,二黎就係介面嘅設計真係有點似小米大陸機嘅 UI,對於個人黎講都唔係好鐘意呢種設計,唔知有無網友都鐘意呢個 UI 設計呢 ?

千元手機評測!  LG X Screen 有雙芒,係咪咁好用-10

 

第二屏幕

不得不提一定係呢部機嘅第二屏幕,佢應該係呢部手機其中一個精髓,都會因為呢個功能而命名做  X Screen,同另一部機 X Cam 一樣,都係使用左 LG V10 其中一個元素,有人可能會問到底佢同 LG V10  嘅第二屏幕嘅分別同功能喺邊,我就拎俾大家去睇下啦。

千元手機評測!  LG X Screen 有雙芒,係咪咁好用-11
同樣地,兩部電話喺 off screen 下都會「Always-On」第二屏幕,呢個第二屏幕同 V10 一樣係可以顯示到日期時間同埋通知,基本上係顯示到 Facebook, Whatsapp, Facebook Message 及 Telegram 嘅通知。

千元手機評測!  LG X Screen 有雙芒,係咪咁好用-12
著左 Mon後就會顯示左簽名檔,俾人一睇就知屬於邊個嘅手機

千元手機評測!  LG X Screen 有雙芒,係咪咁好用-13
喺功能上大家都係相差無幾嘅,基上上簽名檔、快速工具喺 V10上嘅功能都可以喺 X Screen 都可以用到

相機
LG X Screen 配備左 1300 萬像素主鏡頭以及 800 萬像素前鏡,論像素係唔差嘅數字,相信基本嘅記錄影像都可以做到,但唔好預有好高嘅畫質,LG X Screen 所影嘅相如下

千元手機評測!  LG X Screen 有雙芒,係咪咁好用-14 千元手機評測!  LG X Screen 有雙芒,係咪咁好用-15千元手機評測!  LG X Screen 有雙芒,係咪咁好用-16 千元手機評測!  LG X Screen 有雙芒,係咪咁好用-17
千元手機評測!  LG X Screen 有雙芒,係咪咁好用-18 千元手機評測!  LG X Screen 有雙芒,係咪咁好用-19
千元手機評測!  LG X Screen 有雙芒,係咪咁好用-20 千元手機評測!  LG X Screen 有雙芒,係咪咁好用-21

小結:雙芒未必係最大賣點
用完 LG X Screen,其實可見 LG X Screen 喺同價位嘅手機黎講只有多左個屏幕呢個特點,論同價位我覺得網友未必會選擇呢部手機,主要係,副屏幕會否令網友覺得有用,係問題之一。大家講起 LG 平價手機,可能都想起 LG K10。相比之下,LG X Screen 好處係包括使用 Qualcomm S410 處理器,唔係用 MTK。但以效能上,K10 那款 MTK 處理器,可能比 S410 好少少。LG X Screen 香港版是雙卡雙待,並支援中港 3G + 4G,所以貴一百都牴番晒。

LG X Screen 係文章刊登時,賣價為 $1498,按這裡有更詳細介紹及最新報價。 
您可能也喜歡▼