立即睇即減幾多!話你知 LG G6 上市資訊 + 大舖價

2017-03-28 18:31
昔日的跌價王,今日的硬價王。版主講緊邊個廠商?聰明的網友一定一估就知道,講緊嘅係 LG。睇番 LG V20,都出左有五個月啦,而家大舖都仲係賣成五千蚊 ($4998),跌價速度實在是相比以前慢。唔知黎梗的旗艦機 G6,又會唔會一樣企得咁硬呢?早幾日版主就爆左俾大家知,G6 的香港建議零售價係幾多,無錯成六千蚊係好貴,但嚇我唔到嘅,即減幾多先最實際。今日 LG G6 正式香港發佈,而版主亦已收到 G6 大舖即減後的賣價,減完之後,網友又肯入手未?睇下文啦!

立即睇即減幾多!話你知 LG G6 上市資訊 + 大舖價-0

如版主之前所爆的一樣,LG G6 的香港建議零售價為 $5998,LG G6  香港推出黑、白、藍三款,並於 4 月 12 日發售。係 4 月 12 日至  5 月 4 日買 LG G6,可額外一年本地保修及原裝 QuickCover 鏡面智能保護套一個。 。至於大舖方面,版主早排已收到消息,預訂將會「即減 $600」,最新賣價為 $5398,正式開賣會唔會好似 V20 咁加番價呢?暫時都無法估計。

LG G6 版主試過,用上 5.7 吋 2K 大芒,手感外型確係唔差,配 S821 處理器,內置 4GB RAM 以及 64GB ROM,相機用上 1300 萬像素雙主鏡頭以及 500 萬像素前置鏡頭,電池容量則有 3300mAh,並支持 IP68 防水防塵功能。整體上配置無乜太大問題,然而最大的問題係,LG 今次居然移走了最重要的賣點 - 可換電設計,咁賣到呢個價,又係咪真係值呢?你又講下啦!

必睇!LG border=

按這裡有 LG G6 韓水版主上手

LG G6 在文章發表時,大舖賣價為 $5398,按這裡有詳細規格及最新賣價