入手係機會?LG G6 開賣不足兩個月,極速跌價至三字頭!

2017-05-27 15:19
人哋三星、Sony、HTC 都有 S835 旗艦 U 用,LG 無份係慘慘豬嘅,搞到一部難得叫做「有設計」的手機,開賣個幾月頻頻跌價。係呀,講緊嘅係 LG G6 呀,其實呢部機用過真係唔錯㗎,雖然遲下會唔會燒底板暫時我都唔知,但起碼今次個樣又靚左好多,拎到出街都唔會覺得好肉酸,呢點版主覺得真係抵讚嘅。問題係,S835 旗艦一出,LG 仲賣咁貴的話,明眼人都識得揀吧?所以無辦法,唯一可以做嘅就係減價,減下減下,已經跌到落三字頭。講真,呢個價,你受唔受?

入手係機會?LG G6 開賣不足兩個月,極速跌價至三字頭!-0

上回提到,隨着 S835 旗艦手機的出現,大舖逼於無奈之下,唯有將 LG G6、V20 劈價。不過今次版主想講嘅,並唔係大舖減價,而係好耐無提過嘅 LG 水貨價。LG G6 水貨在三月中果陣抵港,當時第一水賣價為 $6180,以第一水黎講,無想像中咁貴嘅。不過講番而家,行貨開賣左都個幾月,仲已經減過幾次價,咁水貨又有乜可能唔減至得㗎?最近經過旺角先達,發現原來 G6 水貨價已經跌到落 $3880 左右,相比行貨平 $1100,雖然話就話 LG 機仲會有唔少跌價空間,不過目前呢個價黎講都算係幾值得玩下。你又點睇呢?

入手係機會?LG G6 開賣不足兩個月,極速跌價至三字頭!-1
▲ LG G6 先達水貨價已跌穿四千,賣緊 $3880 左右。

入手係機會?LG G6 開賣不足兩個月,極速跌價至三字頭!-2
▲ 至於另一旗艦機 V20,亦見到最平去到 $2880 呢個價位,又玩唔玩得過呢?

LG G6 在文章發表時,大舖賣價為 $4998,按這裡有詳細規格及最新賣價
LG V20 在文章發表時,大舖賣價為 $4298,按這裡有詳細規格及最新賣價