$6798 嫌貴?LG G7+ ThinQ 大舖未出已減,網友又會否入手?

2018-05-29 20:21
LG 最新 S845 旗艦 G7 ThinQ 系列,上星期正式在香港發表,現在仍在預購階段,預計在六月初正式有售。G7 ThinQ 系列版主都有玩過,除咗 AI CAM 設計怪咗少少之外,其他用落都不算太差,當中的 Boombox 喇叭,令到聲音的輸出大幅提升,鍾意打機睇片的網友,也許會喜歡。然而,這個系列雖然不算太差,但定價實在過高,其中 6GB / 128GB 的 G7+ ThinQ,建議零售價更高達 $6798,貴到嚇死人。不過,如果而家話你知,大舖有即減,你又會唔會考慮呢?睇下文啦!

$6798 嫌貴?LG G7+ ThinQ 大舖未出已減,網友又會否入手?-0

早前 LG G7 ThinQ 系列香港發表,版主就話俾大家聽,G7 ThinQ 建議零售價為 $5998,而 G7+ ThinQ 建議零售價則為 $6798,而如果你係 G3 / G4 / G5 / V10 的用家,喺 6 月 30 日之前帶機去 Trade in,仲可以有 $1000 嘅超市現金券,其實都算係值得諗諗。誓估唔到的是,原來而家去大舖買機,仲有即減添喎!

$6798 嫌貴?LG G7+ ThinQ 大舖未出已減,網友又會否入手?-1

問過百老匯、衛訊、豐澤的店員,佢哋都表示預訂期間如果買 G7 ThinQ,就會送 $100 現金券,而買 G7+ ThinQ 的話,更會送額外 $300 的現金券 (例如衛訊就送衛訊 Coupon,豐澤就送 $300 豐澤 Coupon 咁啦),而呢張 Coupon 係可以買機即時使用,變相其實係「即減 $100」同「即減 $300」,分別用 $5898 同 $6498 就可以買到。計埋 Trade in 的 $1000 超市現金券,優惠高達 $1300,如果優惠咁多,你又是否願意入手呢?

LG G7+ ThinQ 在文章發表時,建議零售價為 $6798,預計 6 月 1 日開賣,按這裡有詳細規格及最新賣價
LG G7 ThinQ 在文章發表時,建議零售價為 $5998,預計 6 月 1 日開賣,按這裡有詳細規格及最新賣價