科學化手機續航力評測!LG G7+ ThinQ 係慳電王,定食電怪

YKer 2018-06-10 13:38 | LG
唔少外國媒體都話 LG G7+ ThinQ 續航力「北行鳥」,還記得當時機都未賣街,但本港網上輿論已充斥一面倒意見話「3000mAh 電池太少了,一定係倒水!」、「肯定一日充幾次!」。難度一手揸 G7+ ThinQ 都要一手揸尿袋?我嘗試用具科學化,可比較,最減去人為因素嘅測試,為想入手嘅網友,睇下 LG G7+ ThinQ 係咪真係續航力不及其他對手!同樣加入呢排我用得最多嘅 HTC U12+ ,用同樣方式測試做對比,結果係點?

g7-fb.jpg

最科學化手機電池續航實測 :Geekbench 4 Battery Test
本身我都無太大意欲為 LG G7+ ThinQ 進行續航測試,但早幾日見到外國媒體出了一篇名為「How's the battery life on your LG G7?」,內文引述有網友說「續航力甚至比舊機三星 Note 8 更好」、「接近 5 小時 SOT 仍剩餘 37% 電」,本 YK 就覺得非常有趣,所以自行做了測試研究。

首先,如果你想知道 LG G7+ ThinQ 更多詳細資料,請先閱讀這裡,拉到最下方會有相關的文章。 呢部 G7+ ThinQ 使用高通旗艦處理器 S845,內建電池 3000mAh 容量,配合 6.1 吋 IPS 2K 屏幕。

有關手機續航測試,本 YK 採用 Geekbench 4 作為測試工具,方法係咁:
001:盡量減少不必要的變數,清水 G7+ Thin Q 會以飛行模式進行測試,把所有後台 App 清理。

002:由於手上無符合標準的量度儀,所以屏幕亮度推到最低,利益歸於廠家。之前有網友問,為何不選擇最高亮度? 因為各品牌最高亮度差異太大,相反最低亮度差異很少,所以選擇差異化最細的設定。

003:Geekbench Battery Test 原理係固定輸出 100% 工作負荷,然後睇睇你部手機可以堅持幾耐先收檔。


Screenshot_2018-06-08-22-12-54.pngScreenshot_2018-06-08-22-12-59.png
▲ 結果出爐,G7+ ThinQ 獲得 4020 分,右邊係其他機型的參考分數;續航力對比 S835 版的三星 S8,大家同樣擁有 3000mAh 電量,三星 S8 屏幕較細,並使用省電見稱的 AMOLED 質材,卻沒有帶來明顯續航優勢,可見 G7+ ThinQ 在 S845 處理器加持下,獲得更具效率的功耗控制。

Screenshot_2018-06-08-22-13-13.pngScreenshot_2018-06-08-22-14-45.png
▲ 可以見到整個測試都保持 100% WORK 負載,電量減少的線條亦無任何異常,整個過程堅持約 7 小時。

HTC U12+ 參戰,對比 LG G7 ThinQ
本 YK 手上剛剛入左部 HTC U12+,難得都係 S845 手機,順便測試下同 LG G7+ ThinQ 續航力比較結果如何。測試條件雖然完全一樣,但要留意規格上,U12+ 擁有 6 吋 SLCD 細過 G7+ ThinQ 少少,而且電量有 3500mAh。

Screenshot_20180605-082111.pngScreenshot_20180605-082119.png
▲ 結果出爐! 得分 4940 分,比 G7+ ThinQ 多近 1000 分。

Screenshot_20180605-082129.pngScreenshot_20180605-082137.png
▲ HTC U12+ 放電情況正常,整個過程穩定維持 100% WORK,而持續時間達到 8 小時 15 分。   

同樣都係 S845 CPU,但 HTC U12+ 電池比起 LG G7+ ThinQ 為大,有比較高嘅得分都唔出奇。但可見用 GeekBench 4 Battery Test,把測試條件統一,手機續航力比較就一目了然。聽聞 ePrice 版主都好 Buy 呢個  Test,未來嘅評測,將會大量採用。到時要比較不同手機嘅續航力,睇 ePrice 評測就可以。

同樣加映:S845 比 S835 係咪更加省電

「咁高通話 S845 比 S835 省電係咪一個謊言?」呢個問題近日亦開始慢慢浮現,皆因唔少人有提出 S835 處理器手機比目前 S845 手機來的省電、擁有更長續航力。其實,大家講法都有自己的道理; 早在年初,外國媒體 ANADTECH 發布一篇詳細文章「The Snapdragon 845 Performance Preview: Setting the Stage for Flagship Android 2018」,講解 S845 對比 S835 的耗電情況。識睇就自己睇原文,唔識就聽我下面簡單介紹。

gpu_575px.png

唔想講得太複雜,分兩部分:CPU 及 GPU:CPU 角度簡單黎講,S845 運算性能高過 S835,因為頻率加大左,頻率加大耗電自然增加。所以開盡黎玩 S845 CPU 會耗電過 S835。而 GPU 角度睇:在同等 fps 表現下,S845 的 Adreno 630 確實會比 S835 的 Adreno 540 省電。

結論:你打機開盡的話,不論係 CPU / GPU 角度考慮,S845 手機比到更快、更流暢的表現,但相應代價係耗電量增大。高通無呃你,確實同樣負載下 S845 比 S835 省電。只係一般人玩遊戲對少少 fps 流暢度提高並無太大感覺,反而對電量流失得快會更加敏感。


結論:到底 G7+ ThinQ 續航力得唔得?

每一個網友用機的習慣不同,所以呢個問題只有你自己知道。

本 YK 發現網上各媒體做的續航力測試,絕大部分都用自創的一套方案,難以科學化地進行複製測試,皆因可變數太多,所以產生出來的結果對比難有說服力。

其實你要知道一部機續航力是否足夠你用,最簡單的方法係,將你手上用緊部機,學我咁用上面個 Geekbench 4 Battery 模式,跟足我個測試環境(最好就當然「清水」佢,防止任何自動開啟的 App)。如果你個分數差過上面 G7+ ThinQ,咁姐係你部機的續航力會差過 G7+ ThinQ。

最新新聞