LG 今年玩完!香港再無新機出?

2018-11-10 16:05
好耐無聽過 LG 香港有出手機。係呀,果部乜鬼 V40 ThinQ,外國賣咗好耐,香港都仲係遲遲未有消息。早前有大舖講過,可能要等到 11 / 12 月先出得到,但最新風聲傳出,V40 ThinQ 今年已經玩完。點解咁講,睇下文啦!

LG 今年玩完!香港再無新機出?

當然唔係講 LG 要執笠,只不過係今年佢哋唔玩,要停一停。最新風聲傳出,LG 香港今年唔會再有新機出,部 V40 ThinQ 起碼要等到 1 月,原因就係,雙 SIM 版仲未 Ready。而消息人士透露,都只不過係 LG 口頭上講,以 LG 的習慣都係有遲無早,最後 1 月出唔出到貨,都係一個疑問。

不過,之前版主虎仔介紹過的 G7 Fit,據了解都係會在 1 月推出,有機會會同 V40 ThinQ 同時發表。但,到時先走嚟出 V40 ThinQ,會唔會遲咗啲?到時真係要搵人 Help,也許都會係個難度。你又點睇呢?