今年「玩完」,求最後清貨?LG 旗艦現新低價,網友會敗?

2018-11-20 18:33
早前版主一話 LG 今年「玩完」,好多網友都好 like 咁,個個抱着「睇人 XX 最開心」的心態,然而實情是,所謂「玩完」,只係講緊今年唔會再有新機出,甚麼 V40 ThinQ,睇怕好大機會下年先有。2019 仲賣 2018 手機?相信好多網友都等到唔想再等,所以現有 LG 旗艦先行做個減價,希望大家會買來用住先。而事實上,減咗價網友又係咪真係會「用住先」呢?相信唔會。

今年「玩完」,求最後清貨?LG 旗艦現新低價,網友會敗?

現有 LG 旗艦,說的是 G7 ThinQ,版主去完個旅行發現,原來 G7 ThinQ 已經落咗價,相比之前再減 $600,最新賣價為 $4398。然而,大容量版本的 G7+ ThinQ,卻一蚊都沒有減,依舊維持在 $5398 的價位,令到 4GB / 64GB 版本跟 6GB / 128GB 版本價錢相差成一千蚊,有這樣的差距,你會選擇買邊部呢?

今年「玩完」,求最後清貨?LG 旗艦現新低價,網友會敗?

再來我們又姑且看看,到底 SUN Mobile 買機又會唔會再平呢?不看猶可,一看版主發現,原來版主多次提及過果招「免上台出機大法」,似乎今次失靈了。SUN Mobile 只有賣 G7+ ThinQ,而之前我們提過,只要買張 Flex Mobile SIM 再買機,$4804 就能入手。但現在再看官網,發現就算你買 Flex Mobile SIM,機價都變得跟淨機價一樣,無減價。換句話講,即係 SUN Mobile 反而將 G7+ ThinQ 加返價。到底呢個舉動,又有甚麼動機呢?你又點睇?留言講下啦!

今年「玩完」,求最後清貨?LG 旗艦現新低價,網友會敗?
LG G7 ThinQ 在文章發表時,大舖賣價為 $4398,按這裡有詳細規格及最新賣價
LG G7+ ThinQ 在文章發表時,大舖賣價為 $5398,按這裡有詳細規格及最新賣價