LG V40 ThinQ 大舖劈價!落價千三 網友肯清貨?

2019-05-02 14:42
文章分享
等咗好耐,終於再等到 LG 旗艦落價消息!記得早一兩年前,LG 旗艦跌價速度簡直能夠稱王,差唔多每隔幾個星期,就又收到 LG 乜乜乜手機落價,果陣時版主有題材寫又開心,網友食住花生睇 LG 跌價仲開心。只不過去到近呢幾年,LG 話要控制返個價格,唔畀佢跌價咁快,所以你先發現到,減價少咗好多。繼 4 月初 V 系列旗艦落價之後,來到今個月呢部手機大舖又再減價,呢個價網友肯幫佢一把清貨嗎?睇下文啦!

LG V40 ThinQ 大舖劈價!落價千三  網友肯清貨?

今次減價的手機又係 LG V40 ThinQ,上個月初大舖先減咗價至 $5498,到了今個月再一口氣減多 $800,最新賣價為 $4698,相比建議零售價跌咗 $1300。跌穿咗網友心理關口未呢?至於細舖行貨方面,普遍現時賣價都是 $4300 - $4500 不等,跟大舖賣價相差不遠,而水貨賣價則約 $3840。當然,價錢唔差好遠,大舖買絕對是有保證一點。

LG V40 ThinQ 大舖劈價!落價千三  網友肯清貨?

規格部份,LG V40 ThinQ 採用了 6.4 吋 OLED 屏幕,配備 Qualcomm S845 處理器,內置 6GB RAM 以及 128GB ROM,電池容量有 3300mAh。相機方面則是三鏡頭設計,分別為 16MP 超廣角、12MP 標準以及 12MP 2x 變焦鏡頭,支持 Triple Preview、Cine Shot 等有趣實用的功能,而前置鏡頭亦有雙鏡頭設計,分別為 8MP 標準以及 5MP 廣角鏡頭。

LG V40 ThinQ 今次減價幅度大咗唔少,網友又覺得係咪有誠意呢?留言講下啦!

LG V40 ThinQ 在文章發表時,大舖賣價為 $4698,按這裡有詳細規格及最新賣價
文章分享