LG 旗艦減價,劈價三千三|三星 S10 大舖現新低價

2019-05-06 16:32
文章分享
近期 LG 旗艦減價消息特別多,繼早幾日講完 V40 ThinQ 減價,今日版主經開豐澤,發現原來另一旗艦 G7 ThinQ,亦都又再落價!再劈多 $900,三千中有交易,跌穿網友心理關口未?另一邊廂,同為韓國品牌的三星,其旗艦手機 S10 亦都突見新低價,但並唔係個個版本有減價,淨係得「佢」,係乜原因,相信答案好明顯。想了解更多,睇下文啦!

LG 旗艦減價,劈價三千三|三星 S10 大舖現新低價

講咗 LG 先,今次減價的旗艦係 G7+ ThinQ,呢部手機對上果次減價係三月中,而家過咗唔夠兩個月,已經又有新低價,仲要今次一減唔係減果兩三百,而係減多 $850,最新賣價為 $3439,呢個價網友點睇呢?(不過版主知道,並唔係間間舖有貨,有啲大舖甚至連 G7 ThinQ 都無放出嚟。)

LG 旗艦減價,劈價三千三|三星 S10 大舖現新低價

至於另一邊廂嘅三星,其旗艦機 Galaxy S10 居然都出現新低價!不過,並唔係個個版本有減價,淨係得 512GB 的 S10,先至有平到,賣價由原來的 $7998 減多 $500 至 $7498,不過就無贈品送。至於其他容量版本的 S10,價格則同之前一樣,未有變動。原因係咩?我相信係因為 512GB 唔多人買,畢竟又有得插 microSD 卡,何必又要特登買咁大容量的手機呢? 你又覺得係咪先? 留言講下啦!

LG 旗艦減價,劈價三千三|三星 S10 大舖現新低價

LG G7+ ThinQ 在文章發表時,大舖賣價為 $3439,按這裡有詳細規格及最新賣價
三星 Galaxy S10 (512GB) 在文章發表時,大舖賣價為 $7498,按這裡有詳細規格及最新賣價
文章分享
您可能也喜歡▼