記得一月中嗰陣，版主就同大家提到，LG Wing 相比起初到港第一水賣價平咗 $1200，但就算比第一水平咗 $1200 都好，始終都要賣成五千幾蚊，未夠抵玩。時隔一個月，過埋個農曆新年，留意到呢部 LG Wing 已經跌價至 $4850，相比一個月前再平多 $800，雖然以 S765G 中階手機嚟講呢個價都未夠抵玩，不過呢部手機有啲 Gimmick，又唔可以完全同其他普通手機相提並論，你又會唔會考慮佢呢？
硬件規格部分，LG Wing 配備咗 6.8 吋 P-OLED 芒，而底部則有 3.9 吋副屏，當主屏轉到打橫方向，個副屏就會顯示出嚟。另外，LG Wing 配備 Qualcomm Snapdragon 765G 處理器，電池容量為 4000mAh，具有 64MP 標準 + 13MP 超廣角 + 12MP 超廣角大像素的三鏡頭組合，並支持 NFC 功能。
水貨查詢：三禾電氣