【Black Friday】收藏家必買 LG 遺作!型格 Wing 手機 二千中 買得到

2021-11-25 15:51
每次提到 LG,我心中都會嘆息,明明 LG 手機喺設計方面咁有創意,但最後卻被逼要將手機業務摺埋。而咁多 LG 手機之中,我最希望收藏嘅,係 Wing,或者你會話,呢部嘢「垃圾」、「無乜用」、「好多 Bug」,但我想講,就算你覺得幾無用,用唔着都好,我更樂見手機界出現一些有創意嘅產品,哪怕呢個設計唔係 LG 最先推出,但起碼近年嚟睇,佢的確係帶起到一啲話題。適逢 Black Friday,留意到原來呢部 Wing 只係賣緊二千中,買來自用又好,買來收藏都好,都係一個可以考慮嘅選擇。

留意到,Amazon 將呢部 LG Wing 清貨,計返港幣賣價只係 $2691.64,而且可以免費運送至香港。同埋,Amazon 買電子產品,一律都建議留意有無 Amazon 90 日保用,有咩問題喺上嚟,都起碼可以搵 Amazon 換貨或者退款。諗返起,果陣時 LG Wing 都仲係賣咁貴,而家落到二千中,其實我覺得係幾吸引。

規格方面,LG Wing 配備咗 6.8 吋 P-OLED 芒,而底部則有 3.9 吋副屏,當主屏轉到打橫方向,個副屏就會顯示出嚟。另外,LG Wing 配備 Qualcomm Snapdragon 765G 處理器,電池容量為 4000mAh,具有 64MP 標準 + 13MP 超廣角 + 12MP 超廣角大像素的三鏡頭組合,並支持 NFC 功能。

按這裡有購買傳送門