回上一頁   到底部 

教你揀!平價 + 影相不錯的千元手機,有乜選擇?

2017-11-29 15:47
邊部手機影相靚?三星 Note8、iPhone X 呢啲旗艦手機,影相咪靚囉!鬼唔知咩,賣到咁貴無返咁上下影相質素,鬼有人買咩? 但其實你知唔知,即使係平價手機,影相都未必會差,平平地千幾蚊已經有部,買部用嚟做後備機影下相,或者買俾長輩做孝子機,應該都很夠用。想知有咩選擇,睇下文啦!

教你揀!平價 + 影相不錯的千元手機,有乜選擇?

千幾蚊要部影相靚的手機,版主第一時間想起的,有 HTC U Play、Sony Xperia XA1、Moto G5 Plus 以及 LG G5 (水貨)。呢幾部手機各有秋千,講外型相對比較好的有 U Play 同 XA1,G5 Plus 雖然係影相唔差,但設計有點不合現今主流,對外觀有要求的話,未必會選佢。至於 G5,佢係一部旗艦手機,外觀上無錯唔好得 Moto G5 Plus 幾多,但點解㨂佢仲有一個賣點,就係佢具有雙鏡頭,其中一個鏡頭可以玩到高達 135 度廣角照片,去旅行想去影下景色,G5 其實啱哂你用。呢幾部千元手機,你又會點揀呢?

教你揀!平價 + 影相不錯的千元手機,有乜選擇?
▲ HTC U Play 大舖現時最新賣價為 $1798。雖然 U Play 只用上 MTK Helio P10 處理器,但佢內置左 4GB RAM 以及 64GB ROM,並用上同 LG V30 一樣的 IMX351 感光元件,唔打機主要用來影下相嘅話,U Play 其實都幾抵用。

教你揀!平價 + 影相不錯的千元手機,有乜選擇?
▲ Sony Xperia XA1 現時賣價為 $1698,用上 MTK Helio P20 處理器,內置 3GB RAM 以及 32GB ROM,配備 2300 萬像素 F2.0 光圈鏡頭。

教你揀!平價 + 影相不錯的千元手機,有乜選擇?
▲ Moto G5 Plus 用上 HTC U11 同一粒的感光元件,影相質素不用懷疑,然而外觀方面就比較不合時宜,版主個人就不大喜歡。不過如果你有興趣的話,去 eLoyal 網站購買,只需 $1839 就可以入手,相比大舖價還要便宜。

教你揀!平價 + 影相不錯的千元手機,有乜選擇?
▲ LG G5 係一部模組式手機,不過 LG 當佢係賣點,但相信唔係個個網友都 care,反而比較做得好的,是佢那個支持廣角的雙鏡頭,去旅行影人影景,效果相當不錯。現時水貨價約 $1250 左右,你又會否考慮呢?

HTC U Play 在文章發表時,大舖賣價為 $1798,按這裡有詳細規格及最新賣價
Sony Xperia XA1 在文章發表時,大舖賣價為 $1698,按這裡有詳細規格及最新賣價
Moto G5 Plus 在文章發表時,eLoyal 賣價為 $1839,按這裡有詳細規格及最新賣價
LG G5 在文章發表時,水貨賣價約 $1250,按這裡有詳細規格及最新賣價
文章分享及讚好
會員回應
Facebook 發言
 回上一頁   回頂部