二千四蚊,內置有筆 Motorola 發佈四款平價新機

2021-01-09 14:09
除咗小米發佈咗兩款平價手機,Motorola 手機廠係美國 CES 電子消費展 ,發佈咗 2021 年頭炮,一如所料地唔係旗艦規距手機,而係一堆入門型號的產品。 事實上平價入門機係世界的主旋律,少數有錢人不代表全部地球人都用 iPhone 、三星 Note 呀。 Moto 一次過發佈 4 款新型號,其中有筆嘅 G Sylus 2021 版,似乎大家應該最關心。而呢次四部 Moto 手機都係各有所長。如果你打算考慮買多一部平價副機,咁就要留以下的介紹。

二千四蚊,內置有筆 Motorola 發佈四款平價新機
 

Moto G Play 2021 最平價

第一部機係 Moto G Play 2021。 處理器用入門級 Snapdraon 460 ,3GB  RAM + 32GB ROM 組合,亦支持 microSD 插卡。其實 Snapdragon  460 係高通旗下追求性能的入 4 系晶片黎,咩話? 4 系處理器都講性能? 係呀,四大核,四小核嘅八核心架構,配合 11nm 制程。而 6.5吋 720p 屏幕搭配 5000mAh 大電池,一睇就知道會係核電王,擁有非常高的可用續航力。而呢部機最大特色係,價錢:169.99 美金的定價,折合港幣不到 1400 蚊。

二千四蚊,內置有筆 Motorola 發佈四款平價新機
 

Moto G Power 2021 尷尬機

第二部有少許尷尬,係 Moto G Power 2021,上面介紹嗰部 G Play 已經係 5000 電,但叫做 Power 又係得 5000電,但處理器就用左 S662,最高 4GB RAM 及 64GB ROM 組合。 同樣  720p 屏幕但Size 就稍微大0.1吋,6.6吋 LCD 屏幕。 對比 Play 版最大特色係,主鏡頭升級到 4800 萬像素。 而價錢就因此升級到 199.99 美金,折合港幣不到 1600蚊。呢部 Power 確實會比 Play 吸引,因為後者用M字額屏幕,而 power 係左上角鏡頭開孔設計,整體上比較美觀和自然。

二千四蚊,內置有筆 Motorola 發佈四款平價新機
 

Moto G Stylus 2021 有筆係賣點

如果你想買比老人家,要有一個觸控筆 For 手寫板的話。 Moto G Stylus 2021 會適合你。 還記得上一代 Stylus 只係 Power 版的加Pen verison。但黎到 2021 就完全不同了,今代全新的 Moto G Stylus 運行更高級的 S678 處理器,4GB RAM +128GB ROM  組合亦支持插卡。6.8 吋屏幕升級到 1080p 全高清解像度,但因為要裝主支 Pen,所以電量就只有4000mAh。 而鏡頭方面亦配備高達 4800 萬像素 主鏡頭。加左咁多野,售價自然比較貴喇,299.99美金折合港幣 2400 有找的有 Pen 之選。

二千四蚊,內置有筆 Motorola 發佈四款平價新機
二千四蚊,內置有筆 Motorola 發佈四款平價新機
 

Motorola One 5G Ace 香港用唔到

最後一款大家可能會比較期待,因為佢係一款平價 5G 手機,而且有好多細節上的特色。呢部名為 Motorola One 5G ACE 處理器用上 S750G,最高 6GB RAM +128GB ROM 組合亦支持 插卡。 屏幕方面配有 6.7 吋 1080p LCD 屏幕,5000mAh 電量加持比有必要性,因為呢部係 5G 機,暫時根據官方發佈的消息,只支援美國嘅 5G 頻段,但又唔支援 mmWave。因為無 n1 及 n78 支援,所以呢部 5G 機係香港係用唔到 5G 網絡。比前面三部機有一個壓倒性賣點,就係擁有 NFC 功能。 定價 399 美金,折合大約 3200 元左右的港幣的定價。唔知會唔會有歐洲及亞洲 5G 呢?

二千四蚊,內置有筆 Motorola 發佈四款平價新機
 
多謝支持 ePrice.HK
發表於 2021-01-12 10:14
2 樓
叫play果部唔多play得, 叫power果部又同低一級既一樣電量 XDD
您可能也喜歡▼