中階價錢 旗艦規格!呢個價入手舊代 Google Pixel 旗艦,係咪抵玩?

2021-06-19 20:03
版主其實一直有個心願,就係擁有一部 Google 推出的 Pixel 手機,不過好多時 Google 推出的手機,一來都係唔平,二來水貨無保,三來我平時有咁多手機玩,仲買機係一件好不智嘅事 (iPhone 又唔同講法)。但真係好想好想入手,可以點? 原來舊代嘅 S855 Google 旗艦,已經落到三千有找。呢個價錢,買呢部手機,我覺得會比起買現時嘅中階手機吸引得多。想知詳情,睇下文啦!

中階價錢 旗艦規格!呢個價入手舊代 Google Pixel 旗艦,係咪抵玩?

說的是 Google Pixel 4,原來呢部 2019 年推出嘅 S855 旗艦手機,有深水埗細舖不知不覺已經跌到落 $2720,仲同某格價網合作推父親節優惠,64GB 版本減到 $2588 喎,咁平,信唔信得過㗎。記得好似都係上年先講到又話 Google Pixel 4a 中階機賣 $3000 有找,估唔到眨下眼就連旗艦嘅 Pixel 4,都已經落到呢個價位,確係令我有少少心郁嘅。

中階價錢 旗艦規格!呢個價入手舊代 Google Pixel 旗艦,係咪抵玩?

不過,Google search 又好似唔多覺有網友講到呢間舖有幾伏嘅,但如果你想去間穩陣啲嘅,eTopia 網店 64GB 賣緊 $3360,係貴幾百㗎,但我對佢相對有信心啲囉。$3360 係咪貴?少少啦,但買 Google 親生仔,又算係一代旗艦,都還算值得嘅。你又點睇呢?

按這裡有 eTopia 購買連結
您可能也喜歡▼