平五舊!2K 芒香港行貨 HTC One E9+ 上市不久 即跌

2015-05-30 21:38
有手機廠嘅設計師,揚言用家未必分得出 Full HD 與 2K 屏幕嘅顯示效果與分別。近排版主玩過唔少 2K 手機,感覺其實只要屏幕夠大,2K 芒的確做到更細緻顯示效果,用來睇相,係見賞心樂事。2K 解像度屏幕手機,係咪一定比較貴呢?其實熱門型號,最平 3 千有找入到手,就算推出一個月左右嘅香港版行貨全新型號 HTC One E9_ ,四千蚊唔駛都有交易! 

平五舊!2K 芒香港行貨 HTC One E9+ 上市不久 即跌-0
 

HTC One E9+ !八核 + 5.5 吋大芒 + 雙卡雙待 四千有找入手

全新香港行貨嘅選擇,一定係 HTC One E9+。呢部機推出一個月都未有,但已有一個不錯嘅入手價。HTC One E9+ 可說是 HTC One M9 嘅塑膠版本,但眼看還是帶有金屬元素,只係一上手就知係塑膠物料。相比旗艦版 M9 與 M9+,E9+ 同樣採用二千萬後置相機,感光效果良好嘅 UltraPixel 四百萬前置相機。採用跑分都有五萬嘅 MTK Helio X10 八核心處理器及 3GB RAM。E9+ 比起同期嘅 M9 與 M9+ 就是更薄更輕及採有 5.5 吋 SLCD 解像度屏幕。

HTC One E9+ 係旺角一帶連鎖店都係以原價 $4398 賣緊,版主開口問都係 $4398。不過,深水埗有幾間HTC 應可嘅細舖,現金價減幅厲害,足五舊水,$3898 買到啦。HTC One E9+ 香港版是中港 3G / 4G 雙卡雙待手機,功能配備是很齊全呀。


平五舊!2K 芒香港行貨 HTC One E9+ 上市不久 即跌-1

▲ 深水埗嘅賣行貨細舖,E9+ 無標價,問過了幾間,個價都係 $3880,平過建議零售價五舊水。


平五舊!2K 芒香港行貨 HTC One E9+ 上市不久 即跌-2

▲ 除左 E9+,M9 係旺角大型連鎖店,都貼返「特價發售」做到跟細舖一樣嘅 $4980 賣價,仲包埋最近送嘅 32GB 記憶卡優惠。


HTC One E9+ 係文章刊登時,大型連鎖店售價為 $4398,按這裡有詳細規格及最新賣價
HTC One M9 係文章刊登時,大型連鎖店售價為 $4998,按這裡有詳細規格及最新賣價
多謝支持 ePrice.HK