HTC Desire 728 一部孝子手機

2015-12-02 18:58
HTC 除了 A9,最新上市的,還有中階機 Desire 728 dual sim,講真呢類型中階機嘅作用,通常都係拎黎做孝子機,即係俾屋企年長嘅家人使用,到底呢到機上手感覺係點樣 ? 適唔適合老人家使用呢?

HTC Desire 728 一部孝子手機-0
 

規格效能都不差

首先講下部機規格,總算不過不失,合唔合做部孝子手機。係屏幕方面 ,HTC Desire 728 dual sim 使用了 5.5” 吋屏幕,係一部大芒手機!  處理器方面 MTK MT6753 1.3GHz 八核心處理器,搭載 2GB RAM 及 16GB ROM 記憶體,同時支援外置記憶體,最高支援 2TB MicroSDXC ;在相機方面使用了 1300萬像素後置鏡頭,前置則使用了 500 萬像素自拍相機;在網絡連接性方面使用了 2+1 卡糟設計,可以插入 2 張 SIM 卡,而且支援了香港、中國大陸 4G FDD/ TD LTE,甚至是 3G TD-SCDMA。電池則使用 2800mAh。相機像素夠高,夠晒比老媽、老父平時影下相,自拍有500萬,像素都夠用。我會幫佢地買多張大容量記憶卡,預設影相個陣 Save 係記憶卡,咁影多多相都無問題。

有人話 Desire 728 規格好普通,又無得換電,其實 MTK MT6753 處理器,即係 Meizu M2 Note 用緊個粒,M2 Note 行 Full HD 芒,比較耗電,但 Desire 728 行 HD 芒,好處係令手機係 2800mAH 電池下,亦有不錯嘅續航力,效能比較有保障,用落會好順,老媽老爸應該唔會投訴會用到 Lag 機。

HTC Desire 728 一部孝子手機-1
▲ 再講下機身, 153g 嘅 5.5 吋芒手機,機嘅後背使用左聚酯物料,拎起上手感覺輕身無唔聚手,因為用了聚酯物料,仲無咁滑手。正面可見基本上全黑色 (另有一款係白色),而且雙嗽叭設計感覺融合左入機身正面,令部機無咁雙下巴,這個設計亦令 Desire 728 做到正面是全玻璃材質,機頂到底感覺比較合理及好睇。

HTC Desire 728 一部孝子手機-2
▲ 同樣地雙喇叭支援 HTC BoomSound,可以發出機前立體聲音效,再加上 Dolby Audio 音效,唔用耳機也有現場還迴立體聲音效。我當然會教埋老媽、老爸點樣上網睇劇,有 Boomsound 立體聲,睇劇都真實好多。Desire 728 唔係 Full HD 芒,夠用嗎?HD 都夠清架啦,又唔係放上大電機到睇!

HTC Desire 728 一部孝子手機-3
機嘅左側就係 SIM 卡同 Micro SD 卡插槽,唔洗用支針就可以開到。

HTC Desire 728 一部孝子手機-4
Desire 728 dual sim 依然使用 Micro USB 插頭,而設在機身底部, 耳機孔則在機身嘅頂部位置。

HTC Desire 728 一部孝子手機-5
機背可見純黑色,手感亦不錯。 


HTC Desire 728 一部孝子手機-6
安兔兔跑出三萬六千分,呢個分數大約同 Qualcomm S615 CPU 等級。

HTC Desire 728 一部孝子手機-7
在 Basemark 中竟然有 52.21 FPS,雖然同滿分有段距離,但至少在 3D效能上有不錯嘅表現。即係就算爸媽要玩小型遊戲,都足夠應付到。。

HTC Desire 728 一部孝子手機-8
▲ Desire 728 鏡頭,係三星模組,做到 F2.2 大光圈,影到 130 0萬像素鏡頭,並配有補光燈。
 

主相機實拍

呢部 HTC Desire 728 dual sim 前後相機有別於過往 Desire 手機,前後相機都係同樣地使用 Samsung 鏡頭模組,即係 Samsung Galaxy S4 採用嘅模組。Galaxy S4 曾經是旗艦手機,現在用係中檔手機上面,到底效果係點,可以睇下下面相機嘅實測。

HTC Desire 728 一部孝子手機-9 HTC Desire 728 一部孝子手機-10
HTC Desire 728 一部孝子手機-11 HTC Desire 728 一部孝子手機-12
HTC Desire 728 一部孝子手機-13 HTC Desire 728 一部孝子手機-14
HTC Desire 728 一部孝子手機-15 HTC Desire 728 一部孝子手機-16
HTC Desire 728 一部孝子手機-17 HTC Desire 728 一部孝子手機-18
HTC Desire 728 一部孝子手機-19

小結:不過不失中階機
雖然呢部電話係定位嘅中階嘅市場,但手感不俗,操作上基於 HTC Sense 嘅關係都十分暢順。對我而言呢部手機如果定位喺年青人市場未必受歡迎,因為同價位都可以有其他牌子嘅選擇,可能係上一代旗艦、韓國牌子嘅水貨機,但係拎黎俾家中兩老 ,大品牌還是比大陸機好。一來 HTC 嘅客戶服務一直唔錯,壞機都可以上門收機,整好又再送番俾兩老!HTC 香港行貨,仲內置了簡模式嘅 UI,好合用唔慣智能手機嘅老人家。HTC Desire 728 又係一部中港雙卡手機,只要我為佢安排中港數據 SIM 返大陸都 Keep 住上網。Desire 728 拎黎做孝子嘅手機,實為不錯。

HTC Desire 728 一部孝子手機-20
▲ HTC Desire 728 也有簡易模式。
您可能也喜歡▼