呢個獨家 App : 幫你 Tune 出 Android 手機的最好聲

2016-07-15 17:21
用手機聽歌,已成為相機之後,手機最多人用上嘅功能。由聽到去到可以儲存大量音樂。由播 MP3 去到串流 KKbox 與 Spotify,網友現在想要的是音質!手機出到靚嘅音質嗎?不少手機標榜支援播放無損音樂,甚至攞埋 Hi-Res  Audio 認証,以證真身。HTC 10 有一個叫 Personal Audio 功能,你可以用自己對耳、私家用開嘅耳機,自己調出最合自己心水,認為最靚聲嘅音質!這個句話是我 Andrew 說的:高清音質,人人定義不同,最知道最佳音質的,只有你雙耳。HTC 10 造得到適應你雙耳,播出最靚嘅聲音。

呢個獨家 App : 幫你 Tune 出 Android 手機的最好聲

一般手機的調音工具-均衡器,操作複雜
大家好,我係 ePrice 測試員 Andrew,今日我就想同大家介紹一下,HTC 10 的新功能,如何能夠讓你用自己對耳,私家嘅耳機,都可以享受最適合自己的聽覺體驗。事實上,今時今日大部份的手機,都有內置音樂均衡器 (Equaliser,簡稱 EQ),作用就是用來調整各頻段的增益值。一般而言,在均衡器面板上有多少頻段讓你調校,我們就會稱之為多少段均衡器,例如好似某熱門日系品牌手機,有 5 個頻段調校,所以亦即是「5 段均衡器」。頻段愈多,調音的精確度就愈高,但同時難度亦會相對增加。

而對於不在行的網友來說,調音的過程是相當複雜的,因為你要知道,每段的頻率背後所蘊含的意義都不一樣。舉個例說,8k-12k 呢個頻段是屬於音樂的高音區,適當突出呢個頻段的話,會對音樂層次方面有幫助,但又唔可以過火,因為太多又會增加雜訊,太少則會影響聲音的感染力。又如 300-500 呢個頻段入面,則係用來表現人聲,增強聲音的厚度。

或者會有人說,聽音樂最好就不要用均衡器,這樣才可以聽到音樂的原味。這句話說得不錯,然而,一個人覺得好聽,並不是每個人都覺得好聽,可能有些人會覺得欠缺了一些 feel,所以就要均衡器幫手調音。當然,如果你真係唔識得調音的話,一般手機的均衡器都有一些內定的選項,如搖滾、流行、古典等等,而每個選項,其實都代表了不同的頻率分配,你可以視乎個人的耳感去揀適合自己的選項。

呢個獨家 App : 幫你 Tune 出 Android 手機的最好聲
▲ 如果係出面專業級的均衡器,可以有好多好多不同的頻段,調較起上黎會非常吃力。而手機上內置的 EQ 均衡器,一般都只有 5 段左右,可以降低調較的難度。

唔洗識調音! HTC 10 兩種方法,讓你聽最適合你的音樂
對於唔識調音的網友,你可能會話:喂 Andrew,我睇極都睇唔明,乜野幾多 k 至幾多 k 就代表高音區,幾多 k 至幾多 k 又用黎表現人聲,我睇到一頭霧水喎! 無錯,HTC 就知道有大部份人都未必識得調音,對這方面沒有任何基礎的認識,所以就特地在 HTC 10 上,加入了一項新功能-「Personal Audio 個人專屬音效設定」,呢項功能有少少類似其他手機的均衡器咁,都係用黎調整至最好聽的音樂。然而,HTC 10 呢個調音方法,相比其他手機黎講更個人化,而且簡單得多。

要開啟「個人專屬音效設定」,首先你得插入耳機,不然無法進入接着下來的選項。如果係第一次插耳機嘅,仲會提醒你建立個人專屬音效添。不過之前唔小心揀咗略過而,Skip 咗都唔緊要,只要在「設定」中,你會見到有一個「HTC BoomSound 配備杜比音效」的選項,下方寫着「為您的耳機增強音效」,而右邊則有開關的設定。按進去,就會見到「杜比耳機音效」以及「個人專屬音效設定」。在「個人專屬音效設定」中,你會見到有兩個自訂的「調音」方法,分別為「回答問題」以及「聆聽頻率」,前者相對較快,但未必咁準,而後者則相對準確,但相對需要花多一點時間。

呢個獨家 App : 幫你 Tune 出 Android 手機的最好聲
▲ 設定時緊記,一定、一定、一定要插入耳機。

呢個獨家 App : 幫你 Tune 出 Android 手機的最好聲
▲ 在設定中,按進「HTC BoomSound 配備杜比音效」,就會見到「個人專屬音效設定」這個選項。而入面你會見到有兩種「調音」方式,一種是「回答問題」,而另一種則是「聆聽頻率」。

方法一:回答問題
講左簡單的先,如果你選擇「回答問題」再按「開始」,系統就會問你一系列的問題,例如:「您幾歲?」、「您每天使用耳機聽多久的音樂?」、「使用耳機聽音樂時,您周遭平均的噪音音量為何?」等一共四道問題,答完之後,你可以試聽調教後音樂的變化,並能夠調整左右聲道的平衡,睇下你自己想加強哪一邊的音效。呢個方法,真係非常快捷,但缺點係,佢未必係你「專屬」音效的最佳選擇。

呢個獨家 App : 幫你 Tune 出 Android 手機的最好聲
▲ 回答 4 條關於你個人喜好的簡單問題,然後系統會調整適合你的音效,呢個方式雖然係快,不過就唔多準確。

方法二:聆聽頻率(推薦使用!)
更準確的方法,一定是「聆聽頻率」,用你自己對耳,加上私家耳機去聽,系統會依照個人的聽力,建立最適合的音效設定。系統會播放左右耳高中低頻的聲音,讓用家能夠根據自己的聽力,調節最低可以聽到的音量。初次設定的確係非常麻煩,但係呢個方法卻又相當簡單,而且的確能夠調教到你個人專屬的音量以及頻率。不過在這裡要提提大家,呢個方法係需要在一個相當聆靜的環境下進行,如果唔係...... Andrew 試過,在一個嘈雜的環境下進行「聆聽頻率」的個人化設定,調教完之後出黎的音樂係非常大聲,Andrew 當場嚇左一跳。

補充一點,如果你選用了「個人專屬音效設定」,Andrew 認為其實關掉杜比耳機音效,亦未嘗不可。因為事實上「個人專屬音效設定」本身已經幫你調教到最適合你聽的音樂,如果再開啟杜比耳機音效的話,聽落去 Andrew 會覺得音樂的低音會重左啲。不過這都是個人的主觀意見,你是可以依自己需要進行選擇的。

最後,想提醒大家的是,當你利用「聆聽頻率」進行調較之後,呢個設定就係你個人以及耳機專用,如果你俾其他人聽或者換左另一部耳機聽的話,聽感就會唔同左,到時你係需要再重新設定一次的。好彩呢個設定可以比你儲存多款唔同耳機嘅音效設定,最啱成日戴唔同耳機出街嘅朋友使用。

Andrew 試聽後感:HTC 10 跟機耳機
Andrew 自己都建立了一個最適合自己的音效設定,然後嘗試聆聽一下,到底開左個人專屬音效設定,同關左會有甚麼分別。而 Andrew 發現,如果關了個人專屬音效設定之後,會覺得音樂同人聲都好似好遠咁,而且感覺上音樂同人聲都撈埋一舊,欠缺了層次感。而開啟個人專屬音效設定之後,會明顯聽得出個分別,唔知可唔可以話聲音大左,或者可以咁講,開左之後音樂同人聲會變得近左,人聲好似在我耳邊唱咁。同時,而樂器特別是鼓聲部份,我感覺每一下都變得有力左,增加了果種澎湃的感覺。不過咁,即使是同一首歌,每個人聽到的感覺都會有差別,以上我所表達的,都只是個人的主觀感受,並不代表,一定要開左個人專屬音效設定,先至叫好,畢竟可能會有朋友覺得,其實唔開都一樣咁好聽。不知大家試過,又有沒有 Andrew 聽的這種感覺呢?

來源:ACID 調音 (EQ) 與混音 (MIX)

資料由客戶提供
您可能也喜歡▼