說的是 HTC U Ultra......喂版主有無搞錯呀？乜 U Ultra 仲未清完架咩？無錯，雖然好多大舖例如豐澤，已經無再賣 U Ultra 了，但衛訊依然堅持着有賣 U Ultra，而且最近仲出現了新的「減價」。衛訊現時最新賣價為 $2398，無錯從數字上來看，是跟之前沒有分別，但而家仲送多咗 $400 超市禮券，扣除優惠後，U Ultra 的實價只需 $1998，成功躋身千元機的行列。千元價位，買到旗艦級數的手機，何樂而不為呢？
不過，U Ultra 雖然都叫做旗艦手機，但已經算是舊舊代的了——採用了 5.7 吋 2K 屏幕，機背用上「3D 曲面水漾玻璃」設計，配備 Qualcomm S821 處理器，內置 4GB RAM 以及 64GB ROM，並具有 1200 萬像素的 UltraPixel 2 主鏡頭以及 1600 萬像素的前置鏡頭。一般使用沒甚麼大問題的，而普遍網友會覺得，3000mAh 電池實在太小了，而且不夠省電，會有「倒水」的現象。但，一分錢一分貨，呢個價買 U Ultra，點都好過買其他中檔大陸機吧？網友又點睇呢？
HTC U Ultra 在文章發表時，大舖賣價為 $2398，按這裡有詳細規格及最新賣價。