HTC 回歸香港!比拼同類手機 Desire 20 Pro 呢個價,抵?

2020-06-29 23:46
HTC 都有成年無係香港推出新手機。今年似乎會一口氣推兩部。除咗 5G 手機 HTC U20 5G  外,打頭陣嘅係佢:HTC Desire 20 Pro。呢部機賣幾錢?值唔值得入手?咁就要揾規格差唔多,同樣採用 Qualcomm S665 SoC 嘅手機,從規格著手,比拼一下。

HTC 回歸香港!比拼同類手機 Desire 20 Pro 呢個價,抵?

早前版主 Keith 大讚過 Nokia 5.3,呢部機就係用上 Qualcomm S665 CPU,賣價只係 $1599。咁 Desire 20 Pro 賣幾錢?$2299,會係七月二日上市。相比之下,HTC Desire 20 Pro 係咪勁唔抵?唔可以咁講,要睇埋其他配套。其實,同期採用 S665 SoC  嘅手機,都有幾款,包括 Sony Xperia 10 II、TCL 10L 及都係剛剛上市嘅 Oppo A72。佢哋有乜分別?其實透過 ePrice.HK 嘅手機比拼功能就知道,Click 入下表連結就會見到!

HTC 回歸香港!比拼同類手機 Desire 20 Pro 呢個價,抵?
▲ 按此睇到五款手機嘅規格比拼

睇完比較,我簡單歸納一下,呢五部 S665 手機,有乜特別,買 Desire 20 Pro 會唔會賣貴咗?

001:五款今年新上市,採用 S665 SoC 手機,以 HTC Desire 20 Pro 最具「份量」有 201 克咁重。二百克重量嘅手機,真係幾重!

002:  五部機,除左 Nokia 5.3 及無標示嘅 Oppo A72,Desire 20 Pro、Sony Xperia 10 II 及 TCL 10L 都支援 4G LTE Cat 6 或以上連線。Desire 20 Pro 更支援 Cat 13,簡單來講,用佢哋夾全速 4G 計劃,都會容易 D 達至高速上網效果,唔一定等 5G。

003:五部機,得 Sony Xperia 10 II 係支援 IP68 防水,但與此同時,佢嘅電量都係最細,連 4000mAH 都無。今次主角 Desire 20 Pro 係有 5000mAH 大電池,仲支援 QC3.0 快充。

004:TCL、Oppo  都係中國大陸品牌,手機係 Made In Mainland China 就唔出奇。但其實,Nokia 5.3 及 HTC Desire 20 Pro 都係 MIC。Sony Xperia 10 II,係由泰國製造。

HTC 回歸香港!比拼同類手機 Desire 20 Pro 呢個價,抵?
 

一線品牌唔算貴

咁,HTC Desire 20 Pro 算唔算貴。首先,版主睇到嘅有 Sony 跟 Nokia 可以同佢比較。Nokia 5.3 版主係大讚過。但其實,Nokia 5.3 用嘅 HD 芒唔係 Full HD,同埋佢上網只係 Cat 4 LTE,同一時間收到一條頻,加上只係 4GB RAM + 64GB ROM,所以 Desire 20 Pro 貴過佢又正常喎。而 Sony Xperia 10 II 仲要比 Desire 20 Pro 貴幾舊水,不過,佢係少有二千蚊手機有 IP68 防水,係值嘅。總結一句,一拼去 Oppo 呀,TCL 呀,Desire 20 Pro 係貴好多。若果大家仲認為 HTC 跟 Sony 係香港人嘅心目中,都係一線品牌嘅話,$2299 呢個價錢,叫合理架。

HTC 回歸香港!比拼同類手機 Desire 20 Pro 呢個價,抵?
▲ 係文章刊登時,豐澤已有售,按此進行預訂

HTC Desire 20 Pro 於 7 月 2 日上市,在文章發表時,售價為 $2299,按呢度有詳細規格及賣價。
多謝支持 ePrice.HK
您可能也喜歡▼