首發課金:五千電、四鏡頭 HTC Desire 20 Pro 開箱評測!

2020-07-07 15:15
HTC 終出新機,號稱 5000mAh 大電池和 6.5 吋非 OLED 大屏幕的 Desire 20 Pro,規格上屬於中低檔定位,可以視爲 U12 life 的升級版! 正所謂「千元送手機,物輕情意重」,既然 HTC 一開賣就劈到 1999 元,咁我都唔介意做白老鼠、課金做孝子! 

首發課金:五千電、四鏡頭 HTC Desire 20 Pro 開箱評測!

開箱
爲何會入手此機? 長老玩厭左部舊機 U12 Life 想換新機,而版主 Keith 分享的文章中 Desire 20 Pro 係比其他對手好。由於此機將會送人,所以網友們提出「心口碎手機」、「冰火七重天」等測試建議一律拒絕。 根據版主坤哥的預言,早前光速透過「誠哥」購入 Desire 20 Pro 一部,仲送埋個套 + 屏幕貼。 「叮噹」,誠哥送上門了!

首發課金:五千電、四鏡頭 HTC Desire 20 Pro 開箱評測!
▲ 黑色機身配黑色盒,仲飄住一陣剛生產的工廠味。

首發課金:五千電、四鏡頭 HTC Desire 20 Pro 開箱評測!
▲ 呢個就係「誠哥」送的套和貼。

首發課金:五千電、四鏡頭 HTC Desire 20 Pro 開箱評測!
​▲ 盒背寫上 Desire 20 Pro 部分賣點,包括多 RAM、多電、四鏡頭等等。

首發課金:五千電、四鏡頭 HTC Desire 20 Pro 開箱評測!
▲ 留意翻,全新行貨係會有呢條封條;本 YK 都唔知 HTC HK 幾時換成 Falcon 做代理。

首發課金:五千電、四鏡頭 HTC Desire 20 Pro 開箱評測!
▲ 原裝配件如圖;基本料如卡針、說明書、耳機、火牛電線都齊全。

首發課金:五千電、四鏡頭 HTC Desire 20 Pro 開箱評測!
▲ 由於 Desire 20 Pro 支持 QC 3.0 快充協議,HTC 跟機附送的火牛亦係支持 QC 3.0 協議。

首發課金:五千電、四鏡頭 HTC Desire 20 Pro 開箱評測!
▲ 令人感動又尷尬係呢個耳機:感動係因爲入門機好多廠都唔再送耳機,而 Desire 20 Pro 係罕有地支持 FM 收音機功能,所以開箱無耳機唔得架;但尷尬係 X 你個 HTC 啊,耳機整到十足生果咁,你以爲用黑色就無人覺得似嗎? 


機身佈局一覽
睇發佈會時最搶眼係個背斜紋,但正面穿窿大芒睇落去比較平實。 本身預計Desire 20 Pro 同 U12 Life 差不多水平,畢竟係「半後繼機」; U12 Life 的廉價塑膠感雖然唔令人討厭,但揸住 Desire 20 Pro 覺得點解後者造工會好咁多。。。 所以話遲買永遠好享受!

首發課金:五千電、四鏡頭 HTC Desire 20 Pro 開箱評測!
​▲ 官方稱爲「錯視漸層設計」,無法理解個名,但真機睇落去係型係靚。 

首發課金:五千電、四鏡頭 HTC Desire 20 Pro 開箱評測!
​▲ 入門機但比你 3.5mm 耳機孔,底部亦有 USB-C 和單喇叭; 單喇叭聲大唔拆,但本 YK 聽慣旗艦 Boomsound 覺得 Desire 20 Pro 一如所料無低音得大聲。

首發課金:五千電、四鏡頭 HTC Desire 20 Pro 開箱評測!
▲ 機身頂部、底部各有一個收音孔;金屬質感框加塗料,絕對比 U12 life 的塑膠來得紮實。

首發課金:五千電、四鏡頭 HTC Desire 20 Pro 開箱評測!
▲ 過往都有不少手機玩按鈕配色,改紅改綠咁其實好難睇; 但 Desire 20 Pro 黑配金的組合卻讓我想起 RX-0 2 號機,型! 而按鍵清脆反饋穩定,造工非常紮實。

首發課金:五千電、四鏡頭 HTC Desire 20 Pro 開箱評測!
▲ 三選二的卡槽支持 4G + 4G 制式,亦支持插入 microSD 卡擴充容量;但要留意卡槽對位要好準,歪斜少少都無法順利插入。

首發課金:五千電、四鏡頭 HTC Desire 20 Pro 開箱評測!
▲ 值得稱讚係保留中置實體指紋識別器:識別高效、準度十足;巨大的四鏡組 ( 4800 萬像素主鏡頭 + 800 萬像素超廣角 + 200 萬像素微距 + 200 萬像素景深 ) 讓你能輕鬆拍出各種視角相片,但係咪真係咁好用呢? 下面會有簡單實測。

首發課金:五千電、四鏡頭 HTC Desire 20 Pro 開箱評測!
▲ 正面係一塊 2340 X 1080 的 6.5 吋 LCD 屏幕; OLED 屏幕對人眼的壞處我就唔再多講了,總之堅持 LCD 就係皇道!

首發課金:五千電、四鏡頭 HTC Desire 20 Pro 開箱評測!
▲ 屏幕左上角穿窿位是一枚 2500 萬像素自拍鏡頭,有 HDR 有美肌功能,但沒有自動對焦。

首發課金:五千電、四鏡頭 HTC Desire 20 Pro 開箱評測!
▲ 至於戴套係樣子就係咁,可以彌補相機凸出的缺點。

首發課金:五千電、四鏡頭 HTC Desire 20 Pro 開箱評測!
▲ 「誠哥」送套開孔也算精準; 但入門機其實上貼上套黎做乜,何況 Desire 20 Pro 的手感爽係需要除套而揸! 真漢子絕對唔戴套,無套先可以感受到工程師的心思結晶!


性能測試一覽
雖然 Desire 20 Pro 配備高通 S665 處理器,好多人話佢係入門機,正所謂「唔打機就乜 U 都掂,打機就乜 U 都唔掂」,其實宜家 6 字頭的高通處理器足夠一般上網睇片聽歌喇。 今次換機的觸發點係長老話舊機 64GB ROM 唔夠用,所以要搵 128GB 加支持插卡的手機。Desire 20 Pro 預載 Android 10 系統,配備 6GB RAM 和 128GB ROM,實用的 NFC 和 藍牙 5.0 俱備。 

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 安兔兔的測試中得分有 168819 分,分數跟其他 S665 大家庭成員相若。

首發課金:五千電、四鏡頭 HTC Desire 20 Pro 開箱評測!
▲ 在 Androbench 測試中,配備 eMMC 的 Desire 20 Pro 得分如圖,對比 UFS 制式的旗艦機黎講當然低。 令人意外的是,最重要的隨機寫入速度達 54.79MB/s,比 HTC 自己的中階機 U19e 快幾倍(15.41MB/s)!

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 歷時超過 14 小時的 Geekbench 4 續航測試中, 五千電的 Desire 20 Pro 獲得 8464 高分拋離其他同級對手,你可以獲得更持久的 AV 享受 ~


相機簡單實測
對入門級手機的相機表現有乜期待? 玩機無數的經驗話你知,但求色準、反應正常已經心滿意足。 今次 HTC Desire 20 Pro 大玩多鏡頭,涵蓋超廣角、廣角、景深、微距四大護法。有網友會話無左長焦距鏡頭,但老實講,非旗艦機的長焦鏡頭同你高像素 CROP 出黎其實無乜分別。 呢度預先講個評測體驗感想: 主鏡頭比想象中好,但其他鏡組皆玩具。

主鏡頭相片實拍 
首發課金:五千電、四鏡頭 HTC Desire 20 Pro 開箱評測!
▲ 室內燈光不足的情況下影貓,放大後亦可清楚見到對焦點的貓鼻貓鬚; 始終係入門機,對焦點以外的貓咪身軀毛色呈現油畫化。

首發課金:五千電、四鏡頭 HTC Desire 20 Pro 開箱評測!
▲ 在貓店陳列櫃射燈光照下,並無任何明顯的油畫情況:毛色分明、顏色準確。

首發課金:五千電、四鏡頭 HTC Desire 20 Pro 開箱評測!
▲ 主鏡頭大光圈自帶散景效果自然,顏色準確一貫係 HTC 相機的特色。  

首發課金:五千電、四鏡頭 HTC Desire 20 Pro 開箱評測!
▲ 面對綠色為主調的場景,容易出現錯色的問題,但 Desire 20 Pro 並沒有出現此問題。

首發課金:五千電、四鏡頭 HTC Desire 20 Pro 開箱評測!
▲ 陰天下的波波地,鏡頭出奇地能夠準確地呈現場地的顏色。

首發課金:五千電、四鏡頭 HTC Desire 20 Pro 開箱評測!
▲ 文字和鏽斑痕跡在放大後依然清楚可見,入門機黎講算係超班了。 

首發課金:五千電、四鏡頭 HTC Desire 20 Pro 開箱評測!
▲ 全紅場景下都無走色,柯達樓下的消防警鐘紅,大家都很熟悉吧! 

首發課金:五千電、四鏡頭 HTC Desire 20 Pro 開箱評測!
▲ 冷櫃的光管其實都係另一個容易錯色的場景,但 Desire 20 Pro 無令人失望。

首發課金:五千電、四鏡頭 HTC Desire 20 Pro 開箱評測!
▲ 最愛食塞米呀! 罐頭上的文字有少許鬆散,但尚保留一定清晰的線條,亦無「數碼谷線」的情況。

微距鏡頭實拍
從實際使用的情景黎睇,主鏡頭可以影到的距離已經足夠近,微距反而遇到「近又唔係超級近,遠又同主鏡頭重疊」的窘況,而且有色準問題。大家睇下面兩張圖就知道:

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 左圖(上圖)係主鏡頭拍攝的效果,顏色非常準確,而且散景自然好睇; 但右圖(下圖)係微距鏡頭影出黎的相,影出黎大少少,但就變成味精色又無大光圈散景效果。

散景鏡頭實拍
有廠商玩軟件虛擬景深,但 Desire 20 Pro 堅持加翻個景深鏡頭,效果確實係普遍比較穩定同自然,而景深亦係可以即時調整預覽深淺程度。

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 左圖(上圖)係主鏡頭拍攝的效果;右圖(下圖)係景深鏡頭拍攝效果。

超廣角鏡頭實拍
Desire 20 Pro 擁有 118 度超廣角鏡頭,但遺憾是廣角鏡頭無法支持 HDR 模式,亦不支持自動對焦功能,所以係無辦法做到戲劇效果般的近距離廣角。 色溫偏冷的超廣角鏡頭的細膩度亦遠不如主鏡頭。 

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 左圖(上圖)係超廣角鏡頭拍攝;右圖(下圖)係主鏡頭拍攝效果。

首發課金:五千電、四鏡頭 HTC Desire 20 Pro 開箱評測!首發課金:五千電、四鏡頭 HTC Desire 20 Pro 開箱評測!
▲ 左圖(上圖)係超廣角鏡頭拍攝;右圖(下圖)係主鏡頭拍攝效果。

4800 萬像素模式實拍
近年重新追求超高像素鏡頭的氣氛下,HTC 都直接放入 4800 萬像素的拍攝模式,但需要注意 Desire 20 Pro 的 4800 萬像素模式不支持 HDR 功能。 而且 4800 萬像素下的畫質並沒有太大提升,只是見到畫面中「谷線」的痕跡更明顯。 本 YK 會更偏向採用預設的 1200 萬像素模式進行拍攝。

首發課金:五千電、四鏡頭 HTC Desire 20 Pro 開箱評測!
▲ 開啟 4800 萬像素的相片。 

首發課金:五千電、四鏡頭 HTC Desire 20 Pro 開箱評測!
▲ 主鏡頭 1200 萬像素的相片。


使用總結
如果你手上有 2000 大洋,那麼 HTC Desire 20 Pro 會係你最值得選擇的手機(暫時),作為後備機或平價主力機其實都無難度: 擁有 LCD 大屏幕和超強的續航力,影視娛樂輕鬆勝任。 雖然各種玩具鏡頭實用性不高,但主鏡頭成像質素表現穩定,對焦速度亦出乎意料的爽快。

當然,缺點包括無充電信號燈(但提供 iPhone 式亮屏功能)、無防水性能等等。 但你還有 3.5mm 耳機孔、FM 收音機,NFC (支持 GooglePay)和投影功能齊備。 你仲想要求系統輕快、貼近原生、踢走埋臃腫垃圾軟件? Desire 20 Pro 都係貼近原裝 Android 了。呃,銀彈有限的情況下要買一部整體規格優秀的手機,暫時睇 Desire 20 Pro 應該係 THE ONE 了。
 
您可能也喜歡▼