【速測】 HTC Touch Cruise 09 潮玩 GPS 生活相簿

2009-02-22 02:33
HTC 在今年的 MWC 大放異彩,Diamond2、Pro2;居然還有用 Android 的 Magic。其實其中一款 Touch Cruise 09,才是最快跟用家見面。雖然它的介面及設計不算好特別,但加入了最新 Footprints 足印功能,把本來唔多關你事的 GPS 定位功能,融合最多人用的 Snap Shots 玩意中,手機的生活應用,就係咁解了。 ▲ HTC Touch Cruise 會在二月底香港上市,今次 hTC 找來 SmarTone-Vodafone 作為網絡商拍擋。 Touch Cruise 新版 外型變規格改 HTC Touch Cruise 在 2008 年未出 Diamond 之前,曾經是旗艦型號。由於香港人對 GPS 功能麻麻地認同,本來 Touch Cruise 主打 Easy to Use 的 GPS 應用,變為當時最強的 Touch 系列機種,如打通 3.5G、有三百萬自動對焦相機等。到了 Touch Cruise 09 (其實 HTC 沒有把它叫作 09,新舊機都是叫 Touch Cruise),外型、規格都作出了改變,現簡述如下。 ● 新版 Touch Criuse 外型較圓潤 ● 新增 GPS 及 Footprint 功能專用按鍵 ● 升級至 Windows Mobile 6.1 Pro ● CPU 由 400MHz 升級至 528 MHz 處理器 ● 記憶體由 256MB ROM 及 128MB RAM 升級至 512 MB ROM / 256 MBRAM ● 升級支援 HSDPA 7.2 Mbps ● 升級至 TouchFLO 2D 首頁程式 ● 相機不再支援自動對焦 ▲ 雖然大家都是叫 Touch Cruise,但 09 新版 (左) 的外型比起舊版 (右)更加圓潤,更加著重 GPS 的應用。 而 Touch Cruise 09 的重點功能,就是新加入的 Footprints 服務。而在未來推出 Diamond2 及 Pro2,都不會有 Footprints 服務,要用的話,暫時來說,Tocuch Cruise 09 是唯一選擇。 ▲ HTC Touch Cruise 的外型很特別,上半部份是 HTC 很愛玩的黑調設計,下身卻是銀色。 ▲ 留意銀色部份的安排,左面有 GPS 捷鍵,一按即進入地圖資訊程式,另一面是 Footprints 按鍵。中間是滾輪掣,用手指旋轉可操控功能,一樣好 Finger Friendly。 ▲ 使用 miniUSB 作數據連接。 ▲ Video 示範 Touch Cruise 的外型。 Footprints 相片足印 GPS 生活化應用 Footprints 是 Touch Cruise 的賣點,把 GPS 應用到非汽車導航的層面,徹底生活化。Footprint 是一個影相介面,用家先利用機背的三百萬相機拍下不同的相片,有關相片位置的 GPS 資訊,即時記錄在相片中。用家可立即在 Footprints 介面,輸入該地點的查詢電話、寫下感覺,甚至用口講述那相片與你的關係。Footprints 介面,更會自動把相片以地方名字命名,人與地方的回憶,可以快速地記下來。 ▲ Touch Cruise 09 加入了 TouchFLO 2D 首頁介面,用家只要用手指在屏幕下方的小指示圖移動,就可以改變功能。 ▲ 從 Video 看到,TouchFLO 2D 在 Touch Cruise 09 中,運行得極快,似 HTC 在軟件優化上,做了不少功夫。 ▲ TouchFLO 介面中,新增了 Footprints 項目,用家見到的,是一張張以地方命名的圖片。看看右面的小圖,是用家的自我分類,包括最愛地方、Shopping 聖地、飲飲食食、禮物地帶及必去景點等。用家用手指相片部份上下撥動,就見到一張張紀念相片。 ▲ 在目錄揀拍攝相片,立即進入 Footprints 的拍攝介面。介面以直身顯示,跟普通的全屏幕介面很不同。 ▲ 拍攝了相片,相片立即跟據 GPS 的記錄,自動以地方名命名。像這個在 MWC 現場拍攝,就有 Barcelona 032 的紀錄。 ▲ 用家可 review GPS 定位數據外,更可以立即加入聲音補充、電話及文字輔注等等。 ▲ 記得把它們分類,方面日後重溫。 ▲ 去那個地方,可見出 Google Map 幫你。首先 Google Map 會點出你所在位置,再找出 Footprints 相片的位置,再找出路線,日後要再重溫當地景色,變成一件很簡單的事了。 ▲ 用家亦可以用回傳統 HTC 全屏幕影相介面影相。 ▲ 在此模式下,可調教的環節更多。 小結: Footprints 功能好玩 小試了 Touch Cruise 09 的 Footprints 功能,感覺好好玩,尤其是一班愛好玩 Snap Shots 的朋友,把相片分類也簡單好多。Footprints 只要連結至 GPS 就可以,理論上不收 Data 錢。TouchFLO 2D 在 Touch Criuse 09 中,表現很好,籍得一讚。
多謝支持 ePrice.HK
發表於 2009-02-22 11:26
2 樓
當年機王,依家變返入門機? 規格上冇咩特別,依然用返qvga... 又話footprint功能,可以影相加埋gps定位相片,又改名又加聲音。 偏偏又要冇左個自動對焦... 呢部機合理價錢$3000蚊....但都估佢唔會平賣的了
發表於 2009-02-22 12:05
3 樓
Fung說:
當年機王,依家變返入門機?規格上冇咩特別,依然用返qvga...又話foot
HTC 明顯開賣係貴左... 佢又要係HTC新機公佈左先開賣 買係有D心理壓力 ...
發表於 2009-02-23 21:26
4 樓
部機賣$3980
發表於 2009-02-23 21:30
5 樓
肥得滯說:
部機賣$3980
我諗都係差唔多,但係都係覺得貴左少少
發表於 2009-02-23 23:04
6 樓
肥得滯說:
部機賣$3980
一個字 - 貴
發表於 2009-02-23 23:06
7 樓
Smartone 標價HKD4480.00
發表於 2009-02-23 23:07
8 樓
Pasu說:
Smartone 標價HKD4480.00
坐地起價 = = 係咪獨家?
發表於 2009-02-23 23:13
9 樓
Pasu說:
Smartone 標價HKD4480.00
如果個價無錯既話,都幾貴......
發表於 2009-02-24 00:01
10 樓
有乜特別 同有咩可以令佢賣接近四千大元呢 呢部....... 當acer hp及 toshiba既機出左之後 特別tg01出黎定價唔算太高 htc全線機必定有壓力啦!!!!!
您可能也喜歡▼