【購機情報】蝴蝶 16 號到貨! HTC Butterfly S 水貨破六千!

2013-07-11 19:43
等了又等,新一代的 HTC Butterfly S 終於到手了!而版主亦收到消息,這部型格的機皇將會在下個星期到貨, HTC 員工更表示貨量足夠應付訂單,今次終於唔使慢慢等機了!嫌 $6,198 太貴?其實先達入面台灣水貨都炒價破 $6,000 ,仲要係得番一、兩部,由此可見呢隻蝴蝶都不乏捧場客架!就等版主 Eddie 帶大家睇睇最新的情報,而網友對呢部機有問題都可以入黎問架!

【購機情報】蝴蝶 16 號到貨! HTC Butterfly S 水貨破六千!-0

HTC Butterfly S 到貨有期 8/16有得賣
在上次的發佈會中, HTC Butterfly S 因為仍未做好最終的調整,所以現場的機都借不走,版主等到今天才真正借到這部機,也就是說 Butterfly S 的終於調整好,快要賣街啦!版主 Eddie 問過衛訊、豐澤和 HTC Store(百老匯說沒得訂機,可能冇得賣) ,他們都一致回答 7 月 16 號 Butterfly S 就會正式開賣,相信網絡商亦會同步賣機。(不過 3HK 的月費仍然未出,無論是門市和網上 3Mall 也是icon)不過贈品方面都是只包很基本的保護貼、記憶卡,沒有 PCCW 上台那麼豐富啊!

【購機情報】蝴蝶 16 號到貨! HTC Butterfly S 水貨破六千!-2
▲ 根據 HTC Store 和豐澤店員的資料, HTC Butterfly S 就會開賣了, HTC 的 Promoter 表示問過公司,貨量是足夠供應給現有的訂單的,希望今次唔使等啦iconiconicon
 

台水先達價 $6,080 還有下調空間

途經先達的時侯,版主亦留意到有些鋪賣台版的 HTC Butterfly S 了,價錢相當驚人,竟然只比港行便宜 $100 ,賣價 $6,080 !雖然規格上面兩個版本很接近,都是採用 5 吋的 FHD 屏幕、 1.9GHz 四核、 2GB RAM 、 Ultra Pixel 相機,電量也是相同的 3200 mAh ,不過台版是完全不支援香港的 4G LTE 啊!加上台灣水貨未必有保養,相信唔少人都會更加願意買港版機吧,我看台灣水貨還有價格下調的空間。

【購機情報】蝴蝶 16 號到貨! HTC Butterfly S 水貨破六千!-6
▲當台水都賣到破 $6,000 的時侯,版主真的不懂說什麼好了icon
 

版主真機到手 網友齊齊問

今次版主借到的機是賣街版的 Butterfly S 了,終於不像在記者會上面玩到的機一樣限制多多,最少亮度、休眠等終於可以自行調較了!我知道大家都很關心裡面 3200 mAh 電池的續航力,亦有唔少人會比較它與 HTC One 的分別,版主稍後會再作分享。我要開始試機了,大家有沒有什麼特別想知道的?留言講比我知吧!

在文章刊出的時侯, HTC Butterfly S 的定價是 $6,198 ,預計 7/16 開賣,按此看最新賣價和詳細規格。
發表於 2013-07-11 20:33
2 樓

乜都唔試, 浸落水試試先啦 話哂第二代冇理由唔濕得水既icon
 
發表於 2013-07-11 22:54
3 樓
唔防水,唔駛試了。icon
多謝支持 ePrice.HK
發表於 2013-07-11 23:17
4 樓
請問會唔會有Butterfly S 的體驗日?

還有係咪支援最新制式的Wifi, 以及佢係咪都可以支援在音樂播放效果裏面播放歌詞 ?
發表於 2013-07-12 09:41
5 樓
Butterfly s係無防水功能喎...
 
發表於 2013-07-12 09:41
6 樓
今次 HTC 沒有安排 Butterfly s 體驗日呀 icon

至於其他功能,問的,Butterfly s 也有。icon

基本上,當 HTC One 稍後升級至 Android 4.2.2 ,HTC One 有 99% 功能跟 Butterfly s 也是一致的。
多謝支持 ePrice.HK
發表於 2013-07-12 15:38
7 樓
請問知唔知邊度有真機試Butterfly S ?icon, 還有會唔會同HTC搞
一次體驗日給我們會員 icon

 
發表於 2013-07-12 17:08
8 樓
冇記錯的話,好多間 PCCW 門市都有得試 Butterfly s , CWB 果間都有,之前有網友 Eric 在門市玩機,可以參考一下。