機會嚟啦! 64GB 版炒價玩完, Zenfone 2 邊到入手最著數?

2015-05-21 18:52
Asus 華碩的 Zenfone 2 係自從係 4 月頭開賣以來,一直都不乏捧場客。而當中 64GB 內置容量配 4GB RAM 的 Zenfone 2 除左要延期開賣更一度斷貨。對於有意入手 Zenfone 2 但又礙於大鋪無貨,去細鋪買又要捱炒價的朋友來講,好消息終於都來啦!因為頂配版的 Zenfone 2 不論在深水埗細鋪還是網上 Asus Store 都返左唔少貨,大家又覺得用咩方式入手最抵玩呢?一齊來睇睇啦。

機會嚟啦! 64GB 版炒價玩完, Zenfone 2 邊到入手最著數?-0


$2499 64GB 版 Zenfone 2 Asus Store 有貨!但金/黑色售罄

如果想以最輕鬆最方便的方法入手 Zenfone 2 64GB 版,首選當然係 Asus 官方的網上店啦!雖然當時 Zenfone 2 首日在港開賣時, Asus Store 上的 64GB 版卻秒速斷貨,應該令不少朋友都空歡喜一場。原來近日 Asus Store 已經返左 64GB 版本啦,同樣係每個會員 account 可以買到兩部。不過係版主出稿時, Zenfone 2 64GB 版只係剩返灰色版本,其他顏色就已經售完。


深水埗大貨到, 64GB 版本正價賣!大鋪暫時較難買到

如果不想透過 Asus Store 買又或者想入手金色版的 Zenfone 2 64GB 版的話,深水埗都係一個不錯的選擇。版主今日到過高登、黃金同埋福仁,基本上全部細鋪都係以正價 $2499 賣,而且仲間間都有貨!問過店員後就發現原來以往要入 64GB 版  Zenfone 2 一般只係得三幾部,不過上星期就來左一批雙位數字嘅貨,所以基本上貨源充足不愁無機賣。而當中灰色版 64GB Zenfone 2 數量較多,金色版都有但比較少。兩隻色價錢都一樣,非金色版不要的朋友都可以去深水埗睇睇嘅。不過,如果想到大鋪買 Zenfone 2 的話就麻煩少少了,版主問過好幾間旺角大鋪,當中只係得一間有貨,而且同 Asus  Store 一樣只有灰色版。

機會嚟啦! 64GB 版炒價玩完, Zenfone 2 邊到入手最著數?-1
在深水埗一樣可以入手有一年保養的行貨 Zenfone 2 。 

機會嚟啦! 64GB 版炒價玩完, Zenfone 2 邊到入手最著數?-2
▲ $2480 已經係今日版主見到最平的價錢,唔知大家有沒有更好介紹呢?


網友分享,集思廣益!邊到入手 Zenfone 2 最平至著數?

分享完 Zenfone 2 近來的入手資訊後,就輪到版主請教下網友啦!雖然而家要買 Zenfone 2 已經不再需要捱炒價,但係以比定價更平的價錢入手看來並不容易,版主暫時見過最平的 64GB 版 Zenfone 2 價錢係 $2480 ,比起本身定價只係平 19 蚊。唔知大家又有無以更便宜價錢去入手 Zenfone 2 的方法呢?一齊留言分享下啦!icon

在文章發佈的時侯,ASUS Zenfone 2 ZE550ML 定價 $1,499 ,按此看詳細規格和最新賣價。
在文章發佈的時侯,ASUS Zenfone 2 ZE551ML 定價 $2,099 ,按此看詳細規格和最新賣價。
發表於 2015-05-22 00:20
2 樓
“以更便宜價錢去入手 Zenfone 2 的方法”早買早享受,遲買便幾舊…