平價六吋芒 ! ZenFone 2 Laser Full HD 巨芒版 開箱實測!

2015-12-01 22:15
大約兩個星期之前,Asus 推出左一部 ZenFone 系列中最大芒嘅 ZenFone 2 Laser 6 吋版本,其規格方面,比起 5.5 吋版提升不少。之前版主 Keith 借過一部 Asus ZenFone Selfie 俾我玩過,令我覺得 ZenFone 系列做得最好的地方是佢嘅相機功能,而這部 ZenFone 2 Laser 擁有跟 Sony Z5 系列手機的賣點,都是擁有極快的對焦速度,能夠做到 0.03 秒雷射對焦。至於呢部 ZenFone 2 Laser 的效能又點樣呢? 版主而家就為呢部 ZenFone 2 Laser 進行簡單的開箱,從外型、屏幕、跑分以及相機方面讓大家更了解這部 ZenFone 2 Laser。

平價六吋芒 ! ZenFone 2 Laser Full HD 巨芒版 開箱實測!-0

Zenfone 最大芒,感覺有點重
大芒是這部 ZenFone 2 Laser 的賣點之一。ZenFone 2 Laser 的機身體積為 164.55 x 84 x 10.55mm,重量為 190g,上手感覺其實都幾重下。ZenFone 2 Laser 繼承了 ZenFone 系列的設計風格,從正面看上去,機底都是採用了同心金屬紋理,而機背則是明顯的弧形設計,以內置 3000mAh 電池來說,ZenFone 2 Laser 呢個設計令到機身比最近發佈擁有 4000mAh 的紅米 Note 3 更厚。而版主我個人就係唔中意呢種設計,自 ZenFone Selfie 果陣到而家我都唔中意,點講好呢? 版主我比較中意偏向長方體的智能手機,例如 Sony 的智能手機,雖然版主我自己無用 Sony 的手機,但如果講外型方面,我覺得 Sony 真係做得唔錯!

平價六吋芒 ! ZenFone 2 Laser Full HD 巨芒版 開箱實測!-1
▲ 除左 ZenFone 2 Laser 之外,隨機仲附有 1 個充電器、1 條 USB 線以及 1 個耳機。

平價六吋芒 ! ZenFone 2 Laser Full HD 巨芒版 開箱實測!-2
▲ 跟機的充電插頭擁有 5.0V、2.0A 的輸出,即是有 10W。

平價六吋芒 ! ZenFone 2 Laser Full HD 巨芒版 開箱實測!-3
▲ ZenFone 2 Laser 擁有 6 吋 IPS 全高清屏幕,並採用了第四代康寧強化玻璃,機身有紅、灰、金三種顏色選擇。機的上方正中位置你可以見到有 ASUS 的字樣,右上角可以見到有個 500 萬像素鏡頭。至於機的下方,你可以見到佢採用的同心金屬紋理。

平價六吋芒 ! ZenFone 2 Laser Full HD 巨芒版 開箱實測!-4
▲ 而版主今次開箱上手試的是金色版本的 ZenFone 2 Laser。

平價六吋芒 ! ZenFone 2 Laser Full HD 巨芒版 開箱實測!-5
▲ 機的上方會有 1300 萬像素的 PixelMaster 主鏡頭、閃光燈、Sensor 以及音量鍵。相機方面,廠方聲稱 ZenFone 2 Laser 跟 Sony Z5 系列一樣,能夠做到 0.3 秒雷射自動對焦。另外,ZenFone 2 Laser 內建高解像度拍攝模式,可以多張 1300 萬像素的相片重疊,提供 4 倍細緻降噪影像,換來 5200 萬像素相片的質素。

平價六吋芒 ! ZenFone 2 Laser Full HD 巨芒版 開箱實測!-6
▲ 機背下方會有 ZenFone 的字樣以及揚聲器,而大約中間嘅位置你會見到有 ASUS 的字樣。

平價六吋芒 ! ZenFone 2 Laser Full HD 巨芒版 開箱實測!-7
▲ 機的頂部可以見到有 3.5mm 耳機孔,而開關鍵置於機頂中間的位置。

平價六吋芒 ! ZenFone 2 Laser Full HD 巨芒版 開箱實測!-8
▲ 而機的底部會有 USB 槽。

屏幕比拼自己友 ZenFone Selfie:新不如舊?
咁大家睇完呢部 ZenFone Selfie 的外型,係時候要睇下佢嘅屏幕方面。佢嘅外型設計上其實某程度上可以話係大部版嘅 ZenFone Selfie,咁唔知屏幕上的質素差別大唔大呢? 咁今次版主就都係用番自己友 ZenFone Selfie 同呢部 ZenFone 2 Laser 做個簡單比拼,睇下在屏幕方面有沒有進步。

平價六吋芒 ! ZenFone 2 Laser Full HD 巨芒版 開箱實測!-9
▲ 兩代的 ZenFone 系列手機比拼,ZenFone 2 Laser 採用 6 吋 IPS 屏幕,而 ZenFone Selfie 則是 5.5 吋芒。

平價六吋芒 ! ZenFone 2 Laser Full HD 巨芒版 開箱實測!-10
▲ 從正面來看,兩部機的屏幕亮度、顏色相差不遠,不過如果仔細看的話,會發現 ZenFone Selfie 會偏冷少少。

平價六吋芒 ! ZenFone 2 Laser Full HD 巨芒版 開箱實測!-11
▲ 從側面看去,會發覺 ZenFone Selfie 比 ZenFone 2 Laser 更明亮更清晰,而 ZenFone 2 Laser 的顏色相對地偏黃,可見 ZenFone 2 Laser 的可視角度不如 ZenFone Selfie。


效能表現一般,各方面跑分比 ZenFone 2 略低
至於效能方面,ZenFone 2 Laser 配備了 Qualcomm Snapdragon 616 八核心處理器,並內置 3GB RAM 以及 32GB ROM。Qualcomm Snapdragon 616 屬於中階的處理器 (但比起 S615 新款,但只是小升級版,效能與功能跟 S615 沒大分別)。版主採用左一系列的跑分軟件去測試呢部 Asus ZenFone 2 Laser,包括安兔兔、BaseMark 2.0 以及 Vellamo。在 64-bit 的環境下,安兔兔的跑分為 39427 分,以 Qualcomm S616 處理器來說,這個分數尚算合理。

平價六吋芒 ! ZenFone 2 Laser Full HD 巨芒版 開箱實測!-12
▲ AnTuTu 跑分為 39427 分,係用上 S616 CPU 嘅手機裡面,這個分數算唔錯。排行方面僅次於 Galaxy Note 4,比 ZenFone 2 還要低。內存方面,ZenFone 2 Laser 配備了 3GB RAM 以及 32GB ROM。

平價六吋芒 ! ZenFone 2 Laser Full HD 巨芒版 開箱實測!-13
▲ Basemark ES 2.0 用來測試手機運作 3D 遊戲嘅效能,得出 35.49 分代表打 3D 遊戲表現一般,3D 效果可能會差少少。

平價六吋芒 ! ZenFone 2 Laser Full HD 巨芒版 開箱實測!-14
▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。Asus ZenFone 2 Laser 的 分數有 1991 分,成績不算太高,比 Samsung Galaxy Nexus 快,但比 Lenovo A7000 慢,代表用Chrome 上網感覺一般,並不太流暢。而多核、金屬用來測試手機整體效能。多核是多核心 CPU 運作情況,ZenFone 2 Laser 分數同樣都是比較一般,跟 ZenFone 2 成績差不多。

相機試拍
咁頭先都同大家講過,ZenFone 2 Laser 配備了具備 f/2.0 超大光圈的 1300 萬像素 PixelMaster 主相機,並配有雙色溫閃光燈,而且對焦速度能夠追平 Sony Xperia Z5,可以做到 0.03 秒雷射自動對焦。而前置鏡頭方面,ZenFone 2 Laser 有 500 萬像素。另外,ZenFone 2 Laser 亦都採用獨家的像素整合技術,能夠提升 4 倍感光及顏色對比度,Asus 聲稱能夠在昏暗的環境下都可以清晰呈現暗部細節。不過相機呢啲野,講 Spec 係人都識講,但真係影出黎個效果係點樣,就真係要靠大家自行判斷。版主就用左呢部 ZenFone 2 Laser 試相,俾大家參考一下:

平價六吋芒 ! ZenFone 2 Laser Full HD 巨芒版 開箱實測!-15
▲ 在旺角東站門口,光線尚算充足,影出黎嘅相偏暗,但都尚算清晰。

平價六吋芒 ! ZenFone 2 Laser Full HD 巨芒版 開箱實測!-16

平價六吋芒 ! ZenFone 2 Laser Full HD 巨芒版 開箱實測!-17
▲ 又到聖誕! 新世紀廣場的聖誕佈置。不過可以見到,在光線充足的環境下,影出來的相都尚算清晰。不過唔少手機在昏暗環境下,都好難影到清晰嘅靚相。

平價六吋芒 ! ZenFone 2 Laser Full HD 巨芒版 開箱實測!-18
▲ 離開 MOKO,我地見到再昏暗的環境下,呢部 ZenFone 2 Laser 影出黎嘅相片影像雖然都係會有少許雜訊出現,但整體來說都算清晰。

平價六吋芒 ! ZenFone 2 Laser Full HD 巨芒版 開箱實測!-19

平價六吋芒 ! ZenFone 2 Laser Full HD 巨芒版 開箱實測!-20

平價六吋芒 ! ZenFone 2 Laser Full HD 巨芒版 開箱實測!-21
▲ 在 MOKO 連住果條橋上影嘅相,就咁望落去都係清晰嘅,不過如果將張相放大,會覺得佢啲細節部份都係做得唔夠。

平價六吋芒 ! ZenFone 2 Laser Full HD 巨芒版 開箱實測!-22

平價六吋芒 ! ZenFone 2 Laser Full HD 巨芒版 開箱實測!-23
▲ 雖然呢部 ZenFone 2 Laser 本身係無手動模式,不過版主個人覺得,在夜拍的情況下,影出黎的效果好似用左手動模式咁,平時如果用普通的手機去影一啲燈,啲光或者會出現化開嘅現象,但呢張相入面,我地仲可以好清晰咁見到「皆旺商場」四隻字,綜合在明亮、昏暗的環境拍下的照片,版主覺得呢部手機在相機的表現最吸引到我。

小結
版主上手對外型、屏幕以及跑分三方面進行初步測試之後,最後結論是:我對這部手機不感興趣。雖然版主多次同大家提及過我比較中意大芒機,而呢部 ZenFone 2 Laser 的確符合我的喜好,但在外型方面,版主個人覺得呢部 ZenFone 2 Laser 並不吸引,尤其是佢嘅同心金屬紋理,而且在效能方面又不算太突出。不過版主個人覺得呢部 ZenFone 2 Laser 的相機方面的確做得不錯,就算係夜拍相片質素都很清晰。呢部 ZenFone 2 Laser 已經開賣左差不多半個月,定價為 HK $2299,以呢個 Spec 仲要有 6 吋芒黎講,呢部 ZenFone 2 Laser 都可以算做抵玩,唔知大家會唔會對呢部手機有興趣呢? 

在文章發佈時, ZenFone 2 Laser 定價為 $2299 ,按此看手機規格及最新賣價
您可能也喜歡▼