5000mAh 大電 Asus Zenfone Max 有行貨!小米 Max 香港會出?

2016-04-22 21:52
今個星期大家都知,將會相當熱鬧!三間大廠 HTC 、華為、小米,不約而同地選擇左 4 月 28 、 29 個期間推出年度旗艦,相信到時競爭一定會相當激烈。不過,版原來到時唔單止會有呢三部旗艦推出,仲有一部主打 5000mAh 大電的千元機殺到,一齊來睇睇!

5000mAh 大電 Asus Zenfone Max 有行貨!小米 Max 香港會出?-0
 

4 月 29 登場, Asus 突然加推 Zenfone Max!

提到 Zenfone Max ,版主不得不承認,事情發展實在係出乎意料之外。其實呢部有 5.5 吋同 5000mAh 大電的千元機,版主都同大家分享過,而且向 Asus 方面查詢,佢哋回應都係 Asus HK 沒有計劃引入 Zenfone Max。但係近日版主就收到風,原來 Asus HK 將會係 4 月 30 號正式推出 Zenfone Max ,而且係價錢方面,定價一樣係千元價,賣 $1499 。詳細規格如何?接下來再講。

係規格方面,大家都知其實 Zenfone Max 係有大陸版本的。但係香港開賣的行貨 Zenfone Max 就會相當「地道」,因為係 FDD LTE 頻段上, Zenfone Max 有齊 800/850/900/1700/1800/1900/2100/2600 ,但 TD LTE 就完全沒有,做不到中港 4G 機了。係規格上, Zenfone Max 就有 5.5 吋 HD 解像度,處理器就係 Qulacomm S410 ,連 2GB RAM 以及 16GB 內置容量(支援最大 64GB SD 卡)。而相機就有 1300 萬像素 0.03 秒自動對焦,電池就係 5000mAh 。

5000mAh 大電 Asus Zenfone Max 有行貨!小米 Max 香港會出?-1
▲因為 Asus 已經準備好推 Zenfone Max ,所以官方宣傳圖都已經準備好了,別稱都由「電神」變成「續航王」。

5000mAh 大電 Asus Zenfone Max 有行貨!小米 Max 香港會出?-2
▲ 現時係深水埗其實都有大陸版 Zenfone Max 賣緊,部份會有代理做返一年保養,價錢大約係 $1099 。
 

小米 MAX 會到港開賣嗎?有可能呢!

提完 Zenfone Max,再來講下小米 Max!話說小米近日已不斷為呢部最少有 6 吋以上的大芒旗艦造勢,例如提到「或將內置自主研發芯片 代號[步槍]」,最近更加好似之前版主虎仔所講,雷軍在社交網站直播期間,自爆小米 Max 會係 5 月 10 日發表。版主就聽聞,呢部小米 Max 其實好有機會係香港賣,但看來都要等一段時間。好多網友都會諗,小米 Max 用上自家處理器的話,係技術層面或者其他表現上會不會有問題。版主當然有同樣的疑問,但係要留意,小米其實沒有明確肯定小米 Max 係用上自家處理器。而且之前外界一般都估計,小米 Max 會係比起小米 5 更高階的產品。但係從之前官方透露的跑分看來,小米 Max 係處理器上,應該係用上比 S820 弱的款式,可能價錢比小米 5 更平啊!唔知大家又點睇呢?留言講講吧!

5000mAh 大電 Asus Zenfone Max 有行貨!小米 Max 香港會出?-3
▲ 呢個就係小米官方近日在微博發佈的小米 Max 宣傳圖,看起來外型同小米 5 差不多。

ASUS Zenfone Max 於文章刊登時,售價為 $1499,按這裡有詳細規格及最新賣價
 

更多有關小米 Max 的消息:

狙擊三星 A9 Pro!6.4 吋芒小米 Max 四大賣點發佈前搶先睇 
定價、實機照曝光!6.4 吋芒小米 Max 外型降級,仲要貴過米 5?
五千大電 Asus Zenfone Max 有行貨!小米 Max 香港會賣
4GB RAM + 128GB ROM! 6.44 吋巨電小米 Max 好抵玩?
外型拼小米 5! 小米 Max 屏幕、跑分一手試!