S845 高性價比機王:ASUS Zenfone 5Z 開箱比效能

2018-06-11 20:36
加陣唔少旗艦手機都過六千大元,唔係窮 J J 可以負擔得到。小米、華碩都開出以性價比為賣點嘅以高檔 S845 處理器嘅手機,係大家都係用 6GB RAM 嘅條件下,ASUS Zenfone 5Z 賣價 $4398,跟小米 Mix2S 賣價好貼近,當然,比起 Sony、HTC 及 LG 都要平好多。版主今日先來講開箱同跑分,先從效能部份,睇下係咪真係咁高性價比。

S845 高性價比機王:ASUS Zenfone 5Z 開箱比效能-0
 

影相﹑音效充滿賣點

ASUS ZenFone 5Z 可以說是早前推出的 Zenfone 5 升級版,兩款手機外型、屏幕、相機等部分皆相同,差異在於 ZenFone 5Z 用 Snapdragon 845 處理器,香港版本推出 6GB RAM + 64GB ROM 版本。ZenFone 5Z 有備星芒銀、深海藍兩色,而今次版主得到嘅係銀色版本,背面同心圓放射狀圖案,可說華碩手機的經典設計。

ZenFone 5Z 有 6.2 吋 19:9 的 Super IPS+ 屏幕 u+ Full HD+ 2246 x 1080 解像度、支援 DCI-P3 色域、500 Nits 亮度顯示以及 1500+:1 的對比能力。而 ZenFone 5Z 有雙主鏡頭設計,普通廣角用 1.4um 的 Sony IMX363 感光元件 (跟 HTC U12+ 同級),另搭配 f/1.8 大光圈鏡頭,並且同時支援 OIS 以及 EIS 的防手震功能;另外一組鏡頭,不是玩光學變焦,卻是 120 度廣角拍攝, 有 800 萬像素提供 F2.0 光圈的進光量。雖然是超廣角主鏡頭,但一樣做到人像照深拍攝功能。

ZenFone 5Z 手機採用五磁鐵雙喇叭的設計,在頂部喇叭這次比起上回提升了 27% 的音量,底部喇叭則是提升了 46% 的音量。整體的喇叭音量有提升,而 Dual NXP 9874 Smart AMP 來負責控制以及擴大音量,確保手機內部的穩定與品質。ZenFone 5Z  支援 dts-X 7.1 聲道的輸出、Qualcoom apt-X 的無線高清音效。
 

開箱


S845 高性價比機王:ASUS Zenfone 5Z 開箱比效能-1
▲ ASUS  Zenfone 5Z 於 6 月 11 日香港首賣,暫時只有一個 6GB + 64GB 容量版本。

S845 高性價比機王:ASUS Zenfone 5Z 開箱比效能-2 S845 高性價比機王:ASUS Zenfone 5Z 開箱比效能-3
▲ 借到的銀色版本,機背同樣有同心圓設計,由指紋位置散光芒。而 Zenfone 5z 有 6.22 19:9 屏幕,但解像度只係 Full HD+ 未去到 2K。而電池則有 3300mAh。

S845 高性價比機王:ASUS Zenfone 5Z 開箱比效能-4 S845 高性價比機王:ASUS Zenfone 5Z 開箱比效能-5
▲ 採用 M 字額設計,未必人人 Like,但在 USB Type C 下,照保留 3.5mm 耳機插孔,相信可以吸引不少介意嘅用家。

S845 高性價比機王:ASUS Zenfone 5Z 開箱比效能-6 S845 高性價比機王:ASUS Zenfone 5Z 開箱比效能-7
▲ 支援雙卡雙待,但其中一個 SIM 槽跟 microSD 共用卡槽。

S845 高性價比機王:ASUS Zenfone 5Z 開箱比效能-8
▲ Zenfone 5Z 有雙鏡頭,玩超級 Wide Angle,最多可攝 120 度廣角照片。與此同時,另一組鏡頭採用跟 U12+ 一樣感光元感。

S845 高性價比機王:ASUS Zenfone 5Z 開箱比效能-9
▲ 香港版跟機有快充,亦有支援 Hi-Res 耳機。

S845 高性價比機王:ASUS Zenfone 5Z 開箱比效能-10
▲ 支援最高 9V / 2A 快速充電。

跑分部份,我哋會用三個跑分軟件,分別為 Antutu (重點睇 GPU 效能)﹑Androbench (記憶體讀寫速度及 Geekbench 4 Battery Test 用來測試手機電池耐力 (稍後補加)。Antutu 得分為 269651,緦分合乎 S845 處理器手機嘅得分,當中 GPU 都有十萬分,係一個唔錯嘅分數,代表用 Zenfone 5Z 打機,會好順。

S845 高性價比機王:ASUS Zenfone 5Z 開箱比效能-11
▲ Antutu 得分。

Androbech 用來測試記憶體嘅讀寫速度。我哋先睇睇 Sequential Read 與 Write,代表連續讀寫嘅速度,我哋比較過,速度都係慢過上年嘅 HTC U11,Samsung S8+ 甚至是 Sony Xperia XZ Premium。 但睇 AndroBench 更加要睇 Random Write / Read 速度,因為代表日常手機讀取,寫入嘅速度,比起連續過資料速度,更加有用。係呢部分,其實跟上年 S8+ 與 XZP 相約。總括來講,Zenfone 5Z 記憶體運行速度,合乎高檔手機的表演,但未算係最頂級。

S845 高性價比機王:ASUS Zenfone 5Z 開箱比效能-12
▲  AndroBench 記憶卡讀寫分數。

ASUS Zenfone 5z 在文章刊出時,賣價為 $4398,按這裡有更詳細規格及最新賣價
 
多謝支持 ePrice.HK