必搶!大舖手機清貨 二千唔使有兩部!支持 NFC + 3.5mm 耳機孔

2019-01-22 19:58
早排台灣 HTC 搞新春優惠,買 U12+ 送 Desire 12+,網友見到台灣有得咁著數,有無心裡暗罵: HTC 香港仲唔快快做嘢,等幾時?不過,聽日開始大舖就效法 HTC 台灣果套,將台灣品牌手機買一送一清貨,二千蚊唔使買到兩部手機,聽落好似幾抵玩。睇下文啦!

必搶!大舖手機清貨 二千唔使有兩部!支持 NFC + 3.5mm 耳機孔

版主行場時同大舖店員吹開水,得知聽日開始百老匯、豐澤、衛訊(但不包括蘇寧)會將 ASUS ZenFone 4 S630 標準版以「買一送一」的方式清貨,$1998 就可以得到兩部 ZenFone 4 S630 版 (只限綠色),買兩部返去做孝子機,都係一個不錯的選擇。貨量話多唔多,話少唔少,聽百老匯店員講,如果淨計百老匯,全港大約有 200 部左右,每間分店約有十多部。

ASUS ZenFone 4 是 2017 年推出的產品,用上 5.5 吋 16:9 FHD 屏幕,原先係有 S630 (4GB + 64GB) 以及 S660 (6GB + 64GB) 兩個版本,不過今次清貨的係 S630 版,電池容量有 3300mAh。另外,華碩具有 12MP + 8MP 雙鏡頭設計,可以拍到高達 120 度的廣角相片。最正就係,呢個價仲要有 NFC,有 3.5mm 耳機孔,除番平均每部 $999,秒殺好多現有的入門手機。你又會唔會搶返 2 部呢?

必搶!大舖手機清貨 二千唔使有兩部!支持 NFC + 3.5mm 耳機孔

ASUS ZenFone 4 (S630) 在文章發表時,大舖賣價為 $1998 兩部,按這裡有詳細規格及最新賣價