ASUS ROG Phone 用後報告!五個原因 KO 電競對手!新手變食雞高手

管理員 2019-01-23 20:05 | Asus
話說小編恨咗好耐,一直都好想玩 ASUS ROG Phone,最近借得到啦!還有一系列遊戲專用配件,急不及待跟大家評測下。這次小編找來了市面上另一部新加坡品牌嘅燈廠電競手機進行比拼,最後得出結論:如果你係電競迷, ROG Phone 絕對是不二之選,燈廠嗰部,得個名。

ROG(Facebook).jpg

001:外觀超型!拎出街威到盡

姑且勿論小編係咪打開機,淨係講 ROG Phone 外觀,小編會評價佢係現時最型格嘅手機,沒有一部手機能夠取代,就算唔打機,拎到出街都威過人。唔好急住反駁我住,你望下個機背,這種設計可謂獨一無二,平行四邊形狀的指紋辨識鍵、會發光仲會變色嘅 Logo,真心正。雖然燈廠嗰部都有,但唔夠型,點解?ROG Phone 機身係有設計過,以機背為例,相機與指紋位置,跟 ROG 個 Logo 好配合,有幾型,睇圖就知,而另一樣叫我興奮的,係當我開咗機之後,個 UI 介面跟手機整體的設計,毫無違和感,仲有佢內置用來開啟 / 關閉 X 模式、控制風扇及燈效等等的「遊戲中心」畫面,亦都很有電競 Feel。Great!

002:超頻的 S845 處理器 效能秒殺對手!

通街旗艦手機都係用 S845,ROG Phone 又係用 S845,咁有乜咁特別?你咁諗就錯哂!原因係,ROG Phone 用的並非一般的 S845,而是超頻版的,即係人哋係 2.8GHz,但 ROG Phone 係 2.96GHz,代表着在處理器效能部份,表現會比起正常的 S845 更好,更順暢。而點樣可以展示到畀大家知,ROG Phone 的超頻 S845 CPU 會更強?最簡單方法,就係參考安兔兔評測的數據,可以具體化地比較,ROG Phone 同燈廠嗰部 S845 電競手機,到底相差幾遠。

Screenshot_20190119-023739.jpgScreenshot_20190119-023505.png
▲ 左圖 (手機版上圖) 為 ASUS ROG Phone,右圖 (手機版下圖) 燈廠嗰部電競手機,可見 ROG Phone 因為有超頻的 S845 處理器,無論在 CPU 抑或 GPU 方面,都比對手更為優勝,跑分更高達 30 萬。

003:食開雞會明!Air Trigger 是賣點

小編用過不少手機玩 PUBG,又試過用燈廠嗰部電競的手機玩,覺得實在同普通一部手機無乜太大分別。直到上手玩過呢部 ROG Phone 之後,小編成功食到雞嘅次數多咗好多!點解?有乜嘢係人無佢有?就係 Air Trigger 呢個功能,簡單來說就係無形的遊戲手掣 L1 R1 鍵!唔打機,你未必明,但有玩食雞的話,好有用。

我唔知網友食雞操控習慣係咪同我一樣,我唔鍾意企定定,習慣一邊行,一邊瞄準敵人,再一邊開槍。然而,普通一部手機當我拎住喺手,左手拇指用咗嚟控制角色走動,右手拇指用嚟瞄準同開槍。但走動、瞄準、開槍的動作,好難同時進行。而最終就變咗要先用右手拇指瞄準,瞄準完鬆開拇指先再去按開槍掣,但往往按得開槍掣嚟,敵人已經走咗去,射唔中。

個個操控習慣都唔同,你或者不會有這種煩惱,但因為 ROG Phone 有 Air Trigger,就正正最適合我去操控。只要將 Air Trigger 設定為開槍鍵,我就可以繼續保持左手拇指行走,右手拇指用來瞄準,咁點開槍?就用食指輕觸上面 Air Trigger 位置,就可以開到槍,滿足到我同時行走、瞄準、開槍的需要。

Air Trigger.jpg

004:TwinView Dock 超強配件!食雞靠佢事半功倍!

TwinView Dock 這個配件,對小編來說有兩樣嘢好有用,第一樣就係佢好似以前 NDS 咁嘅雙芒,不過當然用途就唔一樣,佢係可以讓你同時開兩個應用程式,例如你用下面個芒去玩 PUBG,上面個芒可以用來睇 Facebook / 訊息,又或者開住直播,甚至是開住另一隻掛機 Game。而就算你無必要用佢個雙芒,我都會覺得用來食雞好方便,原理就同 Air Trigger 一樣,幫助我同時做到幾個動作,最重要係佢嘅手感相當好,用來食雞更舒服。

呀!講到 TwinView Dock 不得不提一個超重要的賣點,就係呢個配件本身都有 6000mAh 電,即是話如果將 ROG Phone 接駁到這個配件,加埋就可以有 10000mAh,食雞唔使再擔心電量不足的問題。

IMG_0662.JPG
▲ 食住雞睇 YouTube 影片一樣得!

TwinView.jpg

005:配件極齊備!完勝市場上電競手機

呢個係最後一個點,小編覺得 ROG Phone 之所以能夠稱得上係最強電競手機,其中最大的原因係佢極齊備的配件,唔似得市場上另一部電競手機般,有個手掣、機背有盞燈,就叫電競手機。除咗剛才提到的 TwinView Dock,ROG Phone 本身跟機會附有一個風扇,另外有需要的話,你更可以加配 GameVice 遊戲手掣 (使用後會好像以前 PSP 般),不過小編個人覺得,這個配件用來食雞有點困難,相信是針對其他遊戲而設計,就好像賽車 Game 之類。

而 ROG Phone 亦都有一個保護殼配件,同樣是非常型格,而且一睇已經 Feel 到有幾咁堅硬安全,呢個配件剛巧最近 ASUS 就有優惠,買機就送埋畀你,正吧?當然,邊止咁少配件,仲有 Professional Dock、Mobile Desktop Dock 呢類有助駁落電腦用的配件,可惜呢啲配件小編就暫時無機會用到,但一聽功能已知好有用。

至於燈廠都有出遊戲手把,但唔係專為燈廠電競手機而設,用之前要攪一大輪,好難用。

配件.jpg

睇完以上關於 ROG Phone 的介紹,明眼人都知道佢絕對係秒殺市面上所有自稱為電競手機的對手。尤其是鍾意打機、食雞的你,有咗 ROG Phone,應該會令你的實力大大提升!大家仲唔趁住最近有優惠,快啲去買番部返屋企?

資料由客戶提供

最新新聞