Sony Xperia 5 III 遲大到?呢部 S888 細芒旗艦 大舖減價吸客

2021-08-30 19:35
今時今日,手機廠出機策略不外乎:芒要大,電要大,效能要高,但卻某程度上忽略咗一些獨愛細芒旗艦的用家。市面有賣,細芒旗艦主要有三,Sony Xperia 5 系列,ASUS ZenFone 8 系列,以及 iPhone 12 mini。當中的 Sony Xperia 5 系列新機:Xperia 5 III,講咗好耐都未有聲氣,遲哂大到,而趁住 Xperia 5 III 咁耐都唔賣,大舖就乘機將 ZenFone 8 減價。想知幾錢,睇下文啦!

Sony Xperia 5 III 遲大到?呢部 S888 細芒旗艦 大舖減價吸客-0
 

Sony Xperia 5 III 香港開賣情報分享

首先會同大家分享一下,Sony Xperia 5 III 的開賣消息。記得當時 Xperia 5 III 發表的時候,果陣時就有提過,歐洲預計會在九月上市,雖然香港未必會同一日開賣,但一般都唔會 expect 會太遲先開賣。早前版主聽聞,就話 Xperia 5 III 有機會去到下年先有得賣,唔係啩?咁誇張?不過,近日收到最新消息,就話無咁遲,預計會喺 12 月中左右先會賣。但係,等到 12 月中先賣,過多一兩個月又話出三星 Galaxy S22 系列新旗艦,咁到時 Xperia 5 III 唔知仲有無人買呢?

Sony Xperia 5 III 遲大到?呢部 S888 細芒旗艦 大舖減價吸客-1
 

ASUS ZenFone 8 網店減價

Sony 手機香港例遲,基本上都習以為常,而作為細芒旗艦的對手之一,豐澤網店就將 ASUS ZenFone 8 減價吸客,不過今次減價的,是 8GB + 128GB 版本,而且只有銀色一色,由 $4998 減至 $4880,減價 $118,減幅並不多,但其他顏色及其他型號,則依然未有減。如果近期你有考慮入手 ZenFone 8,又會唔會介意買銀色呢?

規格部分,ASUS ZenFone 8 採用咗 5.9 吋 AMOLED 芒,配備 Qualcomm Snapdragon 888 旗艦級處理器,電池容量為 4000mAh。相機部分,ZenFone 8 用上了 64MP 標準 + 12MP 超廣角雙鏡頭設計,當中的超廣角鏡頭可同時作微距鏡頭使用,而前置鏡頭則為 12MP。

Sony Xperia 5 III 遲大到?呢部 S888 細芒旗艦 大舖減價吸客-2


ASUS ZenFone 8 (8GB + 128GB) 在文章發表時,大舖賣價為 $4880,按這裡有詳細規格及最新賣價
您可能也喜歡▼