規格再次完敗?iPhone 6 、6 Plus 惡鬥 Samsung Note 4、 LG G3!

2014-09-09 20:57
好吧,每一代 Apple 發佈新機的時侯,總有網友喜歡拿規格出來說的。沒錯,今次 iPhone 6 和 iPhone 6 Plus 對於外表變化夠大了吧?(畢竟是「大屏幕」 iPhone),但亦有網友話佢係遲左出既科技,原因就係 屏幕、處理器、相機方面既規格!究竟網友又點睇呢?入黎比一比,再講講意見吧!

規格再次完敗?iPhone 6 、6 Plus 惡鬥 Samsung Note 4、 LG G3!
 

規格完敗! iPhone 6 、 iPhone 6 Plus 用舊世代規格鬥 Samsung 、 LG?

新一代的 iPhone 6 和 iPhone 6 Plus 都發佈了,就讓我們來看看規格吧!首先 iPhone 6 是放大了 4.7 吋屏幕、全新的 Apple A8 處理器,不過維持在 800 萬像素的主鏡頭和 120 萬像素前鏡頭,最高只能作 1080p/ 60fps 錄影,RAM 和電池方面官方沒有數據,我們都只能根據傳聞去猜;而 iPhone 6 Plus 呢?就是屏幕更大去到 5.5 吋的 FHD ,以及估計電池量有所不同,其餘也是相同的規格。

那麼我們和兩部 Android 機皇 Samsung Galxay Note 4 及 LG G3 比拼一下,首先兩部 Android 機都用到 2560 x 1440 解像度屏幕,有著 500PPI 以上的解像度,處理方面亦都以 四核/雙四核配 3GB RAM ,內置容量雖然不大,但都可以外置插卡;相機方面兩部手機都有更高的像素,亦有個可以拍攝 FHD 影片的前鏡頭,兩者都支援 4K 錄影啊!而兩部都是可換電的手機,亦有著 3000mAh 以上的大電池,某程度上 iPhone 6 和 iPhone 6 Plus 在這方面是完敗?

當然有網友會提出 iOS 及 Android 是不同的作業系統,亦有不同的用戶體驗,單純用規格去比較是說不準的。版主有看發佈會,當然亦有留意到 iPhone 6 的鏡頭在對焦、感光方面有進步;而 A8 處理器支援 64Bit 配合 iOS 也有不錯的流暢度,但對於重視規格的網友來說,iPhone 6 的數字差不多被中階機趕過,又會影響大家想買的意欲嗎?留言講講吧!

至於同前一代 iPhone 5s 對比?蘋果已經做了一個很完整、詳細的對比(反正每代都會做),大家可以去官網睇番。
 
手機 Samsung Galxay Note 4  iPhone 6 (4.7 吋) iPhone 6  (5.5吋) LG G3
尺吋 157 x 78 x 8.5mm 138 x 67 x 6.9mm 158 x 77.8 x 7.1mm 146.3 x 74.6 x 8.9 mm
重量 176g 129g 172g 150g
屏幕 5.7 吋 2560 x1440 4.7 吋 1334 x 750 5.5 吋 1920 x 1080 5.5 吋 2560 x1440 
屏幕材質 AMOLED IPS IPS IPS
處理器 Qualcomm S805  2.7GHz 四核心/
Samsung Exynos 5433 雙四核心
Apple A8 雙核心處理器 Apple A8  雙核心處理器 Qualcomm S801 2.5GHz 四核心
RAM 3GB 1GB? 1GB? 2GB/3GB
容量 32GB 16GB/64GB/128GB 16GB/64GB/128GB 16GB/32GB
外置插卡 可(128GB) 不可 不可 可( 128GB)
相機 1600 萬像素主鏡頭/370 萬像素前鏡頭 800 萬像素主鏡頭/ 120 萬像素前鏡頭 800 萬像素主鏡頭/ 120 萬像素前鏡頭 1300 萬像素主鏡頭/210 萬像素前鏡頭
光學防震
錄影 4K 錄影 1080p 錄影 1080p 錄影 4K 錄影
電池 3200mAh(可換式) 1810mAh(內置式)? 2915mAh(內置式)? 3000mAh (可換式)
定價 $5,588(16GB)
$6,388(64GB)
$7,188(128GB)
$6,388(16GB)
$7,188(64GB)
$8,088(128GB)
$5,698(16GB)
$5,998(32GB)
# 可按進型號名看最新賣價和詳細介紹
 
9 月 12 訂機唔係最快到手?版主教路 iPhone 6 最速買機方案!
11 款 iPhone / iPad 有得升! iOS8 最快下星期用得啦
iPhone 四千有找用 4G!iPhone 5s 減價 $1,300 衝唔衝?
規格再次完敗?iPhone 6 、6 Plus 惡鬥 Samsung Note 4、 LG G3!
發表於 2014-09-10 13:41
2 樓
都話唔係多核就快,A7一個核已經打兩個S800核…
真係識野既會知道A8會勁過 S805, 因為S805係CPU方面無進步,得GPU強左
只不過係同樣面積,Apple分左兩份,Qualcomm分左做四份咁解
發表於 2014-09-10 13:49
3 樓
ip6做到240fps超慢鏡拍片, 某程度上其他機在這方面是完敗
ip6鏡頭每個Pixel 1.5nm, 又有800萬像素, 某程度上其他機在這方面是完敗
ip6有按壓指紋sensor, 某程度上其他機在這方面是完敗
發表於 2014-09-10 15:29
4 樓
大家諗諗,八個人搬一件貨勁D丫,定係兩個人搬一件貨勁D la。核多唔代表勁,整體流暢度先係一個指標。同樣講RAM方面,android 3gb ram 先叫夠用,點解apple 1gb就已經行得順又唔易死機呢?講價錢,我真係覺得窮人真係要買iphone,大家諗下,android機一年後trade機蝕幾多?舉個例子,note 3 出左大約一年依家二手網站二手價最高得$3500左右,買個時要大約$6000,即係蝕約42%,其他android蝕既當然更多,反而iphone 5s 16gb依家二手價最高都有$3700,蝕約34%,iphone相對保值,換機都無咁重負擔。當然有人唔會以trade機價錢作考慮,但論user experience,無疑apple產品使用直覺性高,整合性強,OS連貫所有系列產品,只能說android產品碎片化問題嚴重,不能貫徹統一,不同產品沒有連繫,而且重硬件規格而不是用戶體驗,設計往往未能令人眼前一亮。其實我唔係唔支持android,只係android真係到左一個樽頸,未能突破佢既限制。
發表於 2014-09-10 21:13
5 樓
Benjamin說:
大家諗諗,八個人搬一件貨勁D丫,定係兩個人搬一件貨勁D la。核多唔代表勁,整體... 恕刪

唔係呀,Android L係效能同介面方面都會有好大改善

今年iOS同Android好似互追咁
Android就不嬲多功能,今年就加強Android效能,執靚個介面
iOS就一向效能好,介面一致,今年就加好多(Android有左好耐既)功能落去
發表於 2014-09-11 02:47
6 樓
Benjamin說:
大家諗諗,八個人搬一件貨勁D丫,定係兩個人搬一件貨勁D la。核多唔代表勁,整體... 恕刪

打手味濃?

你話「八個人搬一件貨勁D丫,定係兩個人搬一件貨勁?」,你咁樣比喻,講左等於冇講,而且CPU既運作點可以同搬貨相提並論。

整體流暢度黎講,Android喺保持到"高解像度、開啟立體過場動畫,以及小工具+雙視窗同時操作"既同時,都可以行得好順(Samsung另計)。而小工具同雙視窗呢啲功能都唔知會唔會喺升級左4.7同5.5吋咁大mon既 iPhone 上見到 (就算係iPad都未必有添)。

可能有人覺得Android要3GB RAM先叫做夠用,咁點解一間咁注重"創新"既科技公司唔可以提升到2GB RAM以上,而仲要keep住1GB?RAM多啲冇壞架喎,同埋唔通1GB叫做行得順,就一世都只係用1GB RAM?要人畀錢買新野,都畀多啲誠意啦。莫非係有所保留,為左iPhone 6S & 6S Plus既推出?iPhone啲硬件本身就唔值果個價(話知佢要畀R&D),硬件成本低到飛起,咁貴買來次等規格硬件,窮人買左其實算係中伏。加上NFC到今年先有,我兩年前已經用緊Android既NFC黎send資料、check八達通餘額啦。

iPhone冇得換電,冇得插microSD卡擴展儲存空間,冇文件管理,藍芽同插頭又唔跟標準(自閉),而且指紋識別係靜態而非動靜(動態理論上難破解啲),iCloud又慢人十拍先推出iCloud Drive畀人隨意上下載資料(google docs/drive一早有,仲要唔需要買佢地啲手機先用得,而且早過Apple同MS有協同編輯),個系統又唔似Android咁開放原始碼(Android有強大既XDA做支援)。
Btw 都未講 Notification Center 同 "Multitasking card-style"係向Android同WebOS致敬既。今次 iPhone 既尺寸同埋 iOS 8 既 3rd party keyboard 又學人,睇死 iOS 過多幾年或者會畀人裝埋 3rd party launcher、有無線充電添,畀人牽住個鼻走。

當然Apple都有啲好野既,之前收購左Siri返黎係冇做錯既。而我覺得今年Apple最叻叻係整左 Metal 同 Swift。

Android產品碎片化其實意味著消費者喺同類產品上有更多選擇,如果Android得Samsung,仲要部部用AMOLED mon,中意Android既人可能會被迫買貴啲既iPhone。但係當市場上有Samsung、LG、hTC、Sony、Google本身、Moto、華為、中興、Oppo…咁多選擇你揀,公司之間競爭激烈帶黎科技進步,而且價格又可以低啲,又冇咁易同人撞款,受惠既係我地消費者。

而你話「Android產品設計往往未能令人眼前一亮」,設計既野口同鼻拗,見仁見智,我個人覺得Android機既話,hTC、Sony、LG、One Plus One、Vega設計都唔錯。不過為左要好既設計、物料同手感,就要犧牲換電同插卡,而Android就有得畀我地選擇。仲有,iPhone梗係要包裝得好睇,如果連包裝都唔掂,單憑佢既舊規格硬件同所謂既軟硬件配合,喺大陸Android機高CP值底下,仲有邊個會買iPhone黎用?講真,睇下Apple Watch賣到咁貴就知Apple係為錢多過發展科技(或者因為Steve Jobs死左轉左Tim Cook)。賣到入門價US$349,食懵左佢喇。

小米就話係有策略地擠牙膏姐 (「初期的高成本很難攤銷。 根據摩爾定律,元器件成本隨時間下降,生命周期長的產品能獲得更高毛利」,所以到你買到佢當時標榜頂級規格果陣都已經有新規格產品推出,變相低價買舊貨),但相比之下, Apple 用舊規格賣高價錢就係明目張膽咁玩弄消費者。

其實幾年前Android軟體運行需求大,而硬件仲係唔夠快果陣,我係唔睇好Android。但到左2014,到底到左樽頸既係iOS定係Android,大家心裡有數啦。

利申:我係Android手機+Retina iPad Mini用家
純粹以事論事
發表於 2014-09-11 12:23
7 樓
你話「八個人搬一件貨勁D丫,定係兩個人搬一件貨勁?」,你咁樣比喻,講左等於冇講,而且CPU既運作點可以同搬貨相提並論。

岩架,不過佢應該講 "八個細路 (MTK6592既8個垃圾A7) 搬一件貨 定 兩個大隻佬 (A8既2個Cyclone改良版) 搬一件貨勁"
當然同樣野都apply落到去S801同A8
兩個整體效能差唔係太多,A8係兩個大隻佬,S801係四個普通男人
所以A8搬咩都游刃有餘,但一次搬好多細野就慢D

整體流暢度黎講,Android喺保持到"高解像度、開啟立體過場動 畫,以及小工具+雙視窗同時操作"既同時,都可以行得好順(Samsung另計)。而小工具同雙視窗呢啲功能都唔知會唔會喺升級左4.7同5.5吋咁大 mon既 iPhone 上見到 (就算係iPad都未必有添)。
以我感覺,目前Android都係間中有frame skip (Nexus 5),不過相信Android L會好好多
iPhone重點可以話唔係快,而係順,即係唔會有時卡左一卡咁
速度上分別反而細好多

可能有人覺得Android要3GB RAM先叫做夠用,咁點解一間咁注重"創新"既科技公司唔可以提升到2GB RAM以上,而仲要keep住1GB?RAM多啲冇壞架喎,同埋唔通1GB叫做行得順,就一世都只係用1GB RAM?要人畀錢買新野,都畀多啲誠意啦。
我諗好多人唔知,越多RAM就越食電icon我諗Apple係覺得加左用落去分別都唔大,廢時食多左電先咁做。
當然呢樣可能限制左佢幾個App同時行,所以如果佢想加呢個功能,今年iPad上2GB RAM都有可能

冇得插microSD卡擴展儲存空間
講真microSD會佔左內部唔少空間,仲未必個個用又限制多,速度慢,我自己就唔中意
反而我覺得應該用合理價提供up to 128GB
Apple今年進步左,+$800跳上64GB都算唔錯,不過再加少D會更好

而且指紋識別係靜態而非動靜(動態理論上難破解 啲)
To be fair 動態有你都唔用... see S5

Btw 都未講 Notification Center 同 "Multitasking card-style"係向Android同WebOS致敬既。今次 iPhone 既尺寸同埋 iOS 8 既 3rd party keyboard 又學人,睇死 iOS 過多幾年或者會畀人裝埋 3rd party launcher、有無線充電添,畀人牽住個鼻走。
呢個真,Apple領導者風範少左好多,上年都話有指紋,今年真係全部都係incremental improvements

其實幾年前Android軟體運行需求大,而硬件仲係唔夠快果陣,我係唔睇好Android。但到左2014,到底到左樽頸既係iOS定係Android,大家心裡有數啦。
我自己就用Android既,不過睇到iOS8加左好多有用既功能,我覺得無論你揀邊邊都好,體驗都會非常好icon
呢個真係良性競爭既結果
發表於 2014-09-11 23:51
8 樓
android軟件果方面真係完敗...就以LG G3為例,一部硬件咁好既機,竟然連real racing 3都玩唔到...就呢點已經知道軟件有幾重要,部機再快都好,但無野玩真係會悶死...
發表於 2014-09-12 02:35
9 樓

咩事玩唔到? 彈game定係play store search唔到? 我估係隻game寫得唔好,未support 640dpi
發表於 2014-09-12 04:34
10 樓
點講都好...
CPU性能幾強大都好...
1GB RAM推全高清, 真係玩我咩...
CPU又要食, GPU又要食, 1GB割完CPU果份之後點餵飽Full HD呢...?

您可能也喜歡▼