真係無得炒?iPhone SE 64GB 大鋪無貨,回收價即升

2016-03-31 20:00
同以往 iPhone 開賣日唔同,今次 Apple 玩「回到過去」推出的 4 吋芒新機 iPhone SE 事前係不被看好的情況下,反應可以話係歷次 iPhone 開賣日當中最淡靜的一次。無得炒固然係意料中事,好似早上十點又一城 Apple Store 開賣時,版主完全不見有人收機,但勢估唔到,去到下午,忽然有消息指 iPhone SE 炒得起!到底係咩一回事?版主就收到唔少消息,一齊來睇睇!

真係無得炒?iPhone SE 64GB 大鋪無貨,回收價即升-0
 

iPhone SE 64GB 版大鋪賣晒!先達回收價即升

先講下今日 iPhone SE 開賣情況, Apple Store 方面,係中午時份就已經不同容量/顏色都賣晒,呢樣大家都知!同日其實大鋪一樣有 iPhone SE 可以買到,而且唔似得以前要「食炒價」,而係正價開賣。(反而電訊商方面,有賣開淨機的 csl 同 CMHK 都要跟 Plan 出機,無得買淨機)。可能因為咁, iPhone SE 係大鋪銷情同 Apple Store 其實都差唔多,以旺角為例, 64GB 版本 iPhone SE 係衛訊、百老匯同豐澤都已經無貨。16GB 版本的話,衛訊同百老匯就尚餘少量貨玫瑰金。(更新:有網友告之,唔止旺角,連大鋪都沒有了)由此看來, iPhone SE 首日開賣情況同之前預期有頗大落差呢!

至於係下午大約三點之後,先達由唔收/低於原價收 iPhone SE 變成 64GB 版本有得賺呢回事,版主去看過,情況的確如此。同之前 iPhone 6s 情況不同, iPhone SE 新色玫瑰金並未有成為回收價最高的款式,反而玫瑰金以外的顏色仲有機會收多幾十蚊。版主問過不同表示「高價收機」的店鋪,價錢較為可觀的話, iPhone SE 64GB 版都仲會收 $4420 ,比起原價多 $132 蚊左右。至於 iPhone SE 16GB 版本的話,情況有兩種,一係唔收,一係就以低過原價 $88 左右收機。但整體而言,先達今日其實同平日無分別(都係咁冷清),同以前 iPhone 開賣日完全係兩回事。版主就覺得有意「密食當三番」的朋友審慎一點比較好,始終情況同以前截然不同呢!

真係無得炒?iPhone SE 64GB 大鋪無貨,回收價即升-1
▲ iPhone SE 64GB 版回收價竟然有成百蚊,實在係令人震驚!

真係無得炒?iPhone SE 64GB 大鋪無貨,回收價即升-2
▲ 雖然回收價係升左,但係先達場內人流同平日都係差唔多⋯⋯
 

版主收風:64GB 版本貨源極少,成為回收價上升主因?

相信好多朋友都會感到意外,明明今次 iPhone SE 都無乜人討論,更莫講話有炒買氣氛,點解仍然會火速售罄,而且回收價離奇上升(雖然都係一百幾十蚊)呢?版主從不同途徑聽聞,首批到港的 iPhone SE 其實以 16GB 為主, 64GB 只係佔好少量,所以 64GB 版本咁快賣晒都唔出奇。另外不知大家有沒有留意到,今次 iPhone SE 另一個以往唔會見到的現象就係好多收 iPhone 後再拎上大陸賣的水貨客,之所以唔再收機,其實係因為佢哋直接入貨。需知道今次 Apple 已經沒有 iReserve ,可以直接 Walk In 買,而且大鋪又正價賣機,自然不用假手於人了。到最後,回歸題目問題「 iPhone SE 真係無得炒?」版主就認為,確實唔算有,一來回收價升左但都係升得好少,而且風險亦很高,加上現時唔知幾時再有現貨供應,想買機(64GB)都有困難,風險大回報低,並不值得呢!

真係無得炒?iPhone SE 64GB 大鋪無貨,回收價即升-3
▲ 其實 16GB 版本 iPhone SE 係好多大鋪都仍然有少量存貨,但 64GB 版就沒有了。

真係無得炒?iPhone SE 64GB 大鋪無貨,回收價即升-4
▲ 現時 Apple Store 網上預訂需要一星期先有貨,難怪除左回收價升之登,連先達賣機價都升埋(對比以前 iPhone 6 ,其實 SE 都唔係等好耐啫)

iPhone SE + 9.7 吋 iPad Pro 文章集合
差別不只在尺吋! iPhone SE 比拼 iPhone 6 與 iPhone 6S
六大 iOS 9.3 功能 ! 今日不升級是你損失?
iPhone 6s 級數配置? Apple 4 吋 iPhone SE 現身!
香港價格曝光! iPhone SE 價格貴定平?
新 iPad Pro 9.7 吋香港賣價驚喜! 追加 256GB 容量
究竟我要買邊部? 9.7 吋 iPad Pro 火拼 iPad Air 2
iPhone 5s 外型,6s 規格! 4 吋芒 iPhone SE 真機上手
1GB 還是 2GB RAM 唔使靠估! iPhone SE 外媒測試結果出爐
ePrice 版主預測:iPhone SE 炒唔炒得起? 網友點睇?
快人一步訂 iPhone SE 玫瑰金! 3 月 24 號 AOS 買機策略
開賣情況非常慘淡?iPhone SE「無限量」任買,可以慢慢揀!
細細部有好處 iPhone SE 電池完勝 iPhone 6s、Galaxy S7
街頭訪問 + 評測! 99% 途人都分不出 iPhone 5 跟 iPhone SE!
Apple 賺多你七舊!買 64GB iPhone SE 用家變笨蛋
真係 No One Cares? iPhone SE 首賣,版主現場直擊!
比拼 iPhone 6s !版主現場試 iPhone SE 相機+跑分
開賣統計數據 揭低學歷中年麻甩佬至愛 iPhone SE
規格大提升,值得入手?iPad Pro 9.7 吋版主一手試

在文章刊登時,iPhone SE (16GB) 的建議零售價為 HK $3488,按這裡有詳細規格及最新賣價
在文章刊登時,iPhone SE (64GB) 的建議零售價為 HK $4288,按這裡有詳細規格及最新賣價