iPhone 7 Plus 香港版搶先開箱 + 短評測

2016-09-15 13:56
相信 16/9 星期五早上會有好多果迷同版主一樣非常興奮,因為期待已久的 iPhone 7 / 7 Plus 會正式到手啦! 版主同不少果迷討論過,一致認為 iPhone 7 Plus 確實令人驚喜:乜雙鏡頭呀,防水呀,取消 3.5mm 耳機孔 (好有話題) 等等,終於齊集於 iPhone 7 Plus 一身! 咩話?你好心急想破處? 啊唔係,想破箱玩新機?其實版主都好想,所以「用自己的方法」 + 「高昂的代價」提前取得香港版,為求滿足自己開箱慾望之外,都當然同網友一齊分享破箱的樂趣啦! 

iPhone 7 Plus 香港版搶先開箱 + 短評測
▲ 版主得到嘅係暗黑版 iPhone 7 Plus,香港身份證代表已到手把玩,唔係抄外國架!

立即開箱
過往幾代 iPhone 的外盒設計都越來越花巧,來到 iPhone 7 呢代卻顯得失色和簡單,機盒正面就是 iPhone 7 / 7 Plus 的機背,單鏡頭和雙鏡頭一目了然,唔會搞錯。另外,聞說亮黑版的 iPhone 盒身會採用全黑作為主調,有別於其他顏色的版本,盒身是白色為主調。亮黑一機難求,版主手上都只係普通版 iPhone 7 Plus。

iPhone 7 Plus 香港版搶先開箱 + 短評測
▲ 機盒側面寫上 iPhone 字樣,剩係見到呢幾個字已經 J 死人

iPhone 7 Plus 香港版搶先開箱 + 短評測
▲ 破處啦! 啊唔係,開箱啦! 首先入目的是萬惡的說明書。

iPhone 7 Plus 香港版搶先開箱 + 短評測
▲ 踢走說明書後,就見到真身啦! 撕開機身的保護膠,陣間比多幾張真機 J 圖大家睇睇。

iPhone 7 Plus 香港版搶先開箱 + 短評測
▲ 隨機附送的仍然有 Lightning 數據線,希望質量比以前更好,不要太快就爛掉吧。稍微令人失望的是,iPhone 7 並無任何快速充電技術加持,跟機附送的 USB 火牛輸出只有 5V 1A。


真機鑑賞:細節多改進
第一眼見 iPhone 7,其實都好難即時發現同上一代有乜分別,只有雙鏡頭比較顯眼。但呢代 iPhone 7 / 7 Plus 都有好多細節既改進。我地逐一睇睇。

iPhone 7 Plus 香港版搶先開箱 + 短評測
▲ 暗黑的 iPhnoe 7 Plus,不比大熱嘅亮黑差!

iPhone 7 Plus 香港版搶先開箱 + 短評測
▲ 正面的 Home 改良,不再是實體的機械 Home,反而跟隨了 HTC A9 和 10 的電容式按鍵。同樣擁有指紋識別功能,亦有像 12吋 芒 Macbook Trackpad 那樣的震動反饋。亦因為改良了 Home 按鍵,所以 iPhone 7 得到了防水功能!

iPhone 7 Plus 香港版搶先開箱 + 短評測
▲機背磨砂效果,感覺比較自然。

iPhone 7 Plus 香港版搶先開箱 + 短評測
▲ 第二個改變是取消 3.5mm 耳機孔,從實用性來講,無疑是逼用戶採用無線耳機裝置,或者採用轉接頭。但從美學角度上看,取消了 3.5mm 耳機孔卻完善機身對稱感。

iPhone 7 Plus 香港版搶先開箱 + 短評測
▲ 另一個改良位置是天線:採用了 Meizu Pro 6 的繞線方案,將過往的三段式設計,走線更貼近機身邊緣, 嘗試減低天線對機背所帶來的視角影響。遺憾的是,玫瑰金和金色兩款天線並無跟隨機身進行上色,故純白的天線仍然礙眼。圖片裡面,銀色為 iPhone 6s,而啞黑嘅 iPhone 7 Plus,喜見三段式天線嘅手機是同色的。

iPhone 7 Plus 香港版搶先開箱 + 短評測
▲ 唯一不變是凸鏡頭設計,只不過 iPhone 7 採用火山口設計,而 iPhone 7 Plus 就是雙火山口設計,怕刮花的網友肯定要考慮戴套上陣。

小米 Max + iPhone 7 Plus 大芒機對比
老實講, 作為 iOS 大芒手機選擇,Plus 型號的 5.5 吋已經是最大的選擇 6 和 7 兩代 iPhone Plus 不論是長闊高三圍都是一模一樣,不同的只是重量:新 iPhone 7 Plus 比上代輕了 4g,完全是電子磅才能感受到的輕巧。對比 Android 陣營選擇多如毛,5.5 吋的 Android 都已經稱不上大芒手機。版主手上有小米 Max,屏幕更大至 6.44 吋,屬於目前 Android 手機中超大屏幕選擇之一。

iPhone 7 Plus 香港版搶先開箱 + 短評測
▲ 一個 5.5 吋芒,一個就 6.44 吋芒,後者擁有壓倒性的視角優勢,睇片上網更舒服。

iPhone 7 Plus 香港版搶先開箱 + 短評測
▲ 需要注意,兩者後背都採用金屬物料,故容易出現滑手問題,尤其不少網友在 6 Plus 年代已經投訴機身邊緣容易滑手,釀成落地爆芒慘劇。不論是小米 Max 還是 iPhone 7 Plus,屏幕解像度同樣是 FHD 1920 x 1080,但 iPhone 7 Plus 不論是對比度(1300:1)和最大亮度(625nit),都完勝小米 Max!

iPhone 7 Plus 香港版搶先開箱 + 短評測
▲ 如果你係雙 SIM 卡用家,咁你可能要買兩部 iPhone 7 Plus,皆因 iPhone 仍然未有雙卡版,而小米有三選二(nano-sim + micro-sd / micro-sim)的卡槽設計。如果對高容量有需求,咁 128GB iPhone 7 Plus 會係你朋友,而小米 Max 港版只有 32GB,若要更大容量,只能使用外置記憶卡擴容,或者訴諸水貨啦。

iPhone 7 Plus 香港版搶先開箱 + 短評測
▲ iPhone 7 Plus 的接口只有 Lightning 一個,完全依靠無線連接或轉插頭增加擴展功能。但亦因為插口減剩一個,能夠在防水防塵功夫上做的更好,iPhone 7 Plus 擁有 IP67 防護等級。
 

小試手感:

雖然版主得到嘅係暗黑版本嘅 iPhone 7 Plus,但一見之下,覺得效果還是非常好,機背相對地不易沾指紋,而真金屬機身,只有佢,同HTC 給予得到。雙鏡突出來嘅設計,我唔覺得配,但反而怕易弄花。新的 Home Key 對於用慣非三星 Android 手機版主,覺得更加好用。至於用開 iPhone 嘅用家,無左實體 Home,又會點想,留待其他 Apple Fans 評價。請網友們留意住 ePriceHK,版主之後繼續為大家測試 iPhone 7 Plus 性能和系統新玩意! 

iPhone 7 & 7 Plus 功能解構
Apple 官方都有講!亮黑 iPhone 7 有致命缺點
真係好靚!iPhone 7 最有得炒的 果然係新色亮黑
iPhone 7 用 A10 Fusion 處理器! 慳電,夠爽
炒機定自用?iPhone 7 系列相機升級 + 有雙鏡
無 3.5mm 插位,是福是禍?iPhone 7屏幕 + 耳機效能大解構
iPhone 7 兼容 Felica 技術  未來八達通或可配 Apple Pay 使用
首度進軍手機《Super Mario Run》年底 iOS 首發

iPhone 7 & 7 Plus 賣買攻略
四個要點 6 個步驟,下午三點 超快係 AOS 搶 iPhone 7 亮黑
純數據分析!iPhone 7 炒價必升舊年
今年有無得炒?iPhone 7 / iPhone 7 Plus 售價 + 首發地區
訂 iPhone 7 Plus 亮黑 ! 9 / 9 三點鐘 AOS 買機攻略 (附一按即通連結)
Mark 低日子搶 iPhone!iPhone 7 系列 預訂 + 香港賣價!
前代 iPhone 6s 系列、iPhone SE 大減價,最多劈 $1700 入手是時候?
AOS、iReserve 同時開放?iPhone 7 Plus 亮黑色 必搶攻略
小心!iPhone 7 亮黑色大陸大把貨?第一批機 放貨要快手?
版主醒你特別版「 IR」!開賣前五步登記提前搶 iPhone 7​


Apple Watch 2 代
50m 防水、內置 GPS、Nike+ 加持!Apple Watch Series 2 發表
變做運動邊捉寵   Apple Watch 可玩《Pokemon Go》

睇完 iPhone 7 嘅資訊,咁點樣出機先最著數?版主聽聞去 C 記預訂 iPhone 7,出機會比較快,仲可以享受 Offer!點樣出機,立即 Like 佢地嘅 Facebook Fanpage,玩遊戲得[生果]大獎,大獎係乜你地明白架啦! 仲會收到 C 記最快嘅出機消息添

iPhone 7 係文章刊登時,賣價分別為 $5588 (32GB)、$6388 (128GB)  和 $7188 (256GB)。按這裡有更詳細規格
iPhone 7 Plus 係文章刊登時,賣價分別為 $6588 (32GB)、$7388 (128GB)  以及 $8288 (256GB)。按這裡有更詳細規格

 
多謝支持 ePrice.HK
您可能也喜歡▼