四百蚊全新 iPad 呀?Apple 電腦、平板、iPhone 限時開倉

2019-01-17 18:43
文章分享
有平價貨,基本上版主都會報畀大家知,除非剛巧睇唔到,或者忙到唔夠手用。而就好似之前荃灣開倉,就係一個例子。當然,呢類開倉清貨產品雖然係平,但始終多數都係陳列機,無保養,或多或少都有風險。但,我又認為,呢啲都係睇運氣,好似之前幫朋友買了 Apple Watch 3,到現在依然開心使用中。好了,戴咗咁多頂頭盔,係時候入正題,聽日起又有地方搞開倉活動,Apple 電腦、平板、iPhone 都以低價清貨,當中四百蚊可以買到「全新」iPad 喎!睇下文啦!

四百蚊全新 iPad 呀?Apple 電腦、平板、iPhone 限時開倉

講緊嘅係九龍灣一間叫 HKPCMALL 的商店,呢間舖又係不時都搞開倉優惠,而今次版主嘅焦點去咗 iPad mini 2 Wi-Fi 32GB 上,寫住係「#New」,咁理論上係全新無錯,不過但又無保養,原因係乜,可能係水貨,可能係後門機 (即港水機)。然而,佢寫到明係無保養,咁有乜問題你都吹佢唔漲,但正如開頭個頭盔咁講,買得呢啲貨,風險是必然,只能說碰下運氣啦,平平地當玩下,係 OK 的。重點是,個價賣 $598,粗粗地玩下都可以。

四百蚊全新 iPad 呀?Apple 電腦、平板、iPhone 限時開倉

但版主你標題又話四百蚊,你係咪寫錯咗呀?唔係!但有條件。佢網站寫明,18 / 1 當日首 100 名入場買蘋果產品,可以即減 $200,咁減完之後,就只係 $398,睇到個價,真係明知可能有風險,都心郁想搏下啦!

呢間舖另有一大堆產品會有優惠,而且好公開地講哂有乜產品,唔使好似豐澤咁要去到先知有乜買,按這裡可以睇到開倉清貨貨品 (賣出咗就會從網站裡消失)。但更重要的是,每次呢啲開倉活動,都排隊排到水蛇春咁長,如果想有得享即減 $200 買 Apple 產品,可能就要早啲去定排隊了!
 

開倉詳情

日期:1 月 18 - 19 日
時間:10:30 - 20:00 (星期五), 11:00 - 19:00 (星期六)
地址:九龍灣德福大廈 5 樓 501 室
文章分享