衛訊清貨!瀏海 iPhone 劈價 $1800,抵買?

2019-03-16 17:00
大陸就話要抵制 Apple,就算 iPhone 減價,大陸人都唔買。咁如果換轉係香港,有 iPhone 減價喎,網友又會選擇當睇唔到,抑或拿拿聲衝去買呢?最近行場發現,有大舖就將 iPhone 清貨劈價 $1800,值唔值得網友入手呢?睇下文啦!

衛訊清貨!瀏海 iPhone 劈價 $1800,抵買?

今次要說的,是舊代的 iPhone X。乜唔係連官方都已經唔賣喇咩?點解仲講 iPhone X 嘅?但原來,最近衛訊無啦啦返咗貨,64GB 版本的 iPhone X,只需 $6799 就買到,相比剛推出時的建議零售價,便宜了 $1800。至於 256GB 版本,則暫時未有返貨,但店員表示聽聞遲下都會再入,賣價會係 $7999。

事實上,並不是只有衛訊有返貨,蘇寧一樣有。不過,蘇寧似乎就跟唔上衛訊的賣價,64GB 的 iPhone X 仲係賣緊 $7399,咁似乎,除非衛訊無哂貨,如果唔係正常都唔會去蘇寧買吧?不過咁,其實呢個價,都可以買到 iPhone XR,網友又會揀 iPhone X 定 iPhone XR 呢?留言講下啦!