(附傳送門) 午夜綠磨砂款成大熱門? 9.13 八點 AOS 搶 iPhone 11 Pro

2019-09-11 16:14
文章分享
年年 Apple Online Store (AOS) 搶 iPhone,例牌都係某個星期五的下午三點開放,然而今年 Apple 玩嘢,將 AOS 開放時間改成晚上八點,中秋節大家節目多多,應該唔爭在追加多一個搶 iPhone 節目吧?雖然版主個人對 iPhone 11 有興趣,不過講到比較有特色的,應該係多咗三鏡頭、轉磨砂機背嘅 iPhone 11 Pro  / 11 Pro Max 吧!而且仲有新色午夜綠,應該會成今次的搶手貨。想快人一步買到新 iPhone,內文附有 AOS 傳送門!

(附傳送門) 午夜綠磨砂款成大熱門? 9.13 八點 AOS 搶 iPhone 11 Pro
 


iPhone 11 系列值唔值得買?

老實,版主自己都想將手上的 iPhone XR 升級,如果你抱着自用的心態入手,我個人覺得係值得,畢竟鏡頭多咗,仲有廣角鏡,影風景正,自己買個 Shift Cam 影出嚟效果始終都係差一截。

不過如果講到炒賣,因為大陸都有首賣的關係,炒得起嘅機會應該都比較低,但始終今次設計都叫有大改動,多個鏡頭又轉磨砂機背,或者 iPhone 11 Pro / iPhone 11 Pro Max 首日應該都仲有少少水位,而炒得最高估計係午夜綠色 (只限首日,按照慣例每年的 Hero 顏色都係炒得高,蝕得快),穩陣派則可考慮灰色,就算無錢賺,應該都可以平手離場,仲有得儲下 miles 𠻹!

P.S. 炒賣並不值得鼓吹,投資涉及風險,網友敬請謹慎注意。

(附傳送門) 午夜綠磨砂款成大熱門? 9.13 八點 AOS 搶 iPhone 11 Pro
 

iPhone 11 AOS 預訂詳情

日期:2019 年 9 月 13 日
時間:晚上 8 時正

特別注意:近呢幾年好多時都會 AOS、iResearve (IR) 同時開啟,AOS 即係 Apple Online Store 開售,比較適合真用家去訂,先付了錢,然後就有貨,但未必第一日就有機畀你;而如果想早啲取機,可能就要搶 IR 比較好。IR 有開放,版主就會再同大家分享 IR 訂購連結。
 

iPhone 11 AOS 買機各型號傳送門

型號 儲存容量 建議零售價 顏色選擇
iPhone 11 Pro 64GB $8599 太空灰 | 銀色 | 午夜綠色 | 金色
iPhone 11 Pro 256GB $9899 太空灰 | 銀色 | 午夜綠色 | 金色
iPhone 11 Pro 512GB $11599 太空灰 | 銀色 | 午夜綠色 | 金色
iPhone 11 Pro Max 64GB $9499 太空灰 | 銀色 | 午夜綠色 | 金色
iPhone 11 Pro Max 256GB $10799 太空灰 | 銀色 | 午夜綠色 | 金色
iPhone 11 Pro Max  512GB $12499 太空灰 | 銀色 | 午夜綠色 | 金色
iPhone 11 64GB $5999 白色 | 黑色 | 綠色 | 黃色 | 紫色 | (PRODUCT)RED
iPhone 11 128GB $6499 白色 | 黑色 | 綠色 | 黃色 | 紫色 | (PRODUCT)RED
iPhone 11 256GB $7299 白色 | 黑色 | 綠色 | 黃色 | 紫色 | (PRODUCT)RED

歡迎 Follow 我哋 ePriceHK Telegram Channel,收取最新手機、科技及每日優惠資訊。
立即 Click 入:  ePriceHK Telegram 產品優惠科技資訊頻道
https://t.me/ePriceHK
Click 入有關 ePrice.com.hk 嘅 Telegram 頻道介紹
文章分享
您可能也喜歡▼